တၢ်ကဟုကယာ် လၢအအိၣ်ဒီးတၢ်ကူၣ်သ့

တၢ်ထံၣ်ဘၣ် ညၣ်တီသွ့ ကရူၢ်အဘ့ၣ် ၅၅ ဘ့ၣ် တီၣ်ထီၣ်အသးလၢ စကီးတလဲ (Scottish) ပီၣ်လဲၣ်ကၢၢ်နံၤန့ၣ် မ့ၢ်တၢ်မၤဘၣ်ဒိပသးန့ၣ်လီၤ. ပှၤမၤစၢၤတၢ်တဖၣ် ကျဲးစၢးမၤစၢၤအဝဲသ့ၣ်, ဘၣ်ဆၣ် အကတၢၢ်န့ၣ် ညၣ်တဖၣ် သံဝဲဒၣ်ခဲလၢာ်န့ၣ်လီၤ. ဘၣ်မနုၤအဃိ တၢ်မၤအသးဒ်သိးအံၤလဲၣ်န့ၣ် ပှၤတသ့ၣ်ညါဝဲ နီတဂၤဘၣ်ဆၣ်, ကမ့ၢ်သ့ၣ်သ့ၣ်လၢ ညၣ်တီသွ့တဖၣ် အတၢ်ဘၣ်ထွဲတၢ်စၢဃာ်လိာ်အသးအဃိန့ၣ်လီၤ. ဖဲညၣ်တဘ့ၣ်ဘ့ၣ် ဘၣ်ကီဘၣ်ခဲန့ၣ်ဒီး ဒ်သိးကမၤစၢၤအီၤအဂီၢ်, ညၣ်အဂၤတဖၣ် ဟဲဝဲဒၣ်န့ၣ်လီၤ. စ့ၣ်လၢ အမၤစၢၤ ကဟုကယာ်တၢ်အံၤ လၢတၢ်တမုၢ်လၢ်အပူၤ ဒုးဘၣ်ကီဘၣ်ခဲ အဝဲသ့ၣ်န့ၣ်လီၤ.

ပကဘၣ်မၤစၢၤပှၤဂၤန့ၣ် လံာ်စီဆှံတဲဘၣ်ပှၤဆှဲဆှဲဖိဘၣ်ဆၣ်, လၢပတၢ်မၤအပူၤ ပကဘၣ်အိၣ်ဒီး တၢ်ကူၣ်သ့န့ၣ်လီၤ. အဒိ, ဒ် ကလၤ ၆:၁ ပာ်ဖျါဝဲအသိး, ဖဲပမၤစၢၤ ပှၤတဂၤဂၤ လၢတၢ်ဒဲးဘး အတၢ်စၢဃာ်အီၤအပူၤန့ၣ်, ပကဘၣ် ပာ်သူၣ်ပာ်သးလၢ ပနီၢ်ကစၢ်ဒၣ်ဝဲ ပသုတလီၤဆူ တၢ်ဒဲးဘးအတၢ်စၢဃာ်အပူၤအံၤန့ၣ်လီၤ. ဒီး မး ၂၂:၃၉ ပာ်ဖျါထီၣ်ဝဲ “အဲၣ်ပှၤလၢနဃၢဒ်နအဲၣ်လီၤနသးဒၣ်နဲအသိး” န့ၣ်လီၤ. ကတိၤ ၂၂:၃ စံးဝဲဒၣ်လၢ “ပှၤကူၣ်တၢ်ဘၣ်န့ၣ်, ထံၣ်ဘၣ်တၢ်အၢ, ဒီးပာ်တဒၢအသးလီၤ. မ့မ့ၢ် ပှၤအတမၤလိဘၣ်တၢ်ဘၣ်န့ၣ် လဲၤဒၣ်တၢ်, ဒီးဘၣ်တၢ်နးတၢ်ဖှီၣ်လီၤ.” တၢ်တဖၣ်အံၤ မ့ၢ်တၢ်ဟ့ၣ်ပလီၢ်လၢအဂ့ၤ ဖဲလၢပမၤစၢၤပှၤဂၤ, ဒီးဘၣ်ဒိဘၣ်ထံးက့ၤပှၤသ့ဝဲဒၣ်အဂီၢ်န့ၣ်လီၤ.

လၢအပူၤကွံာ်နံၣ်တဖၣ်န့ၣ်, ပှၤဖီၣ်ပှၤယာ်ခံဂၤ စးထီၣ်ဟဲထီၣ်ဘါယွၤလၢ ပတၢ်အိၣ်ဖှိၣ်န့ၣ်လီၤ. တယံာ်ဘၣ်ဒီး ပှၤကဟုကယာ် မၤစၢၤတၢ်တဖၣ်န့ၣ် လီၤဘှံးလီၤတီၤလၢ တၢ်မၤစၢၤ အဝဲသ့ၣ်အတၢ်ဃ့တဖၣ်န့ၣ်လီၤ. တၢ်ဘှါမၤဘၣ် တၢ်ဂ့ၢ်အံၤ တမ့ၢ်လၢ တၢ်နီၣ်ဟးထီၣ်ကွံာ် ပှၤခံဂၤအံၤ လၢတၢ်အိၣ်ဖှိၣ်ဘၣ်. မ့မ့ၢ် ပကဘၣ်ပာ်လီၤတၢ်အဆၢတဖၣ်, ဒ်သိးပှၤမၤစၢၤတၢ်တဖၣ် အသုတဘၣ်ဒိဘၣ်ထံးအဂီၢ်န့ၣ်လီၤ. မၢ်ကူး ၄:၃၈ န့ၣ် ပကထံၣ်ဘၣ် ကစၢ်ယ့ၣ်ရှူး, ပှၤမၤစၢၤတၢ်အဒိၣ်ကတၢၢ်တဂၤ, ဟံးန့ၢ် တၢ်ဆၢကတီၢ်လၢ ကအိၣ်ဘှံးအဂီၢ်န့ၣ်လီၤ. ဒီး မၢ် ၆:၃၁ ပာ်ဖျါဝဲလၢ အဝဲမၤလီၤတံၢ် ပှၤဂၤအတၢ်လိၣ်တဖၣ် အသုတနုာ်လီၤဟံးန့ၢ် အပျဲၢ်အဘီၣ်အတၢ်လိၣ်တဖၣ်န့ၣ်လီၤ. တၢ်ကဟုကယာ် လၢအအိၣ်ဒီးတၢ်ကူၣ်သ့န့ၣ် လူၤပိာ်ဝဲကစၢ်ယ့ၣ်ရှူး အတၢ်ဟ့ၣ်ဒိန့ၣ်လီၤ. ခီဖျိလၢပအံးထွဲကွၢ်ထွဲလီၤက့ၤ ပတၢ်အိၣ်ဆူၣ်အိၣ်ချ့န့ၣ်ဒီး, ပကဟုကယာ်အါထီၣ်ဘၣ်ပှၤဂၤ လၢတၢ်ဆၢကတီၢ်ယံာ်ယံာ်န့ၣ်လီၤ.

နလိၣ်ဘၣ် တၢ်အိၣ်ဘှံး, ဒီးတၢ်သန့ၤအလီၢ်န့ၣ် နသ့ၣ်ညါလီၤက့ၤနသးဒ်လဲၣ်. ဒ်သိးနကမၤစၢၤဘၣ် ပှၤဂၤလၢ တၢ်ဆၢကတီၢ်ယံာ်ယံာ်အဂီၢ်န့ၣ် တၢ်မနုၤမၤစၢၤနၤလဲၣ်.

သးစီဆှံကစၢ်ဧၢ, ဒ်သိးယကမၤစၢၤဘၣ်ပှၤဂၤလၢ ကျဲအဂ့ၤအဝါ, ဒီးလၢအအိၣ်ကၢအိၣ်ခိးအပူၤအဂီၢ်န့ၣ် ဝံသးစူၤ ဟ့ၣ်စိဟ့ၣ်ကမီၤယၤန့ၣ်တက့ၢ်.

လၢ Sheridan Voysey | ကွၢ်ပှၤကွဲးလံာ်အဂၤတဖၣ်

သးအမဲာ်အတၢ်ထံၣ်

ပှၤကူၣ်ဘၣ်ကူၣ်သ့ ဘၣ်တၢ်ထိၣ်သတြီၤအီၤလၢ ပှၤပတီၢ်မုၢ် လၢလံာ်တၢ်ကတိၤဒိဒီဘ့ၣ်ညါန့ၣ်လီၤ. “ပှၤကူၣ်တၢ်ဘၣ်န့ၣ်, ထံၣ်ဘၣ်တၢ်အၢ, ဒီးပာ်တဒၢအသးလီၤ. မ့မ့ၢ်ပှၤအတမၤလိဘၣ်တၢ်ဘၣ်န့ၣ် လဲၤဒၣ်တၢ်, ဒီးဘၣ်တၢ်နးတၢ်ဖှီၣ်လီၤ” (ကတိၤဒိ ၂၂း၃, ၂၇း၁၂). ပှၤကူၣ်တၢ်ဘၣ် စံးတၢ်န့ၣ် မ့ၢ်ပှၤလၢအသးဆး ဒီးကူၣ်သ့န့ၣ်လီၤ. ပှၤအတမၤလိဘၣ်တၢ်ဘၣ်န့ၣ် ဘၣ်တၢ်ပာ်ဖျါထီၣ်အီၤ ထီဘိ ဒ်အမ့ၢ် “ပှၤလၢအသးဆးတအိၣ်ဘၣ်” (၇း၇, ၉း၄, ၁၆), ဒီးလၢတၢ်န့ၣ်အဃိ မ့ၢ်ပှၤနါစိၤ တဂိာ်တၢ်န့ၣ်လီၤ. ကတိၤဒိ ၁၄း၈ ဒီး အဆၢဖိ ၁၅ ပာ်ဖျါထီၣ်လၢ ပှၤအတမၤလိဘၣ်တၢ်ဘၣ်လၢ ပှၤလၢ ဘၣ်တၢ်လီန့ၢ်အီၤညီ, နာ်တၢ်ကတိၤကိးထံၣ်ဒဲး, ဒီးဘၣ်တၢ်လွဲန့ၢ်အီၤညီန့ၣ်လီၤ. မ့ၢ်ထိၣ်သတြီၤတၢ်လီၤဆီလိာ်သးဒီး, ပှၤကူၣ်ဘၣ်ကူၣ်သ့ ကွၢ်ထံ ဆိကမိၣ် တၢ်အိၣ်သး လီၤတံၢ်လီၤဆဲး ဒီးပာ်လီၤကသးကယီကယီ လၢကဘၣ်မၤတၢ်ဒ်လဲၣ် “ပှၤကူၣ်တၢ်သ့န့ၣ် ပျံၤတၢ်, ဒီးဟးဖးဒီးတၢ်အၢလီၤ. မ့မ့ၢ် ပှၤဟးဂီၤဖိ ပာ်ကဖိအသး, ဒီးအသးမံဝဲလီၤ” (၁၄း၁၆). အဃိသတးဒီး, “ပှၤကူၣ်တၢ်ဘၣ်န့ၣ် ထံၣ်ဘၣ်တၢ်အၢ, ဒီးပာ်တဒၢအသးလီၤ. မ့မ့ၢ်ပှၤလၢ အတမၤလိဘၣ် တၢ်ဘၣ်န့ၣ် လဲၤဒၣ်တၢ်, ဒီးဘၣ်တၢ်နးတၢ်ဖှီၣ်လီၤ” (၂၇း၁၂). ပှၤကူၣ်တၢ်ဘၣ် - လီၤဆီလိာ်သးဒီး ပှၤတမၤလိဘၣ်တၢ် - ဟးဆှဲး တၢ်အၢ ဒီးတၢ်ဘၣ်ယိၣ် အတၢ်ကီခဲလၢ တၢ်အိၣ်မူအပူၤန့ၣ်လီၤ (ကွၢ် ၇း၇-၂၃).

Sim Kay Tee

Our Daily Bread Topics: odb

တၢ်ကဟုကယာ် လၢအအိၣ်ဒီးတၢ်ကူၣ်သ့

သးအမဲာ်အတၢ်ထံၣ်

ဟ့ၣ်နီၤလီၤတၢ်ဂီၤလၢတနံၤအဂီၢ်

ပာ်တ့ၢ်တၢ်တဲဆၢကဒါက့ၤ မၤဟးဂီၤ တၢ်တဲဆၢကဒါက့ၤ

ပာ်တ့ၢ်တၢ်တဲဆၢကဒါက့ၤ