ကိၣ်ဘံး-၁၉ တၢ်ဆါသံသတြိာ် အတၢ်ကဲထီၣ်ပိာ်ထွဲအခံအကျါ တမံၤမ့ၢ် ကဘီလၢအစိာ်ဆှၢ ပှၤဟးကသုၣ်ကွၢ်ကီ ထံဂၤကီၢ်ဂၤတဖၣ် ဘၣ်အိၣ်ပတုာ်ဃာ် ဒီးပှၤလဲၤတၢ်ဖိတဖၣ် တၢ်ပာ်လီၤဆီအီၤ ဖဲလီၢ်တပူၤဒၣ်န့ၣ်လီၤ. ဝီ(လ)စထြံးအတၢ်ပရၢ (Wall Street Journal) ကွဲးဖျါထီၣ်တၢ်ဂ့ၢ်လၢအိၣ်ဒီး တၢ်ထံၣ်လိာ်သံကွၢ် ပှၤဟးကသုၣ်ကွၢ်ကီထံဂၤကီၢ်ဂၤတဖၣ်လီၤ. တၢ်တဲဖျါက့ၤ တၢ်လဲၤခီဖျိလၢ တၢ်ပာ်လီၤဆီပှၤအဆၢကတီၢ်န့ၣ် တၢ်အိၣ်ဒီးတၢ်ခွဲးတၢ်ယာ်အါမးလၢ တၢ်စံးကတိၤသကိးတၢ် အဂီၢ်လီၤ. ပှၤလဲၤတၢ်ဖိတဂၤ တဲနံၤတၢ်ဒီးစံးဝဲဒၣ် အဝဲအိၣ်ဒီးအမါလၢ အတၢ်သ့ၣ်နီၣ်တၢ်လၢအပူၤကွံာ်ဂ့ၤဒိၣ်မးတဂၤ, တဲအဝၤ အတၢ်ကမၣ်တဖၣ် လၢမၤတ့ၢ်ဝဲဒီး ပိာ်မုၣ်န့ၣ်စံးဝဲလၢ သါပလၢၢ်ဘၣ်လၢ သါတဲတလၢာ်ဒံးဘၣ်န့ၣ်လီၤ.
တၢ်ဂ့ၢ်တဖၣ်အံၤ ဒုးအိၣ်ထီၣ် တၢ်နံၤကမှံလၢပဂီၢ် ဒီးဒုးသ့ၣ်နီၣ်က့ၤ ပှၤလၢ ပမ့ၢ်ပှၤဟီၣ်ခိၣ်ဖိ ဒီးဟ့ၣ်ပလီၢ်ပှၤလၢ ပမ့မ့ၢ်ပှၤလၢ အဟံးဃာ်ဖီၣ်ဃာ် တၢ်လၢဂ့ၤပစူးကွံာ်ညိကွံာ် ပျဲပျၢ်လီၤကွံာ်တဖၣ်န့ၣ် မ်ပသုတမၤဘၣ် အဂီၢ်န့ၣ်လီၤ. ဘၣ်ဆၣ် ပကပာ်ဖျါထီၣ် ပတၢ်သူၣ်ကညီၤသးကညီၤတၢ် ဆူပှၤလၢအမၤဘၣ်ဒိဆါပှၤအဂီၢ် တၢ်မနုၤကမၤစၢၤပှၤလဲၣ်. ဖဲထါစံးထီၣ်ပတြၢၤ ၁၀၃:၈-၁၂ အပူၤ ပကမၤလိသကိး တၢ်ဒိၣ်တၢ်ထီကတၢၢ် ကစၢ်ယွၤအဂ့ၢ်န့ၣ် ဒ်အဘၣ်တၢ်ပာ်ဖျါထီၣ်အီၤ အသိးတက့ၢ်.
ဂ့ၤပတိၢ်နီၣ်ဖံးဃာ် တၢ်ကစီၣ်တဖၣ် ဖဲအဆၢဖိ ၈-၁ဝ န့ၣ်လီၤ. “ယွၤသူၣ်အိၣ်သးအိၣ်တၢ်ဒီး သူၣ်ကညီၤ သးကညီၤတၢ်လီၤ. သးဒိၣ်ထီၣ်ကီဒီးအဘျုးအဖှိၣ်အိၣ်အါမးလီၤ. တသိၣ်ဃီၣ်တၢ်တထံၣ်ဃီဘၣ်. တပာ်တၢ်လီၤထူလီၤယိာ်ဘၣ်. တမၤဘၣ်ပှၤ ဒ်ပတၢ်ဒဲးဘးအသိးဘၣ်. တဟ့ၣ်ကၣ်ပှၤ ဒ်ပတၢ်သရူးကမၣ်အသိးဘၣ်”. လၢတၢ်ထုကဖၣ်သပှၢ်ပှၢ်အပူၤ ပမ့ၢ်ဖး မၤလိလံာ်စီဆှံဖိအံၤ ဒီးဃ့ယွၤအတၢ်မၤစၢၤန့ၣ်ဒီး အဝဲကမၤစၢၤပှၤလၢ ပကဆိကမိၣ်ကဒါက့ၤ ပတၢ်ကူၣ်လၢအတဂ့ၤ, လၢကမၤဆၢမၤကၣ်က့ၤတၢ်, မ့တမ့ၢ်ဘၣ်ဒီး ပတၢ်ရဲၣ်တၢ်ကျဲၤ လၢတၢ်မၤဆၢစံၣ်ညီၣ်တၢ်တဖၣ်အဂီၢ်န့ၣ်လီၤ. လၢန့ၣ်အမဲာ်ညါအဝဲကထိၣ်ဟူးထိၣ်ဂဲၤပှၤလၢ ပကဃ့ထုကဖၣ်တၢ်လၢပဂီၢ် ဃုာ်ဒီး ပှၤလၢအမၤကမၣ်ပှၤအဂီၢ် ဖဲပဟံးဃာ် တၢ်ဘျုးတၢ်ဖှိၣ်, တၢ်သးကညီၤဒီး တပျၢ်ပှၤဂၤလၢအမၤကမၣ်ပှၤ ဖဲပဘၣ် တၢ်လ့ပစီလၢပကမၤဆၢမၤကၣ်တၢ်တဖၣ်အဂီၢ်န့ၣ်လီၤ.
