ပိာ်မုၣ်တဂၤလၢအမံၤမ့ၢ် မဲၢ်ကူ (Man Kaur), ဖဲအဝဲအသးအိၣ် ၁ဝ၃ နံၣ်န့ၣ် နုာ်လီၤသတြီၤတၢ် ဒ်ကီၢ်အ့ဒံယါ (India) ပိာ်မုၣ်ပှၤလိာ်ကွဲတၢ်လၢအသးပှၢ်ကတၢၢ်တဂၤ ဖဲ ၂ဝ၁၉ နံၣ် ဟီၣ်ခိၣ်ဒီဘ့ၣ် မၤစတၣ် တၢ်ဃ့ပြၢ ခၠဲၣ်ပံၣ်ယၢၣ်ရှ့း (World Masters Athletic Championship) ဖဲကီၢ်ပိၣ်လၣ် (Poland) န့ၣ်လီၤ. လီၤလီၤဆီဆီလီၤ, ကူ ဒိးန့ၢ်တၢ်မၤနၢၤထူ(ခိၣ်ဖးတၢ) အပနီၣ်လၢ တၢ်ပြၢလွံၢ်မံၤအပူၤ (တၢ်ကွံာ်သီမှံ, တၢ်ကွံာ်ထးဖျၢၣ်, မံထၢၣ် ၆၀ တၢ်ဃ့ၢ်သဖှိပြၢ, ဒီးမံထၢၣ် ၂ဝဝ တၢ်ဃ့ၢ်ပြၢ) တဖၣ်လီၤ. ဘၣ်ဆၣ်ဒီးတၢ်လၢအလီၤကမၢကမၣ်ဒိၣ်ဒိၣ်ကလဲာ်န့ၣ် အဝဲဃ့ၢ်ဝဲ ချ့န့ၢ်ဒံး ဖဲအပူၤကွံာ် ၂ဝ၁၇ နံၣ် အတၢ်ဃ့ၢ်လၢတၢ်ပြၢအပူၤန့ၣ်လီၤ. ဖံဖးဒိၣ်လၢအသးအနံၣ် ၁ဝဝ ဘျဲၣ် (နုာ်လီၤလံဆူနံၣ်ကယၤအသီတခါအပူၤ), ကူ အံၤ ဒုးနဲၣ်ဝဲလၢ ပကမၤကတၢၢ်တၢ် လၢတၢ်ဂံၢ်ဆူၣ်ဘါဆူၣ်ဒ်လဲၣ်န့ၣ်လီၤ.

ပှၤတၢ်မၢဖိစီၤပီလူး ကွဲးန့ၢ်အပျဲၢ်သးစၢ် စီၤတံၤမသ့း ဘၣ်ဃးအဝဲအတၢ်နုာ်လီၤ ဘၣ်လံဆူ အနံၣ်ကတၢၢ်တဖၣ်အပူၤဒ်လဲၣ်အဂ့ၢ်လီၤ. ဖဲ ၂တံၤ ၄:၆ န့ၣ် စီၤပီလူးကွဲးဝဲလၢ “ယကက့ၤတၢ်အဆၢကတီၢ် ဘၣ်လံ” လီၤ. လၢတၢ်ဆိကမိၣ်ကဒါက့ၤအတၢ်အိၣ်မူအပူၤ, အဝဲနာ်ဝဲလီၤတံၢ်လီၤဆဲးလၢ အဝဲမၤကတၢၢ် အတၢ်အိၣ်မူလၢ တၢ်ဂံၢ်ဆူၣ်ဘါဆူၣ်အပူၤလီၤ. စံးကဒီးဝဲ လၢအဆၢဖိ ၇ အပူၤ“တၢ်ဒုးလၢအဂ့ၤန့ၣ် ယဒုးလံ, တၢ်ဃ့ၢ်န့ၣ် ယဃ့ၢ်လံ” န့ၣ်လီၤ. အဝဲတနာ်န့ၢ်လီၤအသး မ့ၢ်လၢဂံၢ်ဒွးထီၣ်က့ၤအတၢ်မၤလၢ ကဲထီၣ်လိၣ်ထီၣ်ဖျိဖျိဖျါဖျါတဖၣ်အဃိမ့ၢ်ဂ့ၤ, မ့တမ့ၢ် အဃုသ့ၣ်ညါက့ၤ အတၢ်ဘၣ်ထွဲ ဒီး တၢ်ကဲထီၣ်အံၤဒိၣ်ဒိၣ်မုၢ်မုၢ်အဃိဘၣ်. နီၢ်နီၢ်တခီ, အဝဲသ့ၣ်ညါလၢ အဝဲ “ပၢၤဃာ်တၢ်နာ်န့ၣ်လီၤ” (:၇). ပှၤတၢ်မၢဖိအံၤ တီဒီးယ့ၣ်ရှူးန့ၣ်လီၤ. လၢတၢ်သးအုးဒီးတၢ်သးခုအပူၤ, အဝဲလူၤပိာ်ထွဲကစၢ်ယွၤ, ပှၤလၢအမၤပူၤဖျဲးအီၤလၢ တၢ်ဟးဂူာ်ဟးဂီၤအပူၤလီၤ. ဒီးအဝဲဒၣ်သ့ၣ်ညါဝဲလၢ ယ့ၣ်ရှူးဆၢထၢၣ်အိၣ်ကတဲာ်ကတီၤသးဃုာ်ဒီး “တၢ်မ့ၢ်တၢ်တီ အခိၣ်သလုး”, စံးတၢ်န့ၣ် ဖျါလၢ အတၢ်အိၣ်မူတီတီလိၤလိၤ အကတၢၢ်န့ၣ် အိၣ်ဒီးတၢ်သးခုန့ၣ်လီၤ (:၈).

စီၤပီလူးစံးဝဲလၢ ခိၣ်သလုးအံၤ တမ့ၢ်လၢပှၤဘၣ်တၢ်ဃုထၢစှၤဂၤအဂီၢ်ဘၣ်, ခိၣ်သလုးအံၤ မ့ၢ် “ကယဲၢ်ပှၤခဲလၢာ်လၢ အအဲၣ်ဒိးခရံာ်အတၢ်ဟဲအိၣ်လီၢ်ဖျါထီၣ်သးအဂီၢ်လီၤ” (:၈). ဒ်ပကနုာ်လီၤဆူနံၣ်သီတနံၣ်အပူၤအသိး မ်ပကသ့ၣ်နီၣ်သကိးလၢယ့ၣ်ရှူးအိၣ်ဆၢထၢၣ်, သးဆူၣ်လၢကဒုးကုာ်, ပှၤလၢအအဲၣ်အီၤခဲလၢာ်လၢခိၣ်သလုး, ဒီးမ်ပအိၣ်မူမၤကတၢၢ်ပတၢ်အိၣ်မူလၢ တၢ်ဂံၢ်ဆူၣ်ဘါဆူၣ်န့ၣ်တက့ၢ်.