ၦၤယပၣ်ဖိအမိၢ်လုၢ်ပၢ်လၢ်တၢ်ဒီသဒၢလီၤသး အတၢ်လိၥ်ကွဲတကလုၥ်လၢအမ့ၢ် အၣ်ကံၢ်ဒိၣ်(aikido) အတၢ်မၤလိအဆိတမံၤန့ၣ် မ့ၢ်တၢ်လၢအအိးထီၣ်ပမဲၥ်တမံၤန့ၣ်လီၤ. သရၣ်န့ၣ် တဲဘၣ်ၦၤလၢ စဲ(န)စံၣ်(sensei), အခီပညီမ့ၢ် တၢ်ဃ့ၢ်ဟးထီၣ်ကွံၥ် ဖဲပဘၣ်သဂၢၢ်ဒီး ၦၤမၤဒၢၣ်မၤဆါတၢ်တဂၤအခါ, ဒီးကြၢးမ့ၢ်ပတၢ်မၤဆၢအဆိကတၢၢ်တမံၤန့ၣ်လီၤ. ဖဲတၢ်ဃ့ၢ်ဟးထီၣ်ကွံၥ် တသ့ဘၣ်အခါ, ဒုးတက့ၢ်.

ဘၣ်ဃ့ၢ်ဟးထီၣ်ကွံၥ်ဧါ. ယကမၢကမၣ်ဘၣ်ယသးဒိၣ်မးလီၤ. ဘၣ်မနုၤ အဃိ ၦၤနဲၣ်တၢ်စဲၣ်နီၤလၢ တၢ်ဒီဒၣ်လီၤက့ၤပသးဒၣ်ပဝဲတဂၤအံၤ တဲဘၣ်ၦၤလၢ ပကဘၣ်ဃ့ၢ်ဟးထီၣ်ကွံၥ် လၢတၢ်ဂ့ၢ်လိၥ်ဒုးလိၥ်တမံၤန့ၣ်လဲၣ်. တၢ်အံၤ ဖျါဝဲဒ် ပခီၣ်ဆၢက့ၤပသး အတၢ်သ့ၣ်ညါဒၣ်တၢ်န့ၣ်လီၤ. အဝဲဒုးနၢ်ပၢၢ်ၦၤလၢ တၢ်ဒီသဒၢ လီၤက့ၤပသးအဂ့ၤကတၢၢ်န့ၣ် မ့ၢ်တၢ်ဟးဆှဲး တၢ်အ့ၣ်လိၥ်ဆိးက့ၤလိၥ် လၢအဆိန့ၣ်လီၤ. မ့ၢ်ဝဲလီၤ.

ဖဲၦၤတဘျုးဂၤ ဟဲဖီၣ်ကစၢ်ယ့ၣ်ၡူးအခါ, စီၤပ့းတရူး မၤဆၢဝဲ ဒ်ပဝဲတနီၤ ကမၤဝဲအသိး, ခီဖျိတၢ်ထုးထီၣ်အနး ဒ်သိးကမၤဆါက့ၤ ၦၤတဖၣ်အကျါတဂၤန့ၣ်လီၤ. (မး ၂၆:၅၁, ကွၢ် ယိၤ ၁၈:၁၀). ဘၣ်ဆၣ် ကစၢ်ယ့ၣ်ၡူးမၢအပၥ်က့ၤအနး ဒီးစံးဘၣ်အီၤ “တၢ်မ့ၢ်မၤအသးဒ်န့ၣ်ဒီး, တၢ်ကွဲးအသးလၢတၢ်ကဘၣ်မၤအသးဒ်သိးအံၤ ကလၢထီၣ် ၦဲၤထီၣ် ဒ်လဲၣ်” န့ၣ်လီၤ.

တၢ်နၢ်ပၢၢ်ပဲၥ်ဖးတၢ်မ့ၢ်တၢ်တီန့ၣ် အကါဒိၣ်ဝဲဘၣ်ဆၣ်, တၢ်နၢ်ပၢၢ်ယွၤအတၢ်တိၥ်ဒီး အဘီအမုၢ်စ့ၢ်ကီးအကါဒိၣ်ဝဲလီၤ. ယွၤအဘီအမုၢ်လၢအဆီတလဲကွံၥ်တၢ်အံၤကိးၦၤ ဒ်သိးပကအဲၣ်ပဒုၣ်ပဒါတဖၣ် ဒီးဟ့ၣ်ဆၢက့ၤတၢ်အၢ လၢ တၢ်မၤဂ့ၤတၢ်အဂီၢ်(၅:၄၄)န့ၣ်လီၤ. အအံၤမ့ၢ် တၢ်လၢအလီၤဆီဖးဒိၣ်ဒီးဟီၣ်ခိၣ် အတၢ်မၤဆၢတၢ်, ဘၣ်ဆၣ် မ့ၢ်တၢ်မၤဆၢလၢယွၤဃုဝဲ ဒ်သိးအကဒုးဒိၣ်ထီၣ်အီၤလၢ ပပူၤအဂီၢ်န့ၣ်လီၤ.

လံၥ်လူၤကၣ် ၂၂:၅၁ ပၥ်ဖျါဒၣ်လဲၥ် ကစၢ်ယ့ၣ်ၡူးအတၢ်မၤဘျါက့ၤ ၦၤတဂၤအနၢ်လၢ စီၤပ့းတရူးကျီဝဲန့ၣ်လီၤ. မ်ပကမၤလိ ဒ်သိး ပကမၤဆၢက့ၤတၢ်အိၣ် အသးကီခဲတဖၣ် ဒ်ကစၢ်ယ့ၣ်ၡူးမၤတ့ၢ်ဝဲအသိး, ထီဘိဃုတၢ်ဃူတၢ်ဖိး ဒီး တၢ်မၤလိၤမၤဘၣ်က့ၤတၢ် ဒ်ယွၤဟ့ၣ်ၦၤတၢ်လၢပလိၣ်ဘၣ်န့ၣ်တက့ၢ်.