မုၢ်ဂီၤဆိဆိတဖၣ် ကီခဲ, တမုၥ်တလၤလၢ ယတံၤသကိးမုၣ် အဲ(လ)မၢ် (Alma) အဂီၢ် မ့ၢ်လၢအဝဲအဘၣ်ကွၢ်ထွဲအဖိခံဂၤ ထဲအဝဲဒၣ်တဂၤဧိၤလီၤ. အဝဲစံးဝဲဒၣ်, “ဖဲတၢ်ခဲလၢၥ် အိၣ်ဘှ့ၣ်အိၣ်ဘှီၣ်အခါ, တၢ်ကိၢ်တၢ်ဂီၤတဖၣ် ဟဲပၢၢ်ထီၣ်လီၤ. ဖဲယမၤဟံၣ်ဃီ တၢ်မၤတဖၣ်အခါ, ယဆိကမိၣ်တၢ် ဘၣ်ဃးကျိၣ်စ့တၢ်ကိၢ်တၢ်ဂီၤ, ယဖိတဖၣ် အတၢ်အိၣ်ဆူၣ်အိၣ်ချ့ ဒီးအတၢ်မၤလိမၤဒိးအဂ့ၢ်တဖၣ်လီၤ”.

ဖဲအဝၤပၥ်တ့ၢ်ကွံၥ်အီၤအခါ, အဲ(လ)မၢ် ဟံးန့ၢ်မူဒါလၢ ကကွၢ်ဒိၣ်ထီၣ်အဖိတဖၣ် လၢအနီၢ်ကစၢ်ဒၣ်ဝဲန့ၣ်လီၤ. အဝဲစံးဝဲဒၣ်, “တၢ်အံၤမ့ၢ်တၢ်အကီအခဲလီၤ. ဘၣ်ဆၣ် ယသ့ၣ်ညါလၢ ယွၤထံၣ်ယၤ ဒီးယဟံၣ်ဖိဃီဖိန့ၣ်လီၤ. အဝဲဟ့ၣ်ယၤ တၢ်ဂံၢ်တၢ်ဘါလၢ ယကမၤတၢ်ဖံးတၢ်မၤခံခါ, ကစၢ်မၤလၢၦဲၤန့ၢ် ပတၢ်လိၣ်တဖၣ်, ဒီးပျဲ ယဖိတဖၣ်ဒိးန့ၢ်ဘၣ် အတၢ်နဲၣ်ကျဲကိးနံၤဒဲးန့ၣ်လီၤ”.

နီၢ်ဟၤကၢ် (ၦၤအဲၤကူပတူး ကုၢ်ပိၥ်မုၣ်တဂၤ) နၢ်ပၢၢ်ဝဲ ပဘၣ်တၢ်ထံၣ်လၢ ယွၤန့ၣ် အခီပညီမ့ၢ်တၢ်မနုၤလဲၣ်န့ၣ်လီၤ. ဖဲအဝဲဒၢထီၣ်လၢ စီၤအၤဘြၤဟၣ်အခါ, အဝဲစးထီၣ်တပၥ်ကဲ နီၢ်စၤရဲလၢၤဘၣ် (၁ မိၤ ၁၆:၄). ဒီးလၢတၢ်န့ၣ်အဃိ နီၢ်စၤရဲ မၤနးမၤဖှီၣ်က့ၤအီၤ, ဒီးအဝဲဃ့ၢ်ဟးထီၣ်ဆူ ၦၢ်မုၢ်ကနၢန့ၣ်လီၤ. နီၢ်ဟၤကၢ်အိၣ်ထဲတဂၤဧိၤ, ဒီးကွၢ်ဆၢၣ်မဲၥ် အမုၢ်နံၤဆူညါလၢ အဖျါလ့ၤပျီ ဒီးတၢ်မုၢ်လၢ်တအိၣ်ဘၣ်လၢ အဝဲဒီး အဖိလၢအဒၢလီၢ်ပူၤတဂၤအဂီၢ်န့ၣ်လီၤ.

ဘၣ်ဆၣ်ဒီး ဖဲဒၣ်လၢၦၢ်မုၢ်ကနၢအပူၤန့ၣ်, “ယွၤအကလူးတဂၤ” (:၇) ထံၣ်အီၤ ဒီးစံးဝဲဒၣ် “ယွၤနၢ်ဟူလံနတၢ်နးတၢ်ဖှီၣ်လံ” (:၁၁) န့ၣ်လီၤ. ယွၤအမူခိၣ်ကလူး ဟ့ၣ် နီၢ်ဟၤကၢ် တၢ်နဲၣ်ကျဲလၢ အကဘၣ်မၤမနုၤလဲၣ်, ဒီးစံးဂၢၢ်စံးကျၢၤဝဲ တၢ်မနုၤကမၤအသး, လၢအမုၢ်နံၤဆူညါအပူၤန့ၣ်လီၤ. ခီဖျိနီၢ်ဟၤကၢ်န့ၣ်, ပမၤလိန့ၢ် ယွၤအမံၤတဖၣ်အကျါတဖျၢၣ် – “ကစၢ်ယွၤတဂၤလၢအတၢ်ထံၣ်တၢ်” (:၁၃, ခ့ခါ)န့ၣ်လီၤ.

ဒ်နီၢ်ဟၤကၢ်အသိး, နတၢ်လဲၤကကီခဲသ့ၣ်သ့ၣ်, ဒီးနသးကလၢၢ်ဘၣ် ဒ်နလီၤမၢ် ဒီးအိၣ်ထဲတဂၤဧိၤန့ၣ်လီၤ. ဘၣ်ဆၣ် သ့ၣ်နီၣ်နဲလၢ ဖဲလၢၦၢ်မုၢ်ကနၢအပူၤ ဒၣ်လဲၥ်, ယွၤထံၣ်နၤန့ၣ်တက့ၢ်. ယူာ်ဃီၤဆူအအိၣ် ဒီးနၥ်လၢအဝဲကဆှၢခီဖျိနၤန့ၣ်တက့ၢ်.