ဒ်ညီနုၢ်ကိးနံၣ်ဒဲး, ထံလီၢ်ကီၢ်ပူၤဖျၢၣ်ထူကရၢ အဖျၢၣ်ထူကရၢစဲၣ်နီၤတဖၣ် ဃုထၢဝဲဒၣ် ပှၤလိာ်ကွဲဖျၢၣ်ထူအသီဖိတဖၣ်န့ၣ်လီၤ. ဖျၢၣ်ထူ အပှၤနဲၣ်လိတၢ်တဖၣ်န့ၣ် ဘၣ်ဟ့ၣ်တၢ်ဆၢကတီၢ်, နၣ်ရံၣ်လၢအကထိတဖၣ်, လၢတၢ်သမံသမိး ပှၤလိာ်ကွဲဖျၢၣ်ထူတဖၣ် အတၢ်သ့ တၢ်ဘၣ်, ဒီးနီၢ်ခိဂံၢ်ဘါအတၢ်အိၣ်ဆူၣ်အိၣ်ချ့န့ၣ်လီၤ. ပှၤလိာ်ကွဲဖျၢၣ်ထူဖိတဖၣ်အစရီ, ဖဲ ၂၀၂၂ နံၣ်အပူၤ, ပှၤလၢခံကတၢၢ်, ပှၤ ၂၆၂ ဂၤတဂၤန့ၣ်, မ့ၢ်ဝဲ ဘရီး ဖၢဒံၢ် (Brock Purdy), ဒီးဘၣ်တၢ်ယုၢ်န့ၢ်အမံၤလၢ “စီၤတကြၢးတဘၣ်” န့ၣ်လီၤ. နံၣ်လၢအကဟဲ, တၢ်လိာ်ကွဲ ဖျၢၣ်ထူအကတီၢ်, ဖၢဒံၢ် ကလိာ်ကွဲဘၣ်ဖျၢၣ်ထူန့ၣ် မတၤတဂၤမး တဆိကမိၣ်ဝဲဘၣ်န့ၣ်လီၤ. စှၤလါပူၤကွံာ်န့ၣ် ဖၢဒံၢ် အကရူၢ် ကဘၣ်တၢ်ဆၢတဲာ်လၢ တၢ်အဃၣ်ဒီးတၢ်အနၢၤကတီၢ် အဝဲသွီနုာ်ဝဲဒၣ် တၢ်မၤနၢၤအဖျၢၣ်ထူခံဖျၢၣ်န့ၣ်လီၤ. နီၢ်နီၢ်န့ၣ်, ဖျၢၣ်ထူကရၢခိၣ်နၢ်တဖၣ် ဒ်သိးကဃုထံၣ်န့ၢ် ပာ်ဖျါဝဲဒၣ် ပှၤလိာ်ကွဲဖိလၢ အကြၢးအဘၣ်တဂၤထီဘိန့ၣ်, တအိၣ်ဝဲဒီးတၢ်သ့တၢ်ဘၣ်လီၤတံၢ်လီၤဆဲးဘၣ် န့ၣ်လီၤ. ပဝဲနၤယၤစ့ၢ်ကီး ပတၢ်သ့တၢ်ဘၣ်တအိၣ် လီၤတံၢ်လီၤဆဲးဘၣ်န့ၣ်လီၤ.

လံာ်စီဆှံအလီၢ်လံၤ တကတြူၢ်အပူၤ, တၢ်ဂ့ၢ်လၢပသ့ၣ်ညါညီနုၢ်တမံၤန့ၣ် ပာ်ဖျါဝဲ, ကစၢ်ယွၤ မၢလီၤ ဝံ ၡမူၤအ့လး လၢကလဲၤဃုထၢ စီၤပၤလၢခံတဂၤ, လၢ စီၤယံးရှဲ အဖိခွါတဖၣ်အကျါန့ၣ်လီၤ. ဖဲန့ၣ်, စီၤရှမူၤအ့လး ကွၢ်ဝဲဒၣ် စီၤယံးရှဲ အဖိခွါတဖၣ်, ဒီးအတၢ်ထံၣ်န့ၣ် လဲၤတပျာ်အသး, ခီဖျိလၢအဝဲသ့ၣ်အနီၢ်ခိက့ၢ်အဃိန့ၣ်လီၤ. ဘၣ်ဆၣ်, ၁ ရှမူၤ ၁၆း၇ န့ၣ် ယွၤစံးဘၣ်အီၤ, “အမဲာ်အက့ၢ်အဂီၤ, ဒီးအနီၢ်ထီန့ၣ် ကွၢ်တဂ့ၤ” န့ၣ်လီၤ. လၢအလီၢ်န့ၣ်, ယွၤမၢ အဃုထၢဝဲဒၣ် ဖိခွါလၢ အသးအနံၣ်လါ တမ့ၢ်အပှၢ်ကတၢၢ်, တမ့ၢ်လၢ အနီၢ်ကစၢ် အထီကတၢၢ်န့ၣ်ဘၣ်. မ့ၢ်ပှၤအဆံးကတၢၢ်, ဒီးပှၤလၢအဖျါတကြၢးတဘၣ်တဂၤ, လၢအမ့ၢ် စီၤဒၤဝံး, လၢကကဲထီၣ်ဝဲ ပှၤအံၣ်စရ့လးဖိ အစီၤပၤလုၢ်ဒိၣ်ပှ့ၤဒိၣ်ကတၢၢ်တဂၤန့ၣ်လီၤ.

ပတၢ်ထံၣ်ဆၢတဲာ် ပှၤကညီတဖၣ် အလုၢ်အပှ့ၤန့ၣ်, ဘၣ်မနုၤအဃိ တထီၣ်ဘးဝဲတလီၢ်လီၢ်န့ၣ်လဲၣ်. ၁ ရှမူၤ ၁၆း၇ အံၤ, ဟ့ၣ်ပလီၢ်ပှၤလၢ “ပှၤကညီကွၢ်ပှၤအမဲာ်, မ့မ့ၢ်ယွၤကွၢ်ပှၤအသး” န့ၣ်လီၤ. ဖဲပကဘၣ်ဃုထၢထီၣ် ပှၤတဂၤဂၤ, လၢကမၤသကိးတၢ်လၢကရူၢ်ပူၤ, မ့တမ့ၢ် တၢ်ဟ့ၣ်လီၤသးလၢ တၢ်မၤမုာ်သးမၤကလီအတၢ်မၤအဂီၢ်န့ၣ်, ဒ်သိးပကဃုထၢထီၣ် ပှၤလၢအအိၣ်ဒီးတၢ်သ့တၢ်ဘၣ်, လၢအဘၣ်ကစၢ်ယွၤအသးအဂီၢ်, ပဃ့န့ၢ်တၢ်ကူၣ်ဘၣ်ကူၣ်သ့လၢ ကစၢ်ယွၤအအိၣ် သ့ဝဲဒၣ်န့ၣ်လီၤ.