ယတံၤသကိးတဂၤ ဟဲက့ၤဝဲလၢ ဘၣ်တၢ်သံကွၢ်အီၤလိၤလိၤလၢ ၦၤနၥ်တၢ်အသကိး တဂၤလၢ မ့ၢ်အဝဲဘၣ်ထွဲဒီး ထံဂ့ၢ်ကီၢ်ဂ့ၢ်အကရၢမတၤလဲၣ်လီၤ. သံကွၢ်တၢ် အတၢ်တိၥ်မ့ၢ်ဒ်သိးကသ့ၣ်ညါဝဲ မ့ၢ်အဒ်သိးဒီးအီၤလၢ တၢ်ဂ့ၢ်ကီခဲအိၣ်ထီၣ်တဖၣ်လၢ အမၤလီၤဖးအဝဲသ့ၣ်အသးလၢ အလီၢ်ကဝီၤအပူၤလီၤ. ဒ်သိး ကထံၣ်န့ၢ်တၢ်ပၥ်သး တမံၤဃီအဂီၢ် အဝဲစံးဆၢဝဲလၢ “ဒ်ပမ့ၢ်ၦၤစူၢ်က့ၤနၥ်က့ၤအသိး, ယဲယပၥ် တၢ်အကါဒိၣ်လၢ ခရံၥ်အပူၤ ပမ့ၢ်တၢ်တမံၤဃီလီၤ”. လၢစီၤပီလူးအဆၢကတီၢ်န့ၣ် ခီဖျိတၢ်ကီတၢ်ခဲလီၤဆီတဖၣ်အဃိ အဝဲသ့ၣ်လီၤဖးလီၤ. တၢ်ဂ့ၢ်ခိၣ်တီဘၣ်ထွဲဒီး တၢ်အီၣ်တဖၣ်လၢပကြၢးအီၣ်, မုၢ်နံၤမတၤ မ့ၢ်မုၢ်နံၤစီဆှံအံၤ ဟဲစိၥ်တၢ်သးလီၤဖးဆူခရံၥ်ဖိလၢ ဝ့ၢ်ရိမ့ၤအပူၤလီၤ. အိၣ်ဒီးတၢ်ပၥ်လီၤသၦၢ်ၦၢ် ဒီးအလီၢ်အလၤဒၣ်ဝဲ နၥ်သက့ စီၤပီလူး ဒုးသ့ၣ်နီၣ်ထီၣ် အဝဲသ့ၣ်လၢ အဝဲသ့ၣ်အတၢ်တမံၤဃီလၢ အမ့ၢ် “မူလၢခရံၥ်အဂီၢ်” လီၤ (ရိမ့ၤ ၁၄:၅-၉). လၢကစံၣ်ညီၣ်ပၥ် တၢ်ကမၣ်ၦၤလၢအလီၢ်န့ၣ် စီၤပီလူးဟ့ၣ်ဂံၢ်ဟ့ၣ်ဘါ အဝဲသ့ၣ်လၢ ကလူၤတၢ် ဘၣ်ဃးဒီးတၢ်ဃူတၢ်ဖိး ဒီးတၢ်ဒုးထီၣ်ဒုးထီလိၥ်အသး သကိးသကိးလီၤ (:၁၉).

ဖဲတၢ်အကတီၢ်လၢထံကီၢ်တဖၣ်ယ တၢ်အိၣ်ဖှိၣ်တဖၣ် ဒီးၦၤတ0ိၥ်တဖၣ် ဘၣ်တၢ်မၤလီၤဖးအီၤ ခီဖျိတၢ်ဂ့ၢ်ကီခဲအဒိၣ်ဂ့ၤအဆံးဂ့ၤအကတီၢ်န့ၣ် ပဒုးနဲၣ်ခရံၥ် အတၢ်မၤလၢ အမ့ၢ်တၢ်မၤဃူမၤဖိးက့ၤၦၤလၢ ထူၣ်စုညါအလိၤ ဒ်သိးကပၢၤဃၥ် ပသးသမူဒီး အဝဲဒၣ် လီၤထူလီၤယိာ်လီၤ. စီၤပီလူး ဒုးသ့ၣ်နီၣ်ထီၣ်ၦၤ ဒ်သိးပသုတမၤ ဟးဂီၤ ယွၤအတၢ်မၤ (:၂၀) လၢပနီၢ်ကစၢ်ပလီၢ်ပလၤအဃိ လၢဆၢကတီၢ်ခဲအံၤ ဒ်အိၣ်တ့ၢ်ဝဲလၢ ပူၤကွံၥ်အနံၣ်ခံကထိတဂၤ, လၢပကပၥ်တၢ်ကမၣ်လၢၦၤဂၤအလီၢ် ပမၤလၢတၢ်အဲၣ်ဒီးအိၣ်မူဒီးတၢ်ပးကဲ ပဒီပုၢ်ဝဲခွါ ဒီပုၢ်ဝဲၢ်မုၢ်တဖၣ်တက့ၢ်.