လဲဒိၢ် (Lando) မ့ၢ်ပှၤနီၣ်ကၠံးပနံၣ် (သိလ့ၣ်, ဘၢး(စ) လၢကီၢ်ဖံလံးပံ) ဖဲဝ့ၢ်မနံလၣ်အပူၤ, အီ ခီဖံၣ် ဖဲကျဲကပၤကျးန့ၣ်လီၤ. ခိၣ်ဘံး-၁၉ တၢ်တြီ ပှၤဟးထီၣ်ဆူတၢ်ချၢ တဖၣ် အကတီၢ်ဝံၤလံအဃိ, ပှၤလဲၤထီၣ်က့ၤလီၤတၢ်တဖၣ် ပှဲၤက့ၤလၢ ကျဲခိၣ်န့ၣ်လီၤ. အဝဲဆိကမိၣ်, တနံၤအံၤ တၢ်လိာ်ခိၣ်လိာ်ကွဲ အကတီၢ်အိၣ်အဃိ ပှၤလဲၤတၢ်က့ၤတၢ်တဖၣ် ကအိၣ်အါမးန့ၣ်လီၤ. ယကမၤန့ၢ် ကျိၣ်စ့တဖၣ် ဒ်လၢညါအသိး, ဒီးအကတၢၢ်န့ၣ် ယဆိကတီၢ် ယတၢ်ဘၣ်ယိၣ်ဘၣ်ဘီတဖၣ် သ့လံန့ၣ်လီၤ.

ဖဲအဝဲကစးထီၣ်နီၣ် သိလ့ၣ်န့ၣ် ထံၣ်ဝဲ ရီနံၣ် (Ronnie) ဆ့ၣ်နီၤလၢခးဆ့ၣ်နီၤ ဖးထီ, အိၣ်ဖဲတၢ်ကပိာ်ကပၤန့ၣ်လီၤ. အဝဲမ့ၢ် ပှၤခွဲသိၣ်ခွဲပျီကျဲတဂၤဒီး မၤအသးဒ်သိး အတၢ်ဂ့ၢ်ကီအိၣ်ဝဲ, ဒီးဖျါလၢ အလိၣ်ဘၣ်ပှၤကကတိၤတၢ်ဒီးအီၤန့ၣ်လီၤ. လဲဒိၢ် ဆိကမိၣ်ဝဲ, တၢ်ဆၢကတီၢ်ကိးမံးနံးန့ၣ် အလုၢ်ပှ့ၤဒိၣ်န့ၣ်လီၤ. ပှၤဒံးအါ ယကမၤန့ၢ် ကျိာ်စ့ဒံးအါန့ၣ်လီၤ. ယမၤယံာ်မၤနီၣ်ယသးလၢအီၤတသ့ဘၣ်. ဘၣ်ဆၣ်, အသးပူၤ ပလၢၢ်ဘၣ်ဝဲလၢ ယွၤအဲၣ်ဒိးလၢ အကလဲၤဆူ ရီနံၣ် အအိၣ်အဃိဒီး လဲၤဝဲန့ၣ်လီၤ.

မးသဲ ၆:၂၅-၂၇ ပာ်ဖျါဝဲလၢ ပသုတကိၢ်တဂီၤတၢ်အဂီၢ် ကီခဲထဲလဲၣ်န့ၣ်, ကစၢ်ယ့ၣ်ရှူးနၢ်ပၢၢ်ဝဲအဃိ အဆၢဖိ ၃၂ န့ၣ် မၤလီၤတံၢ်ပှၤလၢ ပပၢ်အိၣ်လၢမူခိၣ် သ့ၣ်ညါထံ ပတၢ်လိၣ်တဖၣ်န့ၣ်လီၤ. အဆၢဖိ ၃၁-၃၃ န့ၣ် ပဘၣ်တၢ်ဒုးသ့ၣ်နီၣ်ထီၣ်ပှၤ ဒ်သိး ပသုတကိၢ်တဂီၤတဂ့ၤ, မ့မ့ၢ်ပကနာ်န့ၢ်အီၤ, ဒီးဟ့ၣ်လီၤပသး, ဒ်သိး ပကမၤအတၢ်ဘၣ်အသးအဂီၢ်န့ၣ်လီၤ. ဒ်ပဟံးဃာ်ဒီးဒိကနၣ် အတၢ်ပညိၣ်ကွၢ်စိတဖၣ်န့ၣ်, ပအိၣ်ဒီး တၢ်နာ်န့ၢ်အီၤသ့, အဆၢဖိ ၃၀ န့ၣ်စံးဝဲ ပပၢ်လၢ “ဒုးကူဒုးသိး နီၣ်ဧိၤမံဧိၤလၢတၢ်ပျီပူၤထဲထဲန့ၣ်လၢမုၢ်မဆါတနံၤအံၤ အိၣ်ဝဲ, မ့မ့ၢ်ခဲဂီၤတနံၤန့ၣ် ဘၣ်ဘျုးလီၤကွံာ်လၢဖၣ်ကပူၤ(မ့ၣ်အူ)” န့ၣ် ကမၤလၢပှဲၤပတၢ်လိၣ် ဒ်အတၢ်ဘၣ်သးအသိး, ဒ်အဝဲဟ့ၣ်လီၤ တၢ်ဘၣ်တ့ခဲလၢာ် အတၢ်လိၣ်အသိးန့ၣ်လီၤ.

မ့ၢ်လၢ လဲဒိၢ် ကတိၤသကိးတၢ်ဒီး ရီၣ်နံၣ်အဃိ, ပှၤခွဲသိၣ်ခွဲဖျီကျဲတဂၤအံၤ, အကတၢၢ်န့ၣ် ဒ်သိးကကဲထီၣ်ပှၤစူၢ်က့ၤနာ်က့ၤခရံာ်အဂီၢ် ဃ့ဘါထုကဖၣ်ဝဲန့ၣ်လီၤ. လဲဒိၢ် နီၤဟ့ၣ် အတၢ်လဲၤခီဖျိဒီးစံးဝဲ, “ဒီးဖဲမုၢ်အတနံၤအံၤန့ၣ် ယွၤဟ့ၣ်ယၤ ပှၤဒိး ယကၠံးပနံၣ် လၢလၢလီၢ်လီၢ်န့ၣ်လီၤ. အဝဲဒုးသ့ၣ်နီၣ်ထီၣ်ယၤလၢ ယတၢ်လိၣ်တဖၣ်မ့ၢ်အမူဒါ, ဒီးယမူဒါ မ့ၢ်ဒၣ်ယကဘၣ်ပိာ်အခံန့ၣ်လီၤ.”