ဆီကဆီမံၤ(wild turkey)ခံဘ့ၣ် အိၣ်ဝဲဒၣ်လၢယမဲာ်ညါ ဖဲပှၢ်ပူၤကျဲဖိလၢ ယဃ့ၢ်လၢယနီၢ်ကစၢ် တၢ်ဟူးတၢ်ဝးအဂီၢ်န့ၣ်လီၤ. ယဆိကမိၣ်ထီၣ် လၢယလဲၤတၢ်အဘူးကတၢၢ်ဒီးဆီကဆီတဖၣ်န့ၣ် ကန့ၢ်ထဲလဲၣ်. ယဃ့ၢ်ဃၢလီၤယသးဒီးယဟး ဒီးအကတၢၢ်န့ၣ် ယအိၣ်ပတုာ်ဝဲဒၣ်န့ၣ်လီၤ. ဖဲန့ၣ် အဆၢကတီၢ် ဆီကဆီမံၤခံဘ့ၣ် ဟဲဃ့ၢ်ဝဲလိၤလိၤဆူ ယအိၣ်ဒီး ဖျးဝဲယယီၢ်ဒ့ဒီးယချၢန့ၣ်လီၤ. ဆီကဆီအနိာ်န့ၣ် အ့ၣ်ဒီးဖျးဘၣ်ပှၤဆါဝဲဒိၣ်မးအဃိ ယဘၣ်ဃ့ၢ်ပူၤဖျဲးဝဲန့ၣ်လီၤ. အဝဲသ့ၣ်ဃ့ၢ်လူၤယၤ တုၤဒၣ်လဲၣ် လူၤယၤတန့ၢ် အဆၢကတီၢ် ဒီးအိၣ်ပတုာ်ဝဲဒၣ်န့ၣ်လီၤ.
တၢ်လိာ်ကွဲအပျီအံၤ ဘျံးကဒါက့ၤအသးဒ်လဲၣ်. ဖဲဆီကဆီစးထီၣ် မၤဒၢၣ်တၢ်အဆၢကတီၢ်န့ၣ် ပှၤလၢဃုလူၤခးအီၣ်တၢ်မံၤလာ် ဘၣ်တၢ်လူၤကဒါက့ၤအီၤလၢ ဆၣ်ဖိကီၢ်ဖိတၢ်မံၤလာ်န့ၣ်လီၤ. ယမၤယသး ဒ်ပှၤအသးတထံ ဒီးယသးဆိကမိၣ်လၢ ယကမၤပျံၤမၤဖုး ဆီကဆီ ဒ်သိးကဃ့ၢ်အဂီၢ်န့ၣ်လီၤ. တၢ်မၤအသးဘူးတ့ၢ်မးလၢ တၢ်ကမၤဘၣ်ဒိဆါယၤအဃိ ယဃ့ၢ်ပူၤဖျဲးယသးလၢ ဆီကဆီမံၤန့ၣ်လီၤ.
စီၤကၤလယးအဂီၢ် စီၤဒၤဝံးန့ၣ် မ့ၢ်လၢတၢ်ဘၣ်ယိၣ်အလီၢ်တအိၣ်အဃိ ကတိၤဒုၣ်ဒွဲၣ်ဝဲဒီး မၢအဟဲသုးဘူးဆူအအိၣ်န့ၣ်လီၤ. ၁ ရှမူၤအ့လး ၁၇:၄၄ ပာ်ဖျါဝဲ, “ဟဲဆူ ယအိၣ်တက့ၢ်, ဒီးယကဟ့ၣ်နဖံးနညၣ် လၢထိၣ်ဧိၤလံာ်ဧိၤလၢမူကပိာ်လိၤ, ဒီးလၢဆၣ်ဖိကီၢ်ဖိလၢတၢ်ပျီပူၤလီၤ” န့ၣ်လီၤ. စီၤဒၤဝံးဆီတလဲကွံာ် တၢ်အိၣ်အသးစးထီၣ်ဝဲ တၢ်ဒုးအဆိန့ၣ်လီၤ. စီၤဒၤဝံးဃ့ၢ်ဝဲဒၣ်ဆူ စီၤကၤလယးအအိၣ်န့ၣ် တမ့ၢ်လၢအသးတထံတဆးအဃိဘၣ်. မ့ၢ်လၢတၢ်စူၢ်တၢ်နာ်အိၣ်ဒီး ယွၤအဃိန့ၣ်လီၤ. စီၤဒၤဝံးစံးဝဲ “…မုၢ်မဆါတနံၤအံၤ ယွၤကဟ့ၣ်လီၤနၤလၢယစုပူၤ…ဒ်သိးပှၤဟီၣ်ခိၣ်ဖိခဲလၢာ် ကသ့ၣ်ညါလၢကစၢ်တဂၤအိၣ်ဝဲလၢ အံၣ်စရ့လးအကျါ…”န့ၣ် ဖျါဖဲ ၁ ရှမူၤအ့လး ၁၇:၄၆ န့ၣ်လီၤ. ခီဖျိ ပှၤသးစၢ်စီၤဒၤဝံးအတၢ်ဂဲၤလိာ်အံၤအဃိ စီၤကၤလယးအသးဒ့ဒီဒီး ကဆိကမိၣ်ဝဲ “တၢ်မၤအသးကမ့ၢ်တၢ်မနုၤတမံၤလဲၣ်”န့ၣ်လီၤ. ဒ်ပသ့ၣ်ညါအသိးလၢၢ်လၢစီၤဒၤဝံး ဘျုးဝဲန့ၣ် လဲၤဘၣ်လိၤလိၤဆူ စီၤကၤလယး အမဲာ်တူၢ်ခိၣ်န့ၣ်လီၤ.
ညီနုၢ်တၢ်မၤအသးန့ၣ် ဆၣ်ဖိကီၢ်ဖိအဆံးတဖၣ် ဘၣ်ဃ့ၢ်ပူၤဖျဲးအသးလၢပှၤကညီတဖၣ် ဒီးပှၤကွၢ်သိတဖၣ်န့ၣ် ဘၣ်ဟးဆှဲးဝဲတၢ်မံၤလာ်ဖးဒိၣ်တဖၣ်န့ၣ်လီၤ. ဘၣ်မနုၤပကအိၣ်ဝဲဒၣ်လၢ တၢ်ညီနုၢ်မၤအသးတဖၣ်အပူၤလဲၣ်. ကစၢ်ယွၤမ့ၢ်အိၣ်ဝဲဒၣ်လၢ အံၣ်စရ့လးဖိအကျါဧါ. မ့ၢ်အိၣ်ဒီး လၢကစၢ်ယွၤအစိကမီၤန့ၣ် ပကဃ့ၢ်ဒီးကွၢ်ဆၢၣ်မဲာ် တၢ်ဒုးတၢ်ယၤ တၢ်ကီတၢ်ခဲတဖၣ်န့ၣ်တက့ၢ်.
