ဖဲတၢ်ဂိၢ်ခါသၢလါတၢ်ဒုးတၢ်ယၤဒီးကီၢ်ရၢးရှၣ်(Russia) (၁၉၃၀-၁၉၄၀) အကတီၢ်န့ၣ်, ဖ့လဲ(န) (Finnish)အပှၤသုးဖိတဂၤ ဘၣ်ဒိဘၣ်ထံး, ဒီးမံနီၤစူၣ်လီၤအသး ဖဲတၢ်ဒုးပျီန့ၣ်လီၤ. ရၢးရှါ အပှၤသုးဖိတဂၤ ပညိၣ်ဃီၤဝဲအကျိၤ, ဒီးဟဲဆူအအိၣ်လိၤလိၤန့ၣ်လီၤ. ဖ့လဲ(န) အပှၤသုးဖိတဂၤအံၤ ကဘၣ်သံန့ၣ် လီၤတံၢ်လံန့ၣ်လီၤ. ဘၣ်ဆၣ်, ရၢးရှါ သုးဖိန့ၣ် ဟ့ၣ်ခီအီၤ ကသံၣ်ဖီၣ်အဒၢဖိ, ဒီးလဲၤဝဲဒၣ်ဆူညါန့ၣ်လီၤ. လၢခံ, တၢ်မၤအသးလီၤလီၤဆီဆီ ဖဲလၢ ဖ့လဲ(န) အပှၤသုးဖိ ဘၣ်ကွၢ်ဆၢၣ်မဲာ်ဝဲ တၢ်အိၣ်အသးတမံၤဃီန့ၣ်လီၤ. တၢ်တဘျီအံၤ, တၢ်အိၣ်အသးန့ၣ် မ့ၢ်လၢ ပှၤရၢးရှါ သုးဖိန့ၣ် လီၤဃံၤဝဲလၢ တၢ်ဒုးတၢ်ယၤအပျီပူၤ, ဒီးပှၤလၢကမၤစၢၤအီၤတအိၣ်ဘၣ်အဃိ, အဝဲကဘၣ်မၤစၢၤဝဲဒၣ်န့ၣ်လီၤ. ဖ့လဲ(န) အပှၤသုးဖိတဂၤအံၤ ဟ့ၣ်ခီအီၤ ကသံၣ်ကသီတဖၣ်, ဒီးလဲၤဝဲဒၣ်ဆူညါန့ၣ်လီၤ.
မး ၇:၁၂ အပူၤန့ၣ် ကစၢ်ယ့ၣ်ရှူး ဟ့ၣ်ပှၤ တၢ်နဲၣ်ကျဲအတၢ်သိၣ်မိၢ်ပှၢ် အကံၢ်အလဲ, “မၤသးဒ်န့ၣ်ဒီး ဖဲဒၣ်တၢ်လၢ သုဆၢလၢပှၤကညီ ကမၤသုခဲလၢာ်န့ၣ် မၤအီၤဒ်န့ၣ်အသိးတက့ၢ်” န့ၣ်လီၤ. ပှၤစူၢ်က့ၤနာ်က့ၤတၢ်တဖၣ် မ့ၢ်အိၣ်မူပိာ်ထွဲ တၢ်သိၣ်မိၢ်ပှၢ်တမံၤအံၤန့ၣ်ဒီး, ဟီၣ်ခိၣ်အံၤ ကလီၤဆီဝဲဒၣ်ထဲလဲၣ်န့ၣ် မ့ၢ်နဆိကမိၣ်ထီၣ်ကသ့ဧၣ်. ပမ့ၢ်ဒိကနၣ်သကိးကစၢ်ယ့ၣ်ရှူး အတၢ်ကူၣ်သ့အံၤကိးဂၤန့ၣ်ဒီး, တၢ်မၤအၢမၤသီတၢ်တဖၣ် ကကတၢၢ်ကွံာ် ဆံးအါလဲၣ်န့ၣ် ပဂံၢ်ထီၣ်ထိၣ်ဒွးဘၣ်ကသ့ဧၣ်. ဒ်ကစၢ်ယ့ၣ်ရှူး သိၣ်လိနဲၣ်လိပှၤအသိး, ပကဘၣ်ဟ့ၣ်ပှၤဂၤတဖၣ်လၢ တၢ်သူၣ်အိၣ်သးအိၣ်, ဒီးတၢ်အဲၣ်သူၣ်ကညီၤသးကညီၤ, တၢ်လၢပဆၢဒိးန့ၢ်ဘၣ်တဖၣ်န့ၣ်လီၤ. ပဟ့ၣ်ခီ “တၢ်ဟ့ၣ်အဂ့ၤတဖၣ်” ဆူပှၤဂၤတဖၣ်အအိၣ်န့ၣ်, မ့ၢ်ဒၣ် ပအိၣ်မူဆဲးကပီၤဖျါထီၣ်က့ၤ ပၢ်ယွၤအသး, ဒ် မး ၇:၁၁ စံးဘၣ်ပှၤအသိး, “ပၢ်အိၣ်လၢမူခိၣ်န့ၣ် ကဟ့ၣ်တၢ်ဂ့ၤလၢ ပှၤလၢအဃ့တၢ်လၢအီၤတဖၣ်” န့ၣ်လီၤ.
ပတဘၣ်ထံၣ်ပှၤဂၤတဖၣ် ဒ်ပဒုၣ်ပဒါတဖၣ်, ပှၤစီစၣ်တဖၣ်, မ့တမ့ၢ်ဘၣ်ဒီး ဒ်သိးပကမၤန့ၢ် ခွဲးယာ်မ့ၢ်ဂ့ၤ, ပိးလီဂံၢ်ခီၣ်ထံးတဖၣ်မ့ၢ်ဂ့ၤ, ပှၤလၢပကဘၣ်ဂုာ်ပြၢလိာ်သးတဖၣ်ဘၣ်န့ၣ် မ့ၢ်တၢ်လၢအကါဒိၣ်နီၢ်မးန့ၣ်လီၤ. အလီၢ်န့ၣ်, ဒ်ပလိၣ်ဘၣ် တၢ်သးကညီၤ, ဒီးတၢ်အဲၣ်တၢ်သးအိၣ်အသိး, ပဂ့ၤထံၣ်ပှၤဂၤတဖၣ်စ့ၢ်ကီး လိၣ်ဘၣ်ဝဲဒၣ်န့ၣ်လီၤ. ပမ့ၢ်မၤ ဒ်သိးအံၤန့ၣ်, ပတၢ်ပာ်သူၣ်ပာ်သး, ဒီးပတၢ်ထံၣ်တဖၣ်န့ၣ် ကဆီတလဲကွံာ်အသးန့ၣ်လီၤ. ဝံၤန့ၣ်ဒီး, ဒ်ယွၤကတဲာ်ကတီၤန့ၢ်ပှၤအသိး, လၢတၢ်သဘျ့အပူၤန့ၣ်, ပဟ့ၣ်ခီလီၤတၢ်အဲၣ်တၢ်ကွံဆူပှၤဂၤ, တၢ်လၢကစၢ်ယွၤ ဟ့ၣ်လီၤပှၤလၢတၢ်သဘျ့အပူၤန့ၣ်လီၤ.
