ဖဲကၠိဖိတဖၣ် ပာ်ဖှိၣ်ထီၣ်အသးလၢဘျီၣ်ရိဖှိၣ်အကတီၢ် ယဖိခွါကတိၤလီၤတၢ်ကတိၤဖိအံၤ “ယတမ့ၢ် ပှၤလၢ ယမ့ၢ်တ့ၢ်တဂၤဘၣ်. ယမ့ၢ်ပှၤအသီလီၤ.” လၢအပာ်ဖျါထီၣ် ကစၢ်ယွၤ ဆီတလဲ တၢ်အိၣ်မူအဂ့ၢ်န့ၣ်လီၤ. ကၠီဖရံၣ် (Geoffrey)န့ၣ် တဘျီမ့ၢ် ပှၤသူကသံၣ်မူၤဘှီး ဟဲရိၣ်အ့ (heroin) ဒီးထံၣ်လီၤက့ၤအသး ဒ်အမ့ၢ် ပှၤတၢ်ဒဲးဘးဖိ ဒီးပာ်မၤကမၣ်တၢ် တဂၤန့ၣ်လီၤ. ဘၣ်ဆၣ် ခဲကနံၣ်အံၤ ထံၣ်လီၤက့ၤအသး ဒ်သိးလၢ ယွၤအဖိတဂၤန့ၣ်လီၤ.
ဖဲ ၂ ကရံၣ် ၅:၁၇ အပူၤန့ၣ် လံာ်စီဆှံဟ့ၣ်ဂံၢ်ဟ့ၣ်ဘါပှၤ ခီဖျိ အၢၣ်လီၤအီၤလီၤ ပှၤလၢ – “ပှၤတဂၤဂၤ မ့ၢ်အိၣ်လၢ ခရံာ်အပူၤ ဒီးမ့ၢ်အမ့ၢ်တၢ်တ့အသီလီၤ. တၢ်လီၢ်လံၤတဖၣ်ပူၤကွံာ်ဝဲ, ကွၢ်ကွၢ်, တၢ်ခဲလၢာ်ကဲလၢအသီလံ” န့ၣ်လီၤ. တၢ်လၢအပူၤကွံာ်န့ၣ် ကွၢ်ဖဲပကမ့ၢ် ဒီးကွၢ်ဖဲ ပကမၤ လၢပတၢ်အုၣ်က့ၤခီၣ်က့ၤအဂီၢ် ပမ့ၢ်စူၢ်က့ၤနာ်က့ၤ ကစၢ်ယ့ၣ်ရှူး ဒီးတူၢ်လိာ်တၢ်ပျၢ် ပတၢ်ဒဲးဘး ဟ့ၣ်ခီဖျိဝဲ လၢအထူၣ်စုညါန့ၣ်ဒီး ပကဲထီၣ် ပှၤအသီတဂၤလံန့ၣ်လီၤ. လၢဧ့ၤဒၣ်တၤသၣ်လီၢ်လံၤလံၤ, တၢ်သးကလၢၢ်ဘၣ် တၢ်ကမၣ်လၢ ပတၢ်ဒဲးဘးအဃိအံၤ န့ၣ် မၤလီၤဖး ပှၤဒီးယွၤန့ၣ်လီၤ. ဘၣ်ဆၣ် အဆၢဖိ ၁၈-၁၉ ပာ်ဖျါဝဲ ခဲကနံၣ်အံၤကစၢ်ယွၤ “မၤဘၣ်လိာ်က့ၤပှၤဒီး အကစၢ်ဒၣ်ဝဲ လၢခရံာ်အဃိ,… တပာ်ဘၣ်တၢ်ကမၣ်လၢအ(ပ)လိၤဘၣ်” န့ၣ်လီၤ. ၁ ယိၤဟၣ် ၃:၁-၂ ပာ်ဖျါဝဲလၢ ပဘၣ်တၢ်သ့စီ မၤကဆှီဒီးမၤသီထီၣ်က့ၤ ပှၤ တမ့ၢ်အဖိတဖၣ်လၢ အလီၤဂာ်ဒီးအဖိခွါကစၢ်ယ့ၣ်ရှူး လၢအဲၣ်ဘၣ်ဝဲန့ၣ်လီၤ.
ယ့ၣ်ရှူးမၤထူၣ်ဖျဲးထီၣ်ပှၤလၢ တၢ်ဒဲးဘးဒီး အစိကမီၤ လၢလုၣ်ဘၢတၢ်ဒီးမၤဘၣ်လိာ်က့ၤ ပရ့လိာ်သးအသီဒီး ကစၢ်ယွၤ ၂ ကရံၣ် ၅:၁၅ ပာ်ဖျါဝဲ ကကဲထီၣ် ပှၤသဘျ့ စံးတၢ်န့ၣ် တမ့ၢ်လၢ ပကဘၣ် အိၣ်မူအိၣ်ဂဲၤ ထဲဒၣ် လၢပဂီၢ် ဘၣ်. မ့မ့ၢ်လၢ ကစၢ်ယ့ၣ်ရှူးလၢ အသံလၢ ပဂီၢ်ဒီး ဘၣ်တၢ်ဒုးဂဲၤထၢၣ်သမူထီၣ်က့ၤအီၤတဂၤအဂီၢ်န့ၣ်လီၤ. ဖဲနံၣ်ထီၣ်သီအမုၢ်နံၤအံၤ, မ်ပသ့ၣ်နီၣ်သကိးကစၢ်ယ့ၣ်ရှူးအတၢ်အဲၣ်လၢ အလဲလိာ် ပှၤအံၤ ကသဆၣ်ထီၣ်ပှၤ ဒ်သိး ပကအိၣ်မူလၢ ပတၢ်မ့ၢ်တၢ်အသီ ဃုာ်ဒီးတၢ်ပညိၣ်တၢ်ကွၢ်စိအသီန့ၣ်တက့ၢ်. တၢ်အိၣ်မူအံၤ ကမၤစၢၤပှၤလၢ တၢ် ဒုးနဲၣ်ပှၤဂၤတဖၣ် ဆူကစၢ်ယ့ၣ်ရှူး, ပှၤလၢ ကဒုးကဲထီၣ် အဝဲသ့ၣ် လၢ ပှၤအသီအဂီၢ်စ့ၢ်ကီးန့ၣ်လီၤ.
