အဲ(န) (Anne) , က့ၢ်ဂီၤဒိလၢ အကါဒိၣ်ကတၢၢ် ဖဲလံၥ်တၢ်တဲပူၤ “the Anne of Green Gables stories” အပူၤန့ၣ် ဆၢဒိးန့ၢ်ဘၣ် ဒူၣ်ထၢတဒူၣ်လီၤ. မ့ၢ်အဝဲကဲထီၣ် ဖိၣ်ဃဲအဃိ, အတၢ်မုၢ်လၢ်လၢအိၣ်ဒီးအီၤထီဘိ လၢကထံၣ်န့ၢ် တၢ်လီၢ်တတီၤ လၢကမ့ၢ် အဟံၣ်အဃီန့ၣ် လီၤမၢ်ကွံၥ်လီၤ. ဘၣ်ဆၣ်လၢခံန့ၣ်, အဝဲသ့ၣ်ညါဘၣ်လၢပိၥ်ခွါသးၦၢ် မဲးသယူ (Matthew) ဒီးအဒီပုၢ်ဝဲၢ်မုၣ် မရ့လၣ် (Marilla) တဖၣ် ကက့ၤကိးအီၤဆူအဟံၣ်လီၤ. တၢ်က့ၤဒိးသိလ့ၣ်လၢခိၣ်ဒူၣ်တအိၣ် ဆူအဝဲသ့ၣ်အဟံၣ်န့ၣ် အဲ(န) ဃ့ဝဲသးစူၤလၢ အကတိၤတၢ်လၢကျဲဒီဘိလီၤ. ဘၣ်ဆၣ် မဲးသယူ လၢအမ့ၢ်ၦၤကတိၤတၢ်စှၤတဂၤစံးဝဲ “ဖဲနသးအိၣ်နကတိၤတၢ်သ့, ယတပၥ်သူၣ်ပၥ်သး မနုၤမးဘၣ်” တၢ်အံၤ မ့ၢ်ကလုၢ်အမုၥ် လၢ အဲ(န) အနၢ်ပူၤန့ၣ်လီၤ. လၢညါခါ အဲ(န)ဆိကမိၣ်ဝဲလၢ မတၤမးတသးလီအီၤ ဒီးတအဲၣ်ဒိးနၢ်ဟူ အကတိၤတၢ်ဘၣ်လီၤ. ဖဲအလဲၤတုၤဆူၦၤအဟံၣ် အဲ(န)သ့ၣ်ညါ ဘၣ်လၢ ဒီပုၢ်ဝဲၢ်တဖၣ် ဆိကမိၣ်လၢကလုၢ်ဖိပိၥ်ခွါသးစၢ်လၢ ကမၤစၢၤ အဝဲသ့ၣ် လၢစံၥ်ပျီပူၤအခါ အဲ(န)အတၢ်မုၢ်လၢ်ဟးဂီၤဝဲလီၤ. အဝဲဘၣ်ယိၣ်ဝဲလၢ ကဘၣ် တၢ်ဆှၢကဒါက့ၤအီၤလီၤ. ဘၣ်ဆၣ် ဖဲၦၤဟံၣ်ဖိတဖၣ် တူၢ်လိၥ်ပၥ်အီၤ ဒ်ဟံၣ်ဖိဃီဖိ တဂၤအသိးန့ၣ်, တၢ်လၢအဲ(န)မုၢ်လၢ်တဖၣ် လၢၦဲၤဝဲလံလီၤ.

ပဝဲခဲလၢၥ် ပအိၣ်ဒီးဆၢကတီၢ်တနီၤ, လၢတၢ်မၤဘၣ်ၦၤ ဒ်ၦၤတသးလီၦၤ, ဒီးပအိၣ်လီၤတဲၥ်ထဲတဂၤဧိၤအသိးလီၤ. ဘၣ်ဆၣ် ဖဲပကဲထီၣ်ဘၣ် ယွၤအဟံၣ်ဖိဃီဖိ ခီဖျိယ့ၣ်ၡူးအတၢ်အုၣ်က့ၤခီၣ်က့ၤၦၤအဃိန့ၣ် ယွၤကဲထီၣ်ဟံၣ်အဘံၣ်အဘၢတဖၣ် လၢပဂီၢ်လီၤ(စံး ၆၂:၂). ကစၢ်ယွၤဘၣ်သူၣ်ဘၣ်သးၦၤ ဒီးကွဲမုၥ်ၦၤလၢပကတဲအီၤ လၢတၢ်ကိးမံၤအဂ့ၢ်, ပတၢ်ဘၣ်ယိၣ်ဘၣ်ဘီ, တၢ်လ့ပစီလၢဘၣ်ၦၤ, တၢ်သးအုး, ဒီးတၢ်မုၢ်လၢ်တဖၣ်လီၤ. ၦၤကွဲးထါစံးဘၣ်ၦၤ “ပထံၣ်န့ၢ်တၢ်အိၣ်ဘှံးလၢယွၤအပူၤသ့ ဒီးလူလီၤပသးဆူအလိၤသ့ဝဲလီၤ”(:၅-၈).

ယုာ်နသး, မၤယံာ်မၤနီၣ်နသးတဂ့ၤ. ဖဲနသးအိၣ်အသိး ကတိၤတၢ်ဒီး ယွၤတက့ၢ်. အဝဲအသးတတံၥ်တၥ်ဘၣ်. အဝဲဘၣ်သူၣ်ဘၣ်သး ပသးအတၢ်ဆၢမုၢ်လၢ်တဖၣ်လီၤ. လၢယွၤအပူၤန့ၣ် နကထံၣ်န့ၢ် ဟံၣ်ဒူၣ်ဃီထၢတဒူၣ်လီၤ.