ကီၢ်ဆၢလၢအထီကတၢၢ်လၢဟီၣ်ခိၣ်အံၤ အိၣ်ဝဲဖဲကီၢ်အမဲရကၤ ဒီးကီၢ်ခဲနဒၢ်အဘၢၣ်စၢၤ, တၢ်မ့ၢ်ထိၣ်အီၤလၢခိဒီးထံန့ၣ် ထီဝဲတုၤယဲၢ်ကထိယဲၢ်ကယၤခံဆံယဲၢ်(၅,၅၂၅)မံးလာ်န့ၣ်လီၤ. ပှၤမၤတၢ်ဖိသ့ၣ်တဖၣ် ညီနုၢ်ကူာ်လီၤဃံၤသ့ၣ်တဖၣ် လၢထံဆၢကီၢ်ဆၢ ခံကပၤလိာ်, တဆံခီၣ်ယီၢ် အလဲၢ်စုာ်စုာ် ဒ်သိး ထံဆၢကီၢ်ဆၢအံၤ သုတကမၣ်တဂ့ၤအဂီၢ်န့ၣ်လီၤ. တၢ်လီၢ်လၢ ဘၣ်တၢ်မၤပျီအီၤ လီၤဂာ်လၢ ပျံၤပျ့ဖးထီအံၤ ဘၣ်တၢ်ကိးအီၤလၢ “တၢ်နီၤဖးတၢ်အလီၢ်အဆၢ” ဒီးဘၣ်တၢ်ရဲၣ်လီၤ လၢၢ်အဖျၢၣ် ဃိးကထိအဃိ, ပှၤလၢဟဲဟးကသုၣ်ကသီတဖၣ် သ့ၣ်ညါကျဲၤသရ့ၤ လၢဘၣ်တၢ်ပာ်လီၤတဖၣ် သ့ဝဲထီဘိန့ၣ်လီၤ.
တၢ်မၤအိၣ်ထီၣ် “တၢ်နီၤဖးတၢ်လီၢ်အဆၢ” ခီဖျိတၢ်မၤပျီထီၣ်သ့ၣ်ထူၣ်တဖၣ်အံၤ ဒုးနဲၣ်ထံကီၢ်တၢ်ပၢတၢ်ပြး ဒီးတၢ်ဆဲးတၢ်လၤ, လုၢ်လၢ်ထူသနူလၢ အတဒ်သိးလိာ်သးသ့ၣ်တဖၣ်န့ၣ်လီၤ. ဒ်ပှၤစူၢ်နာ်ခရံာ်အသိး, ပခိးကွၢ်လၢ်တၢ်ဆၢကတီၢ်တခါလၢ ယွၤကဃၣ်ကဒါက့ၤ တၢ်လၢတဒ်သိးလိာ်သးသ့ၣ်တဖၣ် ဒီးကပာ်ဖှိၣ်က့ၤ ပှၤဟီၣ်ခိၣ်ဖိကိးကလုာ်ဒဲး လၢအတၢ်ပၢတၢ်ဆှၢအဖီလာ်န့ၣ်လီၤ. ဝံယရှါယၤ ကတိၤတ့ၢ်ဘၣ်ဃးဒီးခါဆူညါ ဖဲ (ယရှါ ၂:၂) လၢယွၤအဟံၣ်အကစၢၢ်န့ၣ် ကအိၣ်ဂၢၢ်ဆိးကျၢၤလၢ ကစၢၢ်ဒီခိၣ်, ဒီးကဘၣ် တၢ်ပာ်အီၤ ထီၣ်ထီန့ၢ် တၢ်စိခိၣ်တဖၣ် ဒီးၦၤကိးကလုာ်ဒဲး ကယွၤလီၤဆူအအိၣ်န့ၣ်လီၤ. ယၡါ ၂:၃ ဒီးၦၤဂီၢ်မုၢ်အါကလုာ် ကလဲၤဒီးမၤလိယွၤအကျဲတဖၣ် ဒီးပိာ်အကျဲဧိၤကပူၤဧိၤန့ၣ်လီၤ. ပတသန့ၤလၢၤဘၣ်ပသးလၢ ၦၤဟီၣ်ခိၣ်ဖိအတၢ်ဂုာ်ကျဲးစၢး လၢအဟံးဃာ်ဂၢၢ်ကျၢၤ တၢ်ဃူတၢ်ဖိးတသ့ဘၣ်န့ၣ်ဘၣ်. ယွၤ, လၢအမ့ၢ်ပစီၤပၤထဲတဂၤဧိၤႇ ကစံၣ်ညီၣ်တၢ်လၢ ၦၤကလုာ်သ့ၣ်တဖၣ်အဘၢၣ်စၢၤ ဒီးကစံၣ်ညီၣ်တဲာ် တၢ်ဂ့ၢ်လိာ်ဘှီလိာ်သ့ၣ်တဖၣ်န့ၣ်လီၤ(:၄).
မ့ၢ်နဆိကမိၣ်ဒီးထံၣ်ဆိပာ်စၢၤ ဟီၣ်ခိၣ်လၢအပူၤဖျဲးဒီး တၢ်လီၤမုၢ်လီၤဖး ဒီးတၢ်တဘၣ်လိာ်ဖိးဒ့လိာ်အသးဧါ. ယွၤအၢၣ်လီၤလၢ အကဒုးအိၣ်ထီၣ် ဟီၣ်ခိၣ်ဒ်န့ၣ်သိးန့ၣ်လီၤ. ပတၢ်တဃူတဖိးသ့ၣ်တဖၣ် အိၣ်ဝးတရံးၦၤဘၣ်ဆၣ်, ယၡါ၂:၅ စံးဘၣ်ပှၤလၢ “ပကလဲၤသကိးတၢ်လၢ ယွၤအတၢ်ကပီၤအပူၤ” သ့ဝဲန့ၣ်လီၤ , ဒီးပဃုထၢ အခဲအံၤ ဒ်သိးဒီးပကတီဒီးအီၤသ့ဝဲန့ၣ်လီၤ. ပသ့ၣ်ညါလၢ ယွၤပၢဆှၢတၢ်ခဲလၢာ် ဒီးမုၢ်တနံၤ အဝဲကပာ်ဖှိၣ်က့ၤ အၦၤကလုာ်ခဲလၢာ် လၢနီၣ်တယၢ်တခါဃီအဖီလာ်န့ၣ်လီၤ.
