ဖဲ ၂၀၂၀ အနံၣ်န့ၣ်, “တဆံခွံဘျီတဘျီ တၢ်ဘှီဘၣ်မၤဂ့ၤထီၣ်တၢ် – Nineteenth Amendment” ဆူ အမဲရကၤ အနံၣ် ၁၀၀ တၢ်သ့ၣ်နီၣ်အမူးန့ၣ် ဘၣ်တၢ်မးနီၣ်အီၤ လၢအဟ့ၣ် ပိၥ်မုၣ်တဖၣ် ဒ်သိးကဟ့ၣ်တၢ်ဖးအဂီၢ်တၢ်ခွဲးလီၤ. တၢ်ဂီၤလီၢ်လံၤတဖၣ်အပူၤ ပထံၣ်ဘၣ် ပှၤဟးတၢ်ဖိအကျိၤဖးထီ ဖီၣ်ဃၥ် လၣ်တယၢ်တဖၣ် လၢအပာ်ဖျါ လံာ်ဖျၢၣ်တဖၣ် လၢထါစံးထီၣ်ပတြၢၤ ၆၈:၁၁ န့ၣ်လီၤ. “ကစၢ်ဟ့ၣ်လီၤအကလုၢ်, ပိၥ်မုၣ်လၢ အကတိၤသြီတၢ်ကစီၣ်န့ၣ် အိၣ်ဂီၢ်မုၢ်ဖးဒိၣ်လီၤ”.

ဖဲထါစံး ၆၈ အပူၤန့ၣ် စီၤဒၤဝံးပၥ်ဖျါကစၢ်ယွၤ ဒ်ၦၤတဂၤလၢ အဆှၢၦၤလၢ ဘၣ်တၢ်မၤအၢမၤနး လၢအတၢ်နးတၢ်ဖှီၣ်အပူၤ, လၢအမၤမုၥ်ထီၣ်က့ၤ မၤသီထီၣ်က့ၤ အပှၤကညီလၢ ဝံတၢ်ယိးတၢ်ဃၢတဖၣ်န့ၣ် လၢအတၢ်ဂ့ၤတဖၣ်လီၤ. ဖဲထါအယုၢ်အံၤ လၢအအိၣ်ဒီး အဆၢဖိ ၃၅ ဆၢအပူၤန့ၣ် စီၤဒၤဝံးပၥ်ဖျါ ကစၢ်ယွၤ ၄၂ဘျီ, ပၥ်ဖျါန့ၣ် ယွၤအတၢ်အိၣ်ဒီးအဝဲသ့ၣ်တဘိယူၢ်ဃီ ကိးကတီၢ်ဒဲးလီၤ, လၢတၢ်တတီတလိၤ ဒီးအတၢ်တူၢ်ဘၣ်ခီၣ်ဘၣ်အပူၤ ယွၤမၤတၢ်လၢအဝဲသ့ၣ်အဂီၢ်လီၤ. ဒီးပိၥ်မုၣ်ဂီၢ်မုၢ်ဖးဒိၣ်န့ၣ် စံးတဲပၥ်ဖျါ တၢ်တဖၣ်အံၤလီၤ (:၁၁).

ပိၥ်မုၣ်လၢအဟးတၢ် လၢတၢ်ဟ့ၣ်ဘၣ်တၢ်ဖးအဂီၢ် တၢ်ခွဲးယၥ်တဖၣ်အံၤ နၢ်ပၢၢ်ထါစံးထီၣ်ပတြၢၤ ၆၈ လၢဖးဖျါဝဲအခီပညီ အပှဲၤလီၣ်ပှဲၤထီဂ့ၤ တနၢ်ပၢၢ်ဂ့ၤ, အဝဲသ့ၣ် အလၣ်တယၢ်တဖၣ် ပၥ်ဖျါထီၣ် တၢ်မ့ၢ်တၢ်တီ လၢအကအိၣ်လီၤစိၤလီၤထီ, – ကစၢ်ယွၤ, ၦၤလၢအပၢ်တအိၣ်တဖၣ်အပၢ် ဒီး “မုၣ်ကမဲတဖၣ်အတၢ်တဒၢ” (:၅) အံၤ လဲၤတၢ်လၢ အၦၤကညီတဖၣ်အမဲၥ်ညါ, ဆှၢအဝဲသ့ၣ်ဆူ တၢ်လီၢ်လၢအဘၣ်ဆိၣ်ဂ့ၤ, တၢ်လီၢ်လၢ အမၤသီထီၣ်တၢ်, ဒီးလီၤသးခုတဖၣ် အအိၣ်လီၤ.

တနံၤအံၤ, သ့ၣ်နီၣ်ထီၣ်က့ၤလၢ ယွၤအတၢ်အိၣ်ဒီးပှၤအံၤ အိၣ်ဒီးပှၤထီဘိ, ဒီးအိၣ်ဒီးအပှၤလၢဘၣ်ဒိဘၣ်ထံးညီ ဒီးဘၣ်တူၢ်တၢ်တဖၣ်အသိးအကျါ လၢကျဲလီၤလီၤဆီဆီ ဒီးဒိးတၢ်ဂံၢ်တၢ်ဘါတက့ၢ်. ဒ်လၢအပူၤကွံၥ် ကစၢ်ယွၤန့ၣ် အိၣ်ဒံးဒီးပှၤတုၢ်မုၢ်မဆါအံၤ ခီဖျိလၢအသးစီဆှံန့ၣ်လီၤ.