ပှၤဃုထၢပာ်ဂၢၢ်ပာ်ကျၢၤ ကၠီ (Jon), ဒ်သရၣ်ဒိၣ်စိ လၢာ်ဆၢလၢာ်ကတီၢ်တဂၤ ဖဲခီလ့ၣ်ကၠိလၢအမံၤဟူသၣ်ဖျါတဖျၢၣ်န့ၣ်လီၤ. အဝဲၢ်ပိာ်ခွါ ဒ့ဘ့း (David) အသးခုဝဲဒၣ်လၢအဂီၢ်ဘၣ်ဆၣ်, ဒ်ဒီပုၢ်ဝဲၢ်ခွါတဖၣ်အသိး, အဝဲကတိၤလိာ်လ့အပုၢ်ဒ့ခွါလၢ ဖဲအဝဲသ့ၣ် အနီၢ်ဆံးအကတီၢ် အဝဲကနိမၤနၢၤ အပုၢ်ဒ်လဲၣ်ဒ်လဲၣ်အဂ့ၢ်န့ၣ်လီၤ. လၢအတၢ်အိၣ်မူအပူၤန့ၣ် ကၠီမၤန့ၢ်မၤနၢၤတၢ်ဘၣ်ဆၣ်, ထီဘိန့ၣ် အဝဲမ့ၢ်ဒၣ် ဒ့ဘ့း အပုၢ်ဒ့ခွါဖိန့ၣ်လီၤ.

နမ့မ့ၢ် မ့းရှံအၤ ဒၣ်လဲၣ်, နကမၤတၢ် ဒ်သိးနဟံၣ်ဖိဃီဖိ ကဆိကမိၣ်ဒိၣ်နၤအဂီၢ်န့ၣ် မ့ၢ်တၢ်ဂ့ၢ်ကီတမံၤန့ၣ်လီၤ. ကစၢ်ယ့ၣ်ရှူး ဒိၣ်ထီၣ်ဝဲဒၣ်လၢ ပှၤနစၤရ့းဖိတဖၣ်အကျါ, အဃိန့ၣ်ဒီး အဝဲသ့ၣ် ဘၣ်ဂုာ်ကျဲးစၢၤတူၢ်လိာ်ဝဲဒၣ်လၢ ကစၢ်ယ့ၣ်ရှူးမ့ၢ်ပှၤအကါဒိၣ်လီၤလီၤဆီဆီတဂၤန့ၣ်လီၤ. အဝဲသ့ၣ် ကမၢကမၣ်ဝဲဒၣ်နီၢ်နီၢ်လၢကစၢ်ယ့ၣ်ရှူးအဃိ, မၢ် ၆:၂-၃ ပာ်ဖျါဝဲ “တၢ်လီၤလးလၢ အမၤအသးလၢအစုပူၤ ထဲထဲအံၤန့ၣ် ကဲထီၣ်ဒ်လဲၣ်. ပှၤအံၤမ့ၢ် ပှၤစုသ့, နီၢ်မၤရံအဖိခွါ,တမ့ၢ်ဘၣ်ဧါ.” န့ၣ်လီၤ. အဆၢဖိ ၄ န့ၣ် ကစၢ်ယ့ၣ်ရှူး မၤနီၣ်ပာ်ဖျါဝဲ, “ဝံဧိၤမီၣ်ဧိၤ, တမ့ၢ်ဘၣ် အလၤအကပီၤတအိၣ်ဘၣ်န့ၣ်ဘၣ်. အလၤကပီၤ တအိၣ်ဘၣ်ထဲလၢ အထံအကီၢ်ဒၣ်ဝဲအပူၤန့ၣ်ဧိၤလီၤ.” ပှၤသ့ၣ်တဖၣ်အံၤ သ့ၣ်ညါဝဲ ကစၢ်ယ့ၣ်ရှူးဂ့ၤဂ့ၤဘၣ်ဆၣ်, ကစၢ်ယ့ၣ်ရှူးမ့ၢ် ယွၤအဖိခွါန့ၣ် အဝဲသ့ၣ်တနာ်ဝဲဘၣ်.

ဘၣ်သ့ၣ်သ့ၣ် နကမ့ၢ် ပှၤအိၣ်ဟဲဒိၣ်ထီၣ်လၢ ဟံၣ်ဖိဃီဖိလၢအအဲၣ်ယွၤန့ၣ်လီၤ. အဆိကတၢၢ် တၢ်လၢနကသ့ၣ်နီၣ်တဖၣ်န့ၣ် ကမ့ၢ်တၢ်လဲၤထီၣ်ဘါယွၤလၢသရိာ်,ဒီးသးဝံၣ်ထါသးဝံၣ်တဖၣ်န့ၣ်လီၤ. နသးကကလၢၢ်ဘၣ် ကစၢ်ယ့ၣ်ရှူး ဒ်နဟံၣ်ဖိဃီဖိအသိးန့ၣ်လီၤ. နမ့ၢ်နာ်ဒီးပိာ် ကစၢ်ယ့ၣ်ရှူးအခံန့ၣ်ဒီး, အဝဲကမ့ၢ် နဟံၣ်ဖိဃီဖိန့ၣ်လီၤ. ဧ့ၤဘြံၤ ၂:၁၁ ပာ်ဖျါဝဲ “တၢ်ကိးအီၤလၢ ဒီပုၢ်ဝဲၢ်န့ၣ် အမဲာ်တဆှးဘၣ်ဝဲဘၣ်” န့ၣ်လီၤ. ရိမ့ၤ ၈:၂၉ စံးဘၣ်ပှၤ ကစၢ်ယ့ၣ်ရှူး မ့ၢ်ပဝဲၢ်ကိလၢ ယွၤအဒူၣ်ဖိထၢဖိန့ၣ်လီၤ. တၢ်အံၤ မ့ၢ်ခွဲးယာ်လီၤဆီ, လၢပဂီၢ်ဘၣ်ဆၣ်, ပတၢ်ဘၣ်ထွဲ ဘူးဘူးတံၢ်တံၢ်န့ၣ် ကဲထီၣ်တၢ်ထံၣ်ကစၢ်ယ့ၣ်ရှူး ဒ်အမ့ၢ် ပှၤညီနုၢ်တဂၤန့ၣ်လီၤ. ပှၤတဂၤ မ့မ့ၢ်ဒၣ်ပဟံၣ်ဖိဃီဖိအဃိ, ပစံးအီၤလၢ အဝဲတမ့ၢ် ပှၤအကါဒိၣ်, ပှၤလီၤဆီတသ့ဘၣ်.

ကစၢ်ယ့ၣ်ရှူးမ့ၢ်နဟံၣ်ဖိဃီဖိ, ဒီးအါန့ၢ်ဒံးနဟံၣ်ဖိဃီဖိအဃိ နသးတခုဧဲၣ်. ဖဲနလဲၤ တၢ်ဒီးအီၤလၢမုၢ်တနံၤအံၤ, မ်နကမၤအါထီၣ် နတၢ်ရ့လိာ်သးဒီးကစၢ်ယ့ၣ်ရှူး, ဒီးကမ့ၢ် ပှၤအကါဒိၣ်လီၤဆီအါထီၣ်လၢနဂီၢ်န့ၣ်တက့ၢ်.