ဖဲနံၣ် ၂၀၂၀ ထ့ကူလါထီၣ်အပူၤ ကိၤဘ့း ၁၉ တၢ်ဆါ အတၢ်ကီတၢ်ခဲ စးထီၣ်သီ အဆၢကတီၢ်ၣ်လီၤႉ အ၀ဲ ဆိကမိၣ်ထီၣ် ပကဘၣ်အိၣ်လီၤဆီလၢ တၢ်သူၣ်အိၣ်သးအိၣ် အပူၤ ဆီတလဲ ပတၢ်ဖံးတၢ်မၤ‚ ပတၢ်လဲၤတၢ်က့ၤၣ်လီၤႉ အ၀ဲကွဲးဖျါထီၣ်‚ ‘‘တၢ်မၤအသးတဖၣ် အံၤ တမ့ၢ်ထဲတၢ်မၤကွၢ် တၢ်ကူစါယါဘျါတၢ်အပီးအလီအဂ့ၢ်ၣ်လီၤႉ သတူၢ်ကလာ် တၢ်လိၣ်ဘၣ်တၢ်အိၣ်မူသကဲးပ၀ာ်န့ၣ် ကဲထီၣ်၀ဲတၢ်ကစီၣ်အခိၣ်တီန့ၣ်လီၤႉ
ပနီၢ်ကစၢ်ဒၣ်၀ဲ ပအိၣ်ဒီး တၢ်သးတံာ်တာ်အဆၢကတီၢ် ပဆိကမိၣ်ကွၢ်တၢ် လၢပှၤဂၤအဂီၢ်န့ၣ် မ့ၢ်တၢ်ကီတၢ်ခဲတမံၤန့ၣ်လီၤႉ လၢတၢ်စံးဘျုးစံးဖှိၣ်အပူၤ ပတအိၣ် တ့ၢ်ဒၣ်ထဲ သးအဂံၢ်အဘါတမံၤဧိၤ ဖဲပလိၣ်ဘၣ်တၢ်အခါန့ၣ်လီၤႉ ပကဃ့ထီၣ် တၢ် ဆူသးစီဆှံ ဒ်သိးကဟ့ၣ်ပှၤတၢ်အဲၣ် လၢပတၢ်တဒ်သိးလိာ်သး ကဒဲကဒဲအလီၢ်‚ တၢ်သူၣ်ခုသးခုလၢ ပကမၤဆၢ တၢ်သူၣ်အုးသးအုး‚ သးအတၢ်ဃူတၢ်ဖိး လၢတၢ်သး တံာ်တာ်အလီၢ်‚ တၢ်၀ံသးစူၤလၢ တၢ်သးဘၣ်ဒိဆါအလီၢ်‚ တၢ်သူၣ်ကညီၤ သးကညီၤ တၢ်လၢ တၢ်ကွၢ်ထွဲပှၤဂၤအလီၢ်‚ ပတၢ်မၤဂ့ၤတၢ်လၢ ပကထံၣ်ပှၤဂၤလၢ အလိၣ်ဘၣ် တၢ်အလီၢ်‚ ပတၢ်သးတီလၢပတၢ်အၢၣ်လီၤတဖၣ်အဂီၢ်‚ တၢ်ဆီၣ်လီၤသးလၢ တၢ်မၤဆူၣ်မၤစိးတၢ်အလီၢ်‚ ပတၢ်ကီၤသူၣ်ကီၤသးလၢ တၢ်သူၣ်ကွံသးကွံၣ်လီၤႉ ပတမ့ၢ် ပှၤလၢပှဲၤလၢ တၢ်သ့ၣ်တဖၣ်ခဲလၢာ်အပူၤ ဘၣ်ဆၣ် ဒ်အ့ဖ့းစူး ၅း၁၈ ပာ်ဖျါထီၣ်၀ဲအသိး ပကဃုအိၣ်မူလၢပှဲၤဒီးသး အတၤသၣ်တဖၣ်ထီဘိန့ၣ်တက့ၢ်ႉ
ပှၤကွဲးလံာ် ရၠာစးံးခၠဲးဖိစတၣ် တဘျီပာ်ဖျါထီၣ် တၢ်စီတၢ်ဆှံ ဒ်အမ့ၢ် တၢ်သ့မၤ တၢ်မၤလၢ တၢ်လိၣ်အဖီခိၣ်လၢ ပကမၤ၀ံၤအီၤအဂီၢ်န့ၣ်လီၤႉ တၢ်ပာ်စီဆှံသးအံၤ လိၣ်ဘၣ်၀ဲ ကိးမုၢ်နံၤကိးဆၢကတီၢ်န့ၣ်လီၤႉ တမ့ၢ်ဒၣ်ထဲ တၢ်ဆူးတၢ်ဆါအၢ ကဲထီၣ် အဆၢကတီၢ်န့ၣ်ဘၣ်ႉ မ့ၢ်ပအိၣ်ဒီး နီၢ်သးအဂံၢ်အဘါလၢ တၢ်လုၢ်ထီၣ်ပသးလၢ ပှၤဂၤ အဂီၢ်ကစီဒီဧါႉ သးစီဆှံဧၢၣ်တက့ၢ်ႉ