လၢကွဲၤထံၣ်ဟူ တၢ်မၤဂ့ၤမၤသီထီၣ်ဟံၣ်ပူၤ အတၢ်ရဲၣ်တၢ်ကျဲၤန့ၣ် ပှၤတ့ဘှီကယၢကယဲဟံၣ်ပူၤ အတၢ်ဃံၤတၢ်လၤတဂၤ, လၢတၢ်သူၣ်ဆူၣ်သးဂဲၤအပူၤ တဲဖျါထီၣ်ဝဲတၢ်ဃုထၢ ဝါစဲလ့ၢ် ဟီၣ်ကုၢ်ဘ့ၣ် (ceramic tiles) လၢဟံၣ်တဖျၢၣ် တၢ်လုၢ်ထံလီၢ်အသီအဂ့ၢ်န့ၣ်လီၤ. စုအတၢ်မၤဟီၣ်ကုၢ်ဘ့ၣ်တဖၣ်အံၤ “တၢ်တလၢတပှဲၤလၢအအိၣ်ဒီးတၢ်လၢတၢ်ပှဲၤတမံၤ” အံၤန့ၣ် မ့ၢ်တၢ်လၢအတဒ်သိးလိာ်အသးဒီးဟီၣ်ကုၢ်ဘ့ၣ်အဂၤ, ပှၤထုးထီၣ်အီၤလၢတၢ်ပနံာ်တၢ်ကၤအီၤအဂီၢ်, လၢအလီၤဂာ်လိာ်သးတဖၣ်န့ၣ်လီၤ. ဟီၣ်ကုၢ်ဘ့ၣ် တဘ့ၣ်စူၢ်စူၢ် အတၢ်တလၢတပှဲၤတဖၣ်အံၤ အကစၢ်ဝဲဒၣ်န့ၣ် ဟ့ၣ်ထီၣ်အတၢ်ဃံၤတၢ်လၤလီၤဆီ လၢအတဒ်သိးလိာ်အသးတဖၣ်, ဒီးဘၣ်တၢ်ပာ်ဖှိၣ်အါထီၣ်ဝဲ တၢ်အလုၢ်လၢ်က့ၢ်ဂီၤ မ့တမ့ၢ် တၢ်ထုးန့ၢ်သူၣ်န့ၢ်သးအဂ့ၢ်န့ၣ် ယသ့ၣ်ညါဒၣ် တဆံးတက့ၢ်န့ၣ်လီၤ.
ဟီၣ်ကုၢ်ဘ့ၣ်တဖၣ်အံၤ မ့ၢ်ကမၤဂ့ၤ, မ့တမ့ၢ် ကမၤဟးဂီၤဝဲဒၣ်တၢ်အလုၢ်လၢ်က့ၢ်ဂီၤ, ဒီးတၢ်ဃံတၢ်လၤ ဒ်လဲၣ်န့ၣ် ယတသ့ၣ်ညါလ့ၤတက့ၢ်န့ၣ်ဘၣ်. ဘၣ်ဆၣ် ဖဲလၢဟီၣ်ကုၢ်ဘ့ၣ်တဖၣ်, လၢအအိၣ်ဒီးတၢ်လီၤတူာ်လီၤကာ်တဖၣ်အံၤ ဟ့ၣ်ထီၣ် တၢ်ဃံတၢ်လၤ အလၢအပှဲၤအကတီၢ်, ကစၢ်ယ့ၣ်ရှူး, အတၢ်လိၣ်ထီၣ်သးလၢပှၤဟီၣ်ခိၣ်ဖိ (ဒ်ပှၤကညီတဂၤအသိး အတၢ်ဟဲလီၤဆူဟီၣ်ခိၣ်) န့ၣ် မ့ၢ်တၢ်လၢတၢ်ပှဲၤလၢ အလၢအပှဲၤတမံၤန့ၣ်လီၤ. ဧ့ၤ ၄:၁၅ အပူၤန့ၣ် ပှၤကွဲးလံာ်ဧ့ၤဘြံၤ မၤလီၤတံၢ်ဝဲဒၣ်လၢ, “ပအိၣ်ဒီးပှၤလုၢ်တၢ်အခိၣ်လၢ အသးကညီၤ ပဂံၢ်စၢ်ဘါစၢ် တသ့ဘၣ်န့ၣ် တမ့ၢ်ဘၣ်, မ့ၢ်အဘၣ်တၢ်လ့ပစီကိးအမံၤဒဲး, ဒ်ပဝဲအသိးန့ၣ်ဘၣ်ဆၣ်ဒီး, အတၢ်ဒဲးဘးတအိၣ်ဘၣ်” န့ၣ်လီၤ. ဖဲကစၢ်ယ့ၣ်ရှူး အိၣ်မူအိၣ်ဂဲၤဝဲလၢ ဟီၣ်ခိၣ်ချၢအံၤ အကတီၢ်န့ၣ်, တစံးကတိၤဝဲဒၣ် တၢ်ဒဲးဘးအတၢ်ကတိၤ, မ့တမ့ၢ် တမၤဝဲ တၢ်ဒဲးဘး အတၢ်မၤတဖၣ်န့ၣ်ဘၣ်. ကစၢ်ယ့ၣ်ရှူး မ့ၢ်တၢ်လၢတၢ်ပှဲၤလၢ အလၢအပှဲၤန့ၣ်လီၤ.
မ့ၢ်လၢကစၢ်ယ့ၣ်ရှူးနၢ်ပၢၢ်, ဒီးဒိးသူၣ်ဒိးသးဝဲ ပတၢ်ဂဲၤလိာ်တူၢ်ဘၣ်ခိၣ်ဘၣ်တၢ်တဖၣ်အဃိ, ဒ် ဧ့ၤဘြံၤ ၄:၁၄ ပာ်ဖျါဝဲအသိး, “မ်ပဟံးဃာ်တၢ်အၢၣ်လီၤအီၤလီၤသပှၢ်တၢၢ်” လၢကစၢ်ယ့ၣ်ရှူးအပူၤန့ၣ်, မ့ၢ်တၢ်န့ၢ်ဂံၢ်န့ၢ်ဘါလၢပဂီၢ်န့ၣ်လီၤ. ကစၢ်ယ့ၣ်ရှူးအိၣ်ဝဲလၢပလီၢ်, ဒီးတူၢ်ဘၣ်တ့ၢ်ဝဲဒၣ်လၢပဂီၢ် လၢလၢပှဲၤပှဲၤန့ၣ်လီၤ. ပတၢ်အုၣ်ခီၣ်ကစၢ်လၢအလၢအပှဲၤ လၢလၢပှဲၤပှဲၤတဂၤအံၤ မၤစၢၤပှၤသ့ဝဲဒၣ်လၢ တၢ်ခဲလၢာ်အပူၤန့ၣ်လီၤ.
