ပသ့ၣ်ညါ လံၣ်ယိၣ်နၣ်ဒိၣ် ဒၣ်ဘၢၣ်ခၠံၣ် (Leonardo da Vinci) ဒ်အမ့ၢ်ပှၤမၤမူထီၣ်ဂဲၤထီၣ် ဒွဲလၤလံာ်လဲၢ်ဒီးစဲအ့ၣ်ပီညါတဂၤအသိးန့ၣ်လီၤ. အတၢ်ကူၣ်သ့ကူၣ်ဘၣ်စဲၣ်နီၤန့ၣ် နဲၣ်ဆှၢဝဲဒၣ် တၢ်ဂုၤထီၣ်ပသီထီၣ်လၢ တၢ်မၤလိမၤဒိး, ဒီးဒွဲလၤကူၣ်သ့ အပျီအါမးအပူၤန့ၣ်လီၤ. ဘၣ်ဆၣ်လၢ တနံၤဘၣ်တနံၤအတၢ်ကွဲးနီၣ်တၢ်, လၢအမ့ၢ် “ပမုၢ်နံၤလၢ အတမုာ်တလၤဒိၣ်မးတဖၣ်” အပူၤန့ၣ်, ပာ်ဖျါထီၣ်အတၢ်သူၣ်အုးသးအုးလၢ တုၤပသံန့ၣ် “ပတပာ်လီၤတဲာ်တ့ၢ် ပနီၢ်ကစၢ်အတၢ်သ့ၣ်နီၣ် နီတမံၤ လၢပှၤတဖၣ်အသးပူၤဘၣ်” န့ၣ်လီၤ.

လံၣ်ယိၣ်နၣ်ဒိၣ် စံးဝဲဒၣ် “ယဆိကမိၣ် ယမၤလိတၢ်လၢ ယကဘၣ်အိၣ်မူအိၣ်ဂဲၤဒ်လဲၣ် ဘၣ်ဆၣ်, မ့ၢ်ဒၣ်ယမၤလိတၢ်လၢ ယကဘၣ်သံဒ်လဲၣ်အဂ့ၢ်န့ၣ်လီၤ.” အတၢ်ကတိၤအံၤ ဘူးဒီးတၢ်မ့ၢ် တၢ်တီ အါန့ၢ်ဒံးတၢ်လၢအသ့ၣ်ညါဝဲန့ၣ်လီၤ. တၢ်မၤလိန့ၢ်တၢ်လၢကဘၣ်သံဒ်လဲၣ်န့ၣ် မ့ၢ်ဒၣ်ကျဲဆူ တၢ်မူန့ၣ်လီၤ. ကစၢ်ယ့ၣ်ရှူး အတၢ်မၤနၢၤအတၢ်လဲၤဆူ ဝ့ၢ်ယရူၤရှလ့ၣ် (ခ့ခါအဆၢကတီၢ် ပှၤခရံာ်ဖိ တနီၤမၤဝဲ ဒ်ထီလၣ်အမုၢ်နံၤအသိး, ဖျါဖဲ ယိၤဟၣ် ၁၂:၁၂-၁၉) ဝံၤအလီၢ်ခံန့ၣ်, ကစၢ်ယ့ၣ်ရှူးစံးဝဲ ဖဲအဆၢဖိ ၂၄ န့ၣ်, “ဘုချံတဖျၢၣ်မ့ၢ်တလီၤတဲာ်လၢဟီၣ်ခိၣ်ဒီး အုၣ်သံဘၣ်ဒီး အိၣ်ဒၣ်အတၢ် တဖျၢၣ်ဧိၤလီၤ. မ့မ့ၢ်, မ့ၢ်အုၣ်သံဒီး, သၣ်ထီၣ်ဝဲအါဖျၢၣ်လီၤ.” အတၢ်ကတိၤအံၤ မ့ၢ်အနီၢ်ကစၢ်ဒၣ်ဝဲ အတၢ်သံအဂ့ၢ်ဘၣ်ဆၣ်, ကစၢ်ယ့ၣ်ရှူး မၤလဲၢ်ထီၣ်, ဒီးမၤဘၣ်ထွဲပှၤ ဒီးဖဲအဆၢဖိ ၂၅ အပူၤန့ၣ်, စံးဝဲ “ပှၤလၢအသးလီၤအသးန့ၣ်, မၤဟါမၢ်ကွံာ်အီၤလီၤ. ဒီးပှၤလၢအသးဟ့လီၤအသးလၢ ဟီၣ်ခိၣ်ချၢအံၤ, ကန့ၢ်က့ၤအသး လီၤထူလီၤယိာ်လီၤ” န့ၣ်လီၤ.

ဖဲလံာ်ရိမ့ၤ ၆:၄-၅ န့ၣ်, တၢ်မၢဖိစီၤပီလူး ကွဲးပာ်ဖျါဝဲ “တၢ်ဘၣ်ခူၣ်လီၤ” ဃုာ်ဒီးခရံာ်အဂ့ၢ်လၢ “ပဘၣ်တၢ်ခူၣ်လီၤဃုာ်ဒီးအီၤဆူတၢ်သံအပူၤ လၢတၢ်ဘျၢအဃိ, ဒ်သိးကစၢ်ခရံာ်ဂဲၤဆၢထၢၣ်က့ၤလၢ တၢ်သံအပူၤ လၢပၢ်အလၤကပီၤအသိးန့ၣ်, ပကလဲၤတၢ်ပဝဲဒၣ်လၢတၢ်မူအသီ, ဒ်န့ၣ်အသိး စ့ၢ်ကီးလီၤ. အဂ့ၢ်ဒ်အံၤ, ပမ့ၢ်ဘၣ်ဃးဒီးအီၤလၢ တၢ်လီၤဂာ်လၢအတၢ်သံန့ၣ်ဒီး, ပကဘၣ်ဃးဒီး အီၤလၢ အတၢ်ဂဲၤဆၢထၢၣ်က့ၤစ့ၢ်ကီးလီၤ” န့ၣ်လီၤ.

ခီဖျိလၢအတၢ်သံန့ၣ်, ကစၢ်ယ့ၣ်ရှူးဟ့ၣ်ပှၤ တၢ်အိၣ်ဖျဲၣ်ထီၣ်ကဒီးတဘျီ, အခီပညီနီၢ်နီၢ်မ့ၢ်ဝဲ, တၢ်မူထီၣ်ဂဲၤထီၣ်က့ၤန့ၣ်လီၤ. ကစၢ်ယ့ၣ်ရှူးပိာ်ဒုးအိၣ်ထီၣ်ကျဲ ဆူတၢ်မူအထူအယိာ်, ဒ်သိး ပကအိၣ်ဆိးဘၣ်ဒီး အပၢ်ကစၢ်ယွၤအဂီၢ်န့ၣ်လီၤ.