ခီလ့ ဒီးအမါ ကၠီဒၢၢ် (န) ဟးကွၢ်တၢ် ယၢ်ခီယၢ်ခီဆူအံၤဆူနုၤလၢ ပှၤဆါတၢ်စုသ့အကျးပူၤ
ဒ်သိး အကထံၣ်န့ၢ် တၢ်ဂီၤတခါလၢ ကဘျးလီၤစဲၤလၢ အဟံၣ်အပူၤန့ၣ်လီၤႉ ခီလ့ဆိကမိၣ် လၢအထံၣ်န့ၢ် အတၢ်ဘၣ်အသးအဃိ ကိးက့ၤကၠီဒၢၢ် (န) လၢအကဟဲကွၢ်န့ၣ်လီၤႉ လၢတၢ်ဒုးနဲၣ်၀ါစဲဒွဲလၤစုသ့တၢ်မၤအဒုးနဲၣ်ဃာ် တၢ်အလီၢ်စုထွဲတကပၤန့ၣ် တၢ်ကတိၤ- တၢ်ဘျုး တၢ်ဖှိၣ် အိၣ်၀ဲလီၤႉ ဘၣ်ဆၣ်ဒီး လၢအစ့ၣ်တကပၤတခီ အတဲၤဖးထီ အိၣ်ခံဘီ န့ၣ်လီၤႉကၠီဒၢၢ် (န) ကွၢ်ဒီးစံး၀ဲလၢ‚အိ့ၣ်လီၤႉ ဘၣ်ဆၣ်ဒီး ခီလ့ စံးၣ် တၢ်ဂ့ၢ်၀ဲအံၤန့ၣ်လီၤႉ တၢ်အံၤဒုးထံၣ်ပှၤ ဖဲ ပတၢ်အိၣ်မူသ့ၣ်ဖးဟးဂီၤ အကတီၢ်တၢ်ဘျုးတၢ်ဖှိၣ် ဟဲနုာ်လီၤန့ၣ်လီၤႉ ဒီးအ၀ဲသ့ၣ်ပာ်လီၤသးဒီး ပရၤ၀ဲတၢ်အတဲၤဖးန့ၣ်လီၤႉ ဖဲအ၀ဲသ့ၣ် ဟ့ၣ်တၢ်အပရၤ အလီၢ်န့ၣ် ပှၤဆါတၢ်ဖိစံး၀ဲ အိႉႉႉအ၀ဲန့ၣ် သ့ၣ်ဖးဟးဂီၤလံႉ ဒီးကၠီဒၢၢ် (န) စံးဆၢၣ်အသိးစ့ၢ်ကီးလီၤႉ
‘‘ပှၤအသ့ၣ်ဖးဟးဂီၤ’’ စံးတၢ်န့ၣ် အခီပညီမနုၤလဲၣ်ႉ ပှၤတဂၤတဲဒ်အံၤလီၤႉ ပသ့ၣ်ညါလီၤက့ၤပသးအါထီၣ်လၢပကျဲးစၢးထဲလဲၣ်ဂ့ၤၣ် အၢနးထီၣ်ဒိၣ်ထီၣ်ဒါခီလီၤႉ တၢ်အံၤပဘၣ်အၢၣ်လီၤလၢ ပလိၣ်ဘၣ်ကစၢ်ယွၤ ဒီးအတၢ်နုာ်လီၤမၤတၢ်လၢ ပတၢ်အိၣ်မူအပူၤန့ၣ်လီၤႉ
တၢ်မၢဖိစီၤပီလူး ကတိၤတၢ် ဘၣ်ထွဲဒီးပတၢ်အိၣ်မူဟးဂီၤအဂ့ၢ်န့ၣ် မ့ၢ်ဒ်တၢ် ကတိၤစံး၀ဲၣ်လီၤႉ တၢ်စံးဆၢလၢ ပတၢ်လိၣ်ဘၣ်တၢ်ပျၢ်ပတၢ်ဒဲးဘးဒီး တၢ်အိၣ်မူအတၢ်ဆီတလဲအဂီၢ်န့ၣ် ဟဲလၢ အ့းဖ့းစူး ၂း၄‚၅ မ့မ့ၢ်ပှၤလၢအသူၣ်ကညီၤတၢ်ဒိၣ်ၣ်ၣ် အသးအိၣ်လၢ ကမၤဘျါပတၢ်သ့ၣ်ဖးဟးဂီၤလၢ အဘျုးအဖှိၣ် ဖဲပအၢၣ်လီၤတူၢ်လိာ်လၢ ပဟးဂီၤလံအခါန့ၣ်လီၤႉ