တၢ်ဆိကမိၣ်လၢအမ့ၢ် တၢ်အိၣ်ဃိကလာ်, ဒ် စံး ၄၆:၁ ပာ်ဖျါဝဲအသိး, တၢ်အိၣ်ဘှ့ၣ်အိၣ်ဘှီၣ်, တၢ်အိၣ်ကဒုလၢ ယွၤ, ပတၢ်ပူၤဖျဲးအလီၢ်န့ၣ် ဘၣ်သူၣ်ဘၣ်သးယၤဒိၣ်မး န့ၣ်လီၤ. စံး ၄၆:၁ဝ ပာ်ဖျါဝဲလၢ “အိၣ်ဃိကလာ် ဒီးသ့ၣ်ညါလၢယမ့ၢ်ယွၤတက့ၢ်” န့ၣ် မ့ၢ်လံာ်စီဆှံတတီၤလၢ အဘၣ်တၢ်တဲဖျါတလီၢ်လီၢ်, ဒ်သိးပတၢ်သ့ၣ်ညါယွၤအဂီၢ်, သိၣ်လိၦၤလၢ တၢ်ဒုးအိၣ်ဘှီၣ်ကလာ် လၢသူၣ်လၢသးႇ လၢပသးအတၢ်ဆိကမိၣ်, ဒီးလၢပသးသမူအဂီၢ်န့ၣ် မ့ၢ်တၢ်လၢအလိၣ်နီၢ်နီၢ်န့ၣ်လီၤ. ဘၣ်ဆၣ်, တၢ်အိၣ်ဃိကလာ်စံးတၢ်န့ၣ် တမ့ၢ်တၢ်မၤလၢအညီဘၣ်, တမ့ၢ်ဘၣ်ဧါ. တၢ်အိၣ်ဃိကလာ်, လီၤဆီဒၣ်တၢ် တၢ်အိၣ်ဂၢၢ်အိၣ်ကျၢၤ လၢသူၣ်လၢသး, လၢယွၤအမဲာ်ညါန့ၣ် ဘၣ်တဘျီဘျီ ဖျါဒ်သိးပမၤအီၤတန့ၢ်တသ့ဘၣ်န့ၣ်လီၤ. ဘၣ်မနုၤအဃိလဲၣ်.

စဲအံၣ်အတၢ်သိၣ်တၢ်သီအခီၣ်ထံးအကျါတမံၤန့ၣ် စံးဘၣ်ၦၤလၢ “တၢ်ဖိတၢ်လံၤ လၢအသုးသးတမံၤမံၤန့ၣ် ညီနုၢ် ကဘၣ်သုးအသး” န့ၣ်လီၤ. တၢ်ကဆီတလဲ တၢ်လၢသုးအသးတလီၢ်လီၢ်, တၢ်ဟူးတၢ်ဂဲၤႇ ဒီးတၢ်မၤတဖၣ်န့ၣ် တမ့ၢ်တၢ်လၢအညီဘၣ်. မ့ၢ်လၢ တၢ်မၤဒ်သိးအံၤန့ၣ်, ဒုးကဲထီၣ် ပတၢ်ဟူးတၢ်ဂဲၤတဖၣ် ကဆိကတီၢ်ဝဲဒၣ်အဃိန့ၣ်လီၤ. တၢ်မၤအသးအံၤ, ပဆိကမိၣ်မၤဘၣ်ထွဲအီၤသ့ဝဲဒၣ် ဒ်ကဘီလဲၤတၢ်အကျိၤအသိးန့ၣ်လီၤ. တၢ်ကျဲးစၢးဒုးအိၣ်ကတီၤကဘီဒၣ်လဲၣ်, ကဘီသုးအသး အတဟီၣ်တဖၣ်န့ၣ် တလ့ၣ်အသးလၢ ကဘီအဖီလၣ်, ဒီးဆီၣ်ဝဲကဘီဆူညါန့ၣ်လီၤ.

နမ့ၢ် သ့ၣ်ညါတူၢ်လိာ် တၢ်အိၣ်ဘှီၣ်ကလာ်အလုၢ်အၦ့ၤဘၣ်ဆၣ်, ဒ်သိးနကဒိးန့ၢ်အီၤအဂီၢ်, နမ့ၢ်ဘၣ်ဂဲၤပျုၢ်ကျဲးစၢးန့ၣ်ဒီး, ဘၣ်မနုၤအဃိ, တၢ်ကဲထီၣ်အသးဒ်အံၤလဲၣ်န့ၣ် မ့ၢ်လၢတၢ်ဂ့ၢ်တၢ်ကျိၤတမံၤ, ဖျါလၢထးအသိးအဃိန့ၣ်လီၤ. ပတၢ်ဟူးတၢ်ဂဲၤတဖၣ်, ဒီးကယဲၢ်ပခီၣ်ခါတဖၣ်န့ၣ် လီၤဂာ်ဒီး “တၢ်ဖိတၢ်လံၤလၢအသုးသးတဖၣ်” န့ၣ်လီၤ. လၢတၢ်န့ၣ်အဃိ, ဖဲနဆ့ၣ်နီၤလၢ ယွၤအမဲာ်ညါ, ဒီးအိၣ်ဘှံးလၢအပူၤအကတီၢ်, ဒ်သိး နကဘၣ်ဘျုးဘၣ်ဖှိၣ်အဂီၢ်, ဟ့ၣ်အါထီၣ် နနီၢ်ခိနီၢ်သး, နတၢ်ဆၢကတီၢ်န့ၣ်တက့ၢ်. ဒ်သိးနကအိၣ်ဃိကလာ်လၢ ယွၤအမဲာ်ညါအဂီၢ်, နကဘၣ်ဟံးန့ၢ်တၢ်ဆၢကတီၢ်တုၤလၢ နနီၢ်သးအတၢ်ဟူးတၢ်ဂဲၤ, အလပီတဖၣ် လဲၤပူၤကွံာ်နၤအကတီၢ်န့ၣ်လီၤ.