“ဝဲၢ်ဖိ တ့ၣ်(မ)(Tim)ဧၢ, နထံၣ်ဘၣ်ဧါ” ယသကိး ပှၤဂၣ်နၣ်ဖိ(Ghanaian)တၢ်အိၣ်ဖှိၣ်သရၣ်တဂၤ ဆဲးကပီၤထီၣ် အမ့ၣ်အူထူၣ်ဆူ တၢ်ဂီၤစိးပျၤတခါ လၢအအိၣ်ဆၢထၢၣ် အသး လၢကပံာ်ဒဲတဖျၢၣ်အလိၤန့ၣ်လီၤ. အဝဲ စံးကသွံဝဲဒၣ်လၢ “တၢ်အံၤမ့ၢ် ဒူသဝီ အတၢ်ဂီၤတၢ်ဖီၣ်န့ၣ်လီၤ”. မုၢ်ခံနံၤကိးဟါဒဲးန့ၣ် တၢ်အိၣ်ဖှိၣ်သရၣ် စဲၣ်(မ) လဲၤဆူ တၢ်လီၢ်အံၤ ဒ်သိးကဟ့ၣ်ခီဟ့ၣ်နီၤ လံာ်စီဆှံလၢ ဒူသဝီအယံၤတတီၢ်အံၤ န့ၣ်လီၤ.

လၢလံာ်ဝံယဃ့းစက့လးအပူၤ, ပထံၣ်ဘၣ် တၢ်ဘါတၢ်ဂီၤတၢ်ဖီၣ် ဟဲစိာ်တၢ်ဆူးတၢ်ဆါဆူ ပှၤယူဒၤဖိတဖၣ်န့ၣ်လီၤ. ယဃ့း ၁၄:၃ အပူၤ ဖဲဝ့ၢ်ယရူၤၡလ့ၣ်အခိၣ်အနၢ် တဖၣ် ဟဲထံၣ် ဝံယဃ့းစက့လးအခါ, ကစၢ်ယွၤစံးဘၣ်အီၤ, “ပှၤကညီတဖၣ်အံၤ ပာ်လံ တၢ်ဂီၤတၢ်ဖီၣ်လၢအသးကံၢ်ပူၤ” န့ၣ်လီၤ. ကစၢ်ယွၤ တမ့ၢ်ထဲ ဟ့ၣ်ပလီၢ်ထီဒါအဝဲသ့ၣ်ဘၣ်ဃး တၢ်ဂီၤတၢ်ဖီၣ်လၢအတ့အသးလၢသ့ၣ် ဒီးလၢၢ်ဧိၤဘၣ်. အဝဲပာ်ဖျါထီၣ် အဝဲသ့ၣ်လၢ တၢ်ဘါတၢ်ဂီၤတၢ်ဖီၣ် မ့ၢ်တၢ်သဘံၣ်ဘုၣ်အတၢ်ဂ့ၢ်ကီခဲ ဘၣ်ဃးဒီးနီၢ်သးအဂီၢ်န့ၣ်လီၤ. ပဝဲကိးဂၤပဘၣ်ဂဲၤပျုၢ်ဂဲၤဆှး လၢတၢ်အံၤစ့ၢ်ကီးန့ၣ်လီၤ.

လံာ်စီဆှံသရၣ် အလ့းစ်တၣ် ဘဲး(ဂ) (Alistair Begg) ပာ်ဖျါ တၢ်ဂီၢ်တၢ်ဖှီၣ် ဒ်အမ့ၢ် “တၢ်တမံၤမံၤလၢ တမ့ၢ်ယွၤ ဘၣ်ဆၣ်ဒီး ပပာ်အီၤဒ်အမ့ၢ်တၢ်လိၣ်နီၢ်နီၢ်တခါလၢ ပသးအတၢ်ဃူတၢ်ဖိး,ပတၢ်မ့ၢ်တၢ်,ပတၢ်သူၣ်မံသးမုာ်,မ့တမ့ၢ် ပတၢ်အလၢအလီၢ်တမံၤ” န့ၣ်လီၤ. တခါခါလၢ အက့ၢ်ဂီၤဖျါ သူးသ့ၣ်ဂ့ၤတဖၣ်ဒၣ်လဲၣ် ကဲထီၣ်ပတၢ်ဂီၢ်တၢ်ဖီၣ်သ့ဝဲ န့ၣ်လီၤ. ဖဲပလူၤဃု တၢ်သူၣ်မံသးမုာ် မ့တမ့ၢ် ပတၢ်လုၢ်တၢ်ပှ့ၤ လၢတၢ်တမံၤမံၤအပူၤ လၢအတမ့ၢ် ယွၤလၢအမူဝဲတဂၤန့ၣ် မ့ၢ်ပဘါတၢ်ဂီၢ်တၢ်ဖီၣ် န့ၣ်လီၤ.

“ပီၢ်ယၢ်လီၤက့ၤသုသး” ယွၤစံးဝဲဒၣ်န့ၣ်လီၤ. “ဃၣ်ကွံာ်သုသးလၢသုတၢ်ဂီၤ, ဒီး ဃၣ်ကွံာ်သုမဲာ်လၢ သုသးဘၣ်အၢတဖၣ်အအိၣ်တက့ၢ်” (:၆). ပှၤအံၣ်စရ့လးဖိတဖၣ် နဲၣ်ဖျါဝဲလၢ အဝဲမၤဝဲ တထီၣ်ဘးဘၣ်န့ၣ်လီၤ. တၢ်ဘျုးတၢ်ဖှိၣ်တခီမ့ၢ်ဝဲ ယွၤအိၣ်ဒီး တၢ်စံးဆၢန့ၣ်လီၤ. လၢတၢ်ခိးကွၢ်လၢ် ခရံာ်အတၢ်ဟဲက့ၤ ဒီးသးစီဆှံအတၢ်ဟ့ၣ်အပူၤ ကစၢ်ယွၤအၢၣ်လီၤဝဲလၢ, “ယကဟ့ၣ်လီၤသုသးသီ ဒီးသုသးဆိကမိၣ်တၢ်အသီ ယကပာ်လၢသုပူၤ” (၃၆:၂၆) န့ၣ်လီၤ. ပမၤတသ့လၢ ပနီၢ်ကစၢ်ဒၣ်ပဝဲဘၣ်.