‘‘ကူၣ်မ့း (အ) ခၣ်နၣ်ဘၣ်’’ (နအီၣ်၀ံၤလံဧါ) ႉ မ့ၢ်တၢ်သံကွၢ်တမံၤဆူပှၤတမှံၤလၢ အဟဲ ဟးလၢ ကီၢ်ဖံလံးပံၣ်လီၤႉ အ၀ဲန့ၣ် မ့ၢ်တၢ်ဒုးနဲၣ်တၢ် ကဟု ကယာ်ဒီး တၢ်သးအိၣ်ဘၣ် ပှၤတမှံၤ ဒ်ပှၤဖံလံးပံနိၣ်ဖိ အလုၢ်အလၢ်အသိးလီၤႉ နတၢ်စံးဆၢ မ့ၢ်ဒ်လဲၣ်ဂ့ၤဒ်လဲၣ်ဂ့ၤ ဖံလံးပံနိၣ်ဖိ ကတဲာ်ကတီၤတၢ်တမံၤမံၤလၢ နကအီၣ်ဘၣ်အဂီၢ်လီၤႉ ပှၤဖံလံးပံနိၣ်ဖိ နာ်၀ဲလၢ တၢ်သးအိၣ်ဘၣ် ပှၤဂၤနီၢ်နီၢ် တမ့ၢ်ထဲ တၢ်ကတိၤဆၢဂ့ၤဆၢ၀ါလိာ်သးဘၣ်ၢ်အန့ၣ် ပာ်ဖျါ တၢ်အဲၣ်တူၢ်တံၢ်တူၢ်တမှံၤ လီၤႉ
နီၢ်ရၠာစးံးဘကၤစ့ၢ်ကီး ကဘၣ်သူၣ်အိၣ်သးအိၣ်ပှၤဒ်လဲၣ်န့ၣ် သ့ၣ်ညါ၀ဲလီၤႉ ကိးနံၤအတၢ်မၤတဖၣ် မ့ၢ်၀ဲ ဒ်သိးကဒၢၣ်ထံ ဖဲထံပူၤ အိၣ်လၢ၀့ၢ်အချၢဒီး က့ၤတီသပၢၤ ဆူအဟံၣ်လီၤႉ ဖဲစီၤ့ဘၤဟၣ်အခ့အပှၤ တၢ်သူအသးလၢထံဒိၣ်မး ဒီးဃ့အီၤအထံန့ၣ် အ၀ဲ တမၤယံာ်အသးလၢ ကဒုးအီအီၤဘၣ် (၁ မိၤ ၂၄း၁၇-၁၈) ႉ
ဘၣ်ဆၣ် နီၢ်ရၠာစးံးဘကၤ မၤ၀ဲအါန့ၢ်တၢ်န့ၣ်လီၤႉ ဖဲအ၀ဲထံၣ် ပှၤတမှံၤဒီး အကီၤလၤအူးတဖၣ် ကသူအသးလၢထံန့ၣ် အ၀ဲလဲၤဃ့ၢ်ဒၢၣ်ကဒီးထံ ဒ်သိးကဒုးအီ၀ဲ လီၤ (း၁၉-၂၀) ႉ အ၀ဲ တမၤယံာ်အသးလၢ ကမၤစၢၤတၢ်ဘၣ်ႉ မ့ၢ်ဘၣ်က့ၤဒၢၣ်၀ဲအါဘျီ အိၣ်ဒီးသပၢၤလၢအဃၢတဖၣ်ဘၣ်ဆၣ် မၤ၀ဲလီၤႉ တၢ်အိၣ်မူန့ၣ် ကီ၀ဲဒိၣ်မးလၢ ပှၤတနီၤအဂီၢ် ဒီးတၢ်ဟူးဂဲၤဒုးနဲၣ် တၢ်သူၣ်အိၣ်သးအိၣ်ဘၣ်ပှၤဂၤန့ၣ် ကဲထီၣ်လၢ တၢ် ဟ့ၣ်ဆူၣ်ထီၣ် အ၀ဲသ့ၣ်ဒီးဒုးအါထီၣ်သးအဂံၢ်အဘါသ့၀ဲလီၤႉ လၢတၢ်ကကဲထီၣ် ယွၤ အတၢ်အဲၣ်အထံအကျိၤအဂီၢ် တမ့ၢ်ထဲတၢ်စံၣ်တဲၤတဲလီၤ လၢအစိကမီၤဆူၣ်၀ဲဘၣ်ႉ ဒီးတမ့ၢ်စ့ၢ်ကီး တၢ်သူၣ်လီၤတၢ်အိၣ်ဖှိၣ်ဘၣ်ႉ အါဘျီန့ၣ် သ့၀ဲဒၣ် ခီဖျိပဟ့ၣ်ဒုးအီ ပှၤတဂၤလၢ ထံအီၤလီၤႉ