ဖဲတၢ်ဆၢကတီၢ်တယံာ်ဒံးဘၣ်န့ၣ်, ယဝဲၢ်ပိာ်ခွါ စကီး (Scott) လိၣ်ဘၣ်ဝဲဒၣ် တၢ်ကွဲးနီၣ်ဘၣ်ဃးဒီး ပပၢ်မၤဝဲသုးအတၢ်ဖံးတၢ်မၤ, ဖဲဟီၣ်ခိၣ်ဒီဘ့ၣ် တၢ်ဒုးဖးဒိၣ်ခံဘျီတဘျီအကတီၢ်န့ၣ်လီၤ. ဖဲယဖးကွၢ် တၢ်ကွဲးနီၣ်တဖၣ်န့ၣ်ဒီး, ဘၣ်ဃးဒီးပပၢ်အဂ့ၢ်န့ၣ် ယတထံၣ်ဘၣ် တၢ်ဂ့ၢ်လၢအလီၤကမၢကမၣ်, မ့တမ့ၢ် တၢ်ဂ့ၢ်လၢအလီၤပျံၤလီၤဖုးဘၣ်. မ့ၢ်ဒၣ်တၢ်ကွဲးပာ်ဖျါ တၢ်ဂ့ၢ်တၢ်ကျိၤတဖၣ်န့ၣ်လီၤ. တၢ်ဂ့ၢ်တၢ်ကျိၤလၢအလီၤသးစဲဘၣ်ဆၣ်, ယသးကလၢၢ်ဘၣ်ယဲလၢ ယတသ့ၣ်ညါအါထီၣ်ယပၢ်အဂ့ၢ်အကျိၤအသီတဖၣ်အဃိ, ယသးတမံယဲဒၣ်ဘၣ်န့ၣ်လီၤ.

ပကဘၣ်စံးဘျုးဝဲလၢ, တၢ်ဟ့ၣ်လီၤပှၤ ကစၢ်ယ့ၣ်ရှူးအသးသမူ, ဒီးအတၢ်မၤအဂ့ၢ်, တၢ်ကွဲးနီၣ်တဖၣ် လၢအမ့ၢ် လံာ်တၢ်သးခုကစီၣ် လွံၢ်ဘ့ၣ် န့ၣ် တမ့ၣ်ထဲလၢ တၢ်ကွဲးပာ်ဖျါ တၢ်ဂ့ၢ်တၢ်ကျိၤတဖၣ်ဘၣ်. လံာ်တၢ်သးခုကစီၣ်တဖၣ်အံၤ မ့ၢ်တၢ်ပာ်ဖျါ ဖဲ ကစၢ်ယ့ၣ်ရှူး အိၣ်မူအိၣ်ဂဲၤလၢ ဟီၣ်ခိၣ်ချၢအကတီၢ်, အဝဲမ့ၢ်မတၤတဂၤလဲၣ်, ဃုာ်ဒီးတၢ်လၢအမၤတ့ၢ်ဝဲ, ဒီးစံးတ့ၢ်ဝဲတဖၣ်န့ၣ်လီၤ. တၢ်သးခုကစီၣ် လံာ်မၢ်ကူး အပူၤ, တၢ်ကွဲးနီၣ်တဖၣ် အတၢ်ပညိၣ်န့ၣ် ဒ်သိးကမၤဂၢၢ်မၤကျၢၤဝဲဒၣ် တၢ်ဂ့ၢ်မိၢ်ပှၢ် ဖျါဖဲ မၢ်ကူး ၁:၁, ‘ယွၤအဖိခွါ, ယ့ၣ်ရှူးခရံာ်အတၢ်သးခုအကစီၣ်အခီၣ်ထံး’ န့ၣ်လီၤ. လံာ်မၢ်ကူး ပာ်ဖျါဝဲ ဘျၢတၢ်စီၤယိၤဟၣ်အုၣ်အသးလၢ မ့းၡံအၤအဂ့ၢ်ဒ်လဲၣ်န့ၣ်လီၤ. အဆၢဖိ ၇ န့ၣ် ဘျၢတၢ်စီၤယိၤဟၣ် စံးဝဲဒၣ်, “ပှၤဟဲလၢယလီၢ်ခံတဂၤန့ၣ်, သ့န့ၢ်ယၤတက့ၢ်လီၤ. အဝဲဒၣ်န့ၣ် ယသကူးလီၤယသးဒီး ဃ့ၣ်လီၤကွံာ်အခီၣ်ဖံးအပျံၤန့ၣ် ယတဂ့ၤတဘၣ်ဘၣ်” န့ၣ်လီၤ. လံာ်မၢ်ကူး အတၢ်ကွဲးတဖၣ် ပာ်ဖျါဝဲဒၣ်ဆှဲဆှဲဖိလၢ, ကစၢ်ယ့ၣ်ရှူးမ့ၢ်ယွၤအဖိခွါန့ၣ်လီၤ. တၢ်မၢဖိစီၤယိၤဟၣ် ပာ်ဖျါစ့ၢ်ကီးဝဲလၢ အတၢ်ကွဲး, ပာ်ဖျါဝဲ ကစၢ်ယ့ၣ်ရှူး အသးသမူအဂ့ၢ် ဖဲ ယိၤ ၂၀:၃၁ အပူၤ, ‘ဘၣ်ဆၣ်ဒီးဒ်သိးသုကနာ်လၢယ့ၣ်ရှူးမ့ၢ်ခရံာ်, ယွၤအဖိခွါ, ဒီးသုနာ်တၢ်သတးဒီး, ဒ်သိးသုကန့ၢ်ဘၣ် တၢ်မူလၢအမံၤအပူၤဒီး, တၢ်အံၤတဖၣ်ဘၣ်ကွဲးအသး’ န့ၣ်လီၤ.

တၢ်အုၣ်အသးတဖၣ်လၢ ကစၢ်ယ့ၣ်ရှူးအသးသမူအဂ့ၢ် အိၣ်ဝဲအါမးန့ၣ်လီၤ. လၢပဂီၢ်တၢ်သံကွၢ်တဖၣ် အိၣ်ဒံးဝဲအဖၢမုၢ်- တၢ်သံကွၢ်တဖၣ်အံၤ လၢနဂီၢ် အဝဲကမ့ၢ်တၢ်အခီပညီမနုၤတမံၤလဲၣ်. အဝဲဆီတလဲဝဲဒၣ် နတၢ်အိၣ်မူဒ်လဲၣ်န့ၣ်လီၤ