ယသိးထီၣ်မဲာ်ထံကလၤမဲာ်ဒီး အသီ ဒီးနုာ်လီၤဆူ တၢ်ဘါယွၤသရိာ်အပူၤလီၤ. ဖဲယဆ့ၣ်နီၤအခါ ယထံၣ်ဘၣ်ယသကိးတဂၤ ဆ့ၣ်နီၤလၢလီၤဆ့ၣ်နီၤ ဘးခီတကပၤ လၢသရိာ်အံၤအပူၤန့ၣ်လီၤ. ဖဲယဝံၢ်ဝၢ်ပၠးအီၤယစုအခါ, အဝဲဖျါဘူးဘူးတံၢ်တံၢ် ဒီးဆှံဆှံဖိန့ၣ်လီၤ. အဝဲအိၣ်ယံၤဒီးယၤ တဘျုးချံဘၣ်ဆၣ်, ယကလၢၢ်ဘၣ်ဒ် ယသုးဃီၤယသးဒီး ထိးဘၣ်အီၤကသ့န့ၣ်လီၤ. လၢခံဖဲတၢ်ဘါပျၢ်ဝံၤအလီၢ်ခံ ပတဲသကိးတၢ်အခါ, ယသ့ၣ်ညါဘၣ်လၢ အဝဲဆ့ၣ်နီၤဒၣ်ဖဲ လီၢ်ဆ့ၣ်နီၤလၢအဆ့ၣ်နီၤညီနုၢ်ဝဲ န့ၣ်လီၤ. ယထံၣ်ဘၣ်အီၤဂ့ၤဂ့ၤ မ့ၢ်လၢယမၤထီထီၣ် ယမဲာ်ဒီး မဲာ်ထံကလၤအပတီၢ် အဃိန့ၣ်လီၤ.
ယွၤ, ကတိၤတၢ်ခီဖျိ ဝံယရှါယၤ, ဒီးသ့ၣ်ညါဝဲဒၣ်လၢ ပှၤအံၣ်စရ့လးဖိ လၢအိၣ်လၢ ဘၣ်ဘူးလိာ် တၢ်စၢဃာ်အပူၤတဖၣ် လိၣ်ဘၣ်ဝဲ တၢ်နဲၣ်လီၤအသီတခါ —တၢ်ထံၣ်အသီန့ၣ်လီၤ. ယွၤစံးဘၣ်အဝဲသ့ၣ်. “ယမၤတၢ်အသီတမံၤလီၤ . . . ယကပာ်ကျဲလၢ ပှၢ်မုၢ်ကနၢအပူၤလီၤ” (ယရှါ ၄၃:၁၉). ယွၤအတၢ်မုၢ်လၢ် တၢ်ကစီၣ်အံၤ ပာ်ဃုာ်ဒီး တၢ်ဒုးသ့ၣ်နီၣ်ထီၣ်တၢ်တဖၣ်လၢ ယွၤ “တ့” အဝဲသ့ၣ်, “အုၣ်က့ၤခီၣ်က့ၤ” အဝဲသ့ၣ်, ဒီးကအိၣ်ဒီးအဝဲသ့ၣ်န့ၣ်လီၤ. “နမ့ၢ် ယတၢ်လီၤ,” ယွၤဟ့ၣ်ဂံၢ်ဟ့ၣ်ဘါအဝဲသ့ၣ်လီၤ (အဆၢဖိ. ၁).
လၢတၢ်ကွၢ်ဆၢၣ်မဲာ်တခါလၢ်လၢ်အပူၤ, ဒ်သိးကပာ်တ့ၢ်ကွံာ် တၢ်အလီၢ်လံၤဒီး ဃုထံၣ်ဘၣ် တၢ်အသီအဂီၢ်, ယွၤအသးစီဆှံ ဟ့ၣ်နၤတၢ်ထံၣ်အသီသ့ဝဲန့ၣ်လီၤ. ခီဖျိယွၤအတၢ်အဲၣ် (:၄), တၢ်အံၤဟဲအိၣ်ဖျါထီၣ်ဝဲ သတူၢ်ကလာ် ဖဲနခိၣ်ဃၢၤဝးဝးန့ၣ်လီၤ. ဖဲလၢနဘၣ်တူၢ်ဘၣ်ခီၣ်ဘၣ်တၢ် ဒီးဘၣ်တၢ်စၢဃာ်အပူၤ, မ့ၢ်နထံၣ်ဘၣ် ယွၤမၤတၢ်လၢနဂီၢ်ဧါ. မ်ပသိးထီၣ်သကိး နီၢ်သးအမဲာ်ထံကလၤအသီတဖၣ် ဒ်သိးကထံၣ်ဘၣ် တၢ်အသီလၢယွၤမၤအီၤတဖၣ် ဖဲတၢ်တမုာ်တလၤ အဆၢကတီၢ်အခါဒၣ်လဲၣ်န့ၣ်တက့ၢ်.
ဖဲတၢ်တမုာ်တလၤ အဆၢကတီၢ်ဒၣ်လဲၣ် နထံၣ်တၢ်အသီမနုၤဟဲအိၣ်ဖျါထီၣ်လဲၣ်.
တၢ်လၢ မၤအသးဝံၤတ့ၢ်လံအလီၢ် ဒ်သိးနသးကစဲဘူးဒီးတၢ်အသီအဂီၢ်
တၢ်မၤဂ့ၤမၤဘၣ် တၢ်ထံၣ်အသီန့ၣ် မၤစၢၤနၤသ့ဒ်လဲၣ်.
ကစၢ်ယွၤလၢ အတ့လီၤတၢ်အသီတဂၤဧၢ, စံးဘျုးဘၣ်နၤလၢ နတၢ်အၢၣ်လီၤကိးမံၤအဃိလီၤ.
ဖဲတၢ်တမုာ်တလၤ အဆၢကတီၢ်တဖၣ်အခါဒၣ်လဲၣ် မၤစၢၤယၤဒ်သိး ကထံၣ်တၢ်အသီ လၢနဟဲစိာ်အီၤတက့ၢ်.
ဝံယၡါယၤဟံးန့ၢ်တၢ်ကစီၣ်လၢ
လံာ် ၁ မိၤၡ့ ဒီး၂မိၤၡ့ ဒ်သိးကပာ်ဖျါထီၣ်ကစၢ်ယွၤလၢအုၣ်က့ၤခီၣ်က့ၤပှၤအံၣ်စရ့လး ဖိတဖၣ်လၢကုၢ်အလီၢ်တဂၤန့ၣ် အုၣ်က့ၤခီၣ်က့ၤအပှၤဂီၢ်မုၢ်တဖၣ် လၢဘၤဘူလိၣ်တၢ်စိာ်မၢကဲကုၢ်အလီၢ်ဒီး ဆှၢကဒါက့ၤဆူအတၢ်လီၢ်တၢ်ကျဲ, အဟံၣ်အဃီဒၣ်ဝဲစုၢ်စုၢ်သ့ဝဲစ့ၢ်ကီးန့ၣ်လီၤ.
လၢ
ယၡါယၤ ၄၃း၁၆-၁၇ အပူၤ ကစၢ်ယွၤဒုးသ့ၣ်နီၣ်ထီၣ်က့ၤ အပှၤဂီၢ်မုၢ်လၢယွၤဒုးကဲထီၣ်ကျဲလၢပီၣ်လဲၣ်ဒ်သိးအကဒုးဟးထီၣ်အပှၤဂီၢ်မုၢ် လၢတၢ်ကဲကုၢ်အလီၢ်န့ၣ်လီၤ. ခဲကနံၣ်အံၤယွၤဘိးဘၣ်သ့ၣ်ညါဝဲ လၢ
အဆၢဖိ၁၉အပူၤ "ကွၢ်ကွၢ်ယမၤတၢ်အသီ တမံၤလီၤ"န့ၣ်လီၤ. ဘၣ်ဆၣ်ကစၢ်ယွၤကမၤ တၢ်အသီတမံၤဒ်လဲၣ်. ကစၢ်ယွၤကစူးကါဝဲထံ-လၢအထီဒါ တြီဃာ်တၢ်န့ၣ် ကစၢ်ယွၤမၤနၢၤအီၤခီဖျိ မၤသ့ၣ်ဖးပီၣ်လဲၣ်ဒီးဒုးကဲထီၣ်ကျဲ-န့ၣ် ထံအံၤအမ့ၢ်ဝဲတၢ်ဆိၣ်ဂ့ၤ အဂ့ၢ်ခီၣ်ထံးလၢပှၢ်မုၢ်ကနၢအံၤန့ၣ်,
အဆၢဖိ၂၀ ပာ်ဖျါဝဲလၢ ဆၣ်ဖိကီၢ်ဖိဒၣ်လဲၣ် ကလဲၤခီဖျိဒိးန့ၢ်ဘၣ်ဝဲ တၢ်မၤ သီထီၣ်က့ၤတၢ်အိၣ်မူ,တၢ်လၢအကဟ့ၣ်လီၤအပှၤဂီၢ်မုၢ်တဖၣ်န့ၣ်လီၤ.တၢ်ဂ့ၢ်တၢ်တဲတဖၣ်လၢအမၤအသးလၢအပူၤကွံာ်မ့ၢ်ဂ့ၤတၢ်လၢကစၢ်ယွၤမၤတၢ်ခဲကနံၣ်အံၤမ့ၢ်ဂ့ၤဒုးနဲၣ်တဲဖျါထီၣ်တၢ်တမံၤန့ၣ်လီၤ.
ဒ်အတၢ်အၢၣ်လီၤဝဲအသိးကစၢ်ယွၤ ကမၤဂ့ၤတၢ်အဂီၢ်န့ၣ်ပီၣ်လဲၣ်မ့ၢ်ဂ့ၤပှၢ်မုၢ်ကနၢမ့ၢ်ဂ့ၤ,တၢ်ဘၣ်ကဲကုၢ်မ့ၢ်ဂ့ၤ,တၢ်ဘၣ်က့ၤစိာ်မၢကဲကုၢ်မ့ၢ်ဂ့ၤ,တၢ်မနုတမံမး တြီဝဲကစၢ်ယွၤတသ့တန့ၢ်ဘၣ်န့ၣ်လီၤ.
Jed Ostoich
