ယဘၣ်ယိၣ်ယဲလၢ ယဖိဒိၣ်မုၣ်-မုၣ်လိၣ်ဘိဖိတဂၤ အတၢ်အိၣ်ဆူၣ်အိၣ်ချ့အဂီၢ်ဘၣ်ဆၣ်, ဖဲယနၢ်ဟူယဲလၢ န့ဆၢၣ်အတၢ်ကူစါယါဘျါလၢအစၢဂ့ၤ, ဒီးပနာ်န့ၢ်အီၤသ့အိၣ်ဝဲအဃိ, ယသးမုာ်ထီၣ်ဝဲဒၣ်န့ၣ်လီၤ. ဘၣ်ဆၣ်, ယဒ့မုၣ်န့ၣ် ကွၢ်ဝဲဒၣ် အပူၤကွံာ်အဖိမုၣ်အတၢ်ကူစါယါဘျါအတၢ်အိၣ်အသး, ဒီးဆိကမိၣ်ဝဲဒၣ်, တၢ်အစၢလၢအတဂ့ၤတကပၤ ကဲထီၣ် လိၣ်ထီၣ်သ့ဝဲဒၣ်သ့ၣ်သ့ၣ်န့ၣ်လီၤ. ယအဲၣ်ဒိးစံးကတိၤဂ့ၢ်လိာ်တၢ်ဒီးအီၤဘၣ်ဆၣ်, ယပၢၤက့ၤယသးန့ၣ်လီၤ. ယဖိဒိၣ်မုၣ်ဖိအဂီၢ်, ယတၢ်ဘၣ်ယိၣ်ကအိၣ်ဒၣ်ဝဲ ထဲလဲၣ်ဂ့ၤ, ထဲလဲၣ်ဂ့ၤ ယဘၣ်ဟ့ၣ်စိဟ့ၣ်ကမီၤ အမိၢ်အတၢ်ဘၣ်သးန့ၣ်လီၤ.

လၢခံန့ၣ်, ကသံၣ်သရၣ် ဒုးသ့ၣ်ညါပှၤလၢ န့ဆၢၣ်အတၢ်ကူစါယါဘျါတၢ်န့ၣ် ကဲထီၣ်ဝဲဒၣ် သွံၣ်ထံတၢ်တဘၣ်လိာ်ဘၣ်စးအတၢ်ဆါ (allergic) နးနးကျံၤကျံၤသ့ဝဲဒၣ်န့ၣ်လီၤ. ယဖိဒိၣ်မုၣ်ဖိအတၢ်ဂ့ၤတၢ်ဝါအဂီၢ်- ကျိၤကျဲလၢယတသ့ၣ်ညါတဖၣ်န့ၣ် အမိၢ်သ့ၣ်ညါဝဲဒၣ်အဂ့ၤကတၢၢ်န့ၣ်လီၤ.

ဖဲယအိၣ်ဒီးတၢ်ဘၣ်ယိၣ်ဘၣ်ဘီလၢ ပှၤအဂုၤအဂၤလၢယအဲၣ်ဘၣ်အီၤတဖၣ်အဂီၢ်, ဒီးယဆိကမိၣ်လၢ အဝဲသ့ၣ်ကြၢးဒိးန့ၢ် တၢ်မၤစၢၤအဃိ, ယဃ့ထုကဖၣ်လၢယွၤအအိၣ် ဒ်သိးယွၤကမၤစၢၤအဝဲသ့ၣ်အကတီၢ်, ယသ့ၣ်နီၣ်ထီၣ်က့ၤတၢ်ဂ့ၢ်အံၤန့ၣ်လီၤ. ယသ့ၣ်နီၣ်ထီၣ်ဝဲဒၣ် ကစၢ်ယွၤ, လၢအအဲၣ်, ဒီးသ့ၣ်ညါအဝဲသ့ၣ်အါန့ၢ်ဒံးယသ့ၣ်ညါအဝဲသ့ၣ်တဂၤအံၤ, သ့ၣ်ညါတၢ်အဂ့ၤကတၢၢ်လၢ အဝဲသ့ၣ်အဂီၢ်န့ၣ်လီၤ.

ယရှါ ၅၅:၉ အပူၤန့ၣ်, ယွၤစံးဝဲဒၣ်, ‘ဒ်မူခိၣ်ထီန့ၢ်ဟီၣ်ခိၣ်အသိး, ယကျဲ ထီန့ၢ်သုကျဲ န့ၣ်လီၤ. ဖဲအံၤ, ဧ့ၤဘြံၤအတၢ်ကတိၤ ‘ကျဲ’ (derek) န့ၣ် အဲၣ်ဒိးပာ်ဖျါထီၣ် ယွၤအတၢ်ဒီသူၣ်ပာ်သးအတီအလိၤ အတၢ်ဟူးတၢ်ဂဲၤတဖၣ်, တၢ်လၢအလီၤဆီလိာ်အသးဒီးပှၤဟးဂီၤဖိတဖၣ်အကျဲ န့ၣ်လီၤ. ယွၤအတၢ်ကူၣ်ဘၣ်ကူၣ်သ့, ဒီးကျိၤကျဲအတီအလိၤတဖၣ်န့ၣ် ထီန့ၢ် ယိာ်န့ၢ်ဒံးပတၢ်သ့ၣ်ညါ, ဒီးပကျဲတဖၣ်န့ၣ်လီၤ. ပှၤလၢပအဲၣ်အီၤတဖၣ် အတၢ်အိၣ်မူအပူၤ, တၢ်မၤအသးတဖၣ်န့ၣ် ပတအဲၣ်ဒိးလၢ တၢ်ကမၤအသးဘၣ်ဆၣ်, ဒ်ကစၢ်ယွၤထံၣ်ဝဲ တၢ်အဂ့ၤကတၢၢ်လၢ အဝဲသ့ၣ်အတၢ်အိၣ်မူအပူၤအဂီၢ်, ယွၤကမၤတၢ်န့ၣ် ပနာ်န့ၢ်ကစၢ်ယွၤသ့ဝဲဒၣ်န့ၣ်လီၤ.

ဒ်ဖံလံးပံၤ ၄:၆ ပာ်ဖျါဝဲအသိး, ပကပာ်ဖျါထီၣ် ‘ပတၢ်ဃ့ကညးတဖၣ်ဆူယွၤအအိၣ်’ ဒီးဟ့ၣ်လီၤအးလီၤ ပှၤလၢပအဲၣ်ဘၣ်အီၤတဖၣ် ဆူယွၤအအိၣ်န့ၣ်တက့ၢ်. ယရှါ ၅၅:၃, ၇-၁၁ စံးဘၣ်ပှၤလၢ ထဲယွၤတဂၤဧိၤန့ၣ် လၢဝဲပှဲၤဝဲဒီးတၢ်အဲၣ်, တၢ်သးကညီၤ, တၢ်ကူၣ်သ့, ဒီးတၢ်စိတၢ်ကမီၤန့ၣ်လီၤ.