ပှၤကွဲးလံာ်ဒီး ပှၤမၤတၢ်သးခုကစီၣ် ဘဲးခံၣ်ဖ့းဖဲးၢ်အီၤ အစုမ့ၣ်လၢ ခံနံၣ်အတီၢ်ပူၤတဂၤလီၤႉ ဘၣ်ဆၣ်ဖျါလၢ ဟဲးသၢၣ် တသးစဲအီၤ နီတစဲး ဘၣ်လီၤႉ လၢကစးထီၣ်ကတိၤတၢ်ဒီး ဟဲးသၢၣ်အဂီၢ် ဘဲးခံၣ် ပလၢၢ်ဘၣ်လၢကဲထီၣ် တသ့ဘၣ်သနာ်က့ အ၀ဲဘါထုကဖၣ်တချုးလၢ အ၀ဲသ့ၣ် ဆၢဖးကတီၢ်ဒံးန့ၣ်လီၤႉ
ဖဲ ဟဲးသၢၣ် မၤဃံမၤလၤန့ၢ်အီၤအစုမ့ၣ်အခါန့ၣ် ဘဲးခံၣ်အိးထီၣ် မဲးကစံ အလီၢ်လံၤတဘ့ၣ်ဒီး အိၣ်ကတီၢ်၀ဲဖဲကဘျံးပၤလၢ ပှၤဂဲၤဒိတၢ်တဂၤအဂီၤအိၣ်၀ဲန့ၣ်လီၤႉ ဖဲ ဟဲသၢၣ် သံကွၢ်အီၤလၢ ဘၣ်မနုၤအဃိ အ၀ဲကွၢ်ထံတၢ်န့ၣ် ဘဲးခံၣ် တဲဆၢအီၤလၢ ပှၤဂဲၤဒိတဂၤအံၤ မ့ၢ်အ၀ဲအသကိးဘူးဘူးတံၢ်တံၢ်ဒီးအီၤတဂၤလၢ အါနံၣ်တဖၣ်တချုးလၢအ၀ဲကဲပှၤဂဲၤဒိလၢအမံၤဟူသၣ်ဖျါဒံးဘၣ်န့ၣ်လီၤႉ ဘဲးခံၣ် ဟ့ၣ်ခီဟ့ၣ်နီၤ အ၀ဲအသကိးတနီၤ အတၢ်စူၢ်တၢ်နာ်ယွၤအတၢ်လဲၤခီဖျိ ဒီး ဟဲးသၢၣ် ဒိကနၣ်အီၤလၢ တၢ်သးစဲအပူၤန့ၣ်လီၤႉ
ဘဲးခံၣ် ဟးထီၣ်လဲၤတၢ်ဆူ တၢ်လီၢ်အယံၤ၀ံၤ ဖဲအ၀ဲဟဲက့ၤဆူ ကီၢ်အၣ်ယါလဲၣ် အ၀ဲသ့ၣ်ညါဘၣ်လၢ ဟဲးသၢၣ် သုးကွံာ်အသးဆူ တၢ်လီၢ်အသီ န့ၣ်လီၤႉ ဘဲးခံၣ် စံး၀ဲလၢၣ်လီၤႉ ဖဲစီၤပီလူးအဂံၢ်စၢ်ဘါစၢ်ဒီး ဃ့ကညးယွၤ လၢကသုးကွံာ်တၤဆှုၣ်လၢအနီၢ်ခိအခါ‚ ယွၤစံးအီၤလၢၢ်က့ၤ၀ဲလၢ ကဘၣ်ဒိးသန့ၤသးလၢယွၤ လၢ တၢ်ခဲလၢာ်အပူၤ ဒီးလၢတၢ်ဒိၣ်ဒီးအဆံးန့ၣ်လီၤႉ
ဖဲပသန့ၤပသးလၢယွၤ လၢကမၤစၢၤပှၤလၢ ပကအဲၣ်ပှၤလၢပဃၢၤ၀း၀းန့ၣ် ပကထံၣ်န့ၢ်စ့ၢ်ကီး တၢ်ခွဲးတၢ်ယာ်လၢ ပကဟ့ၣ်ခီဟ့ၣ်နီၤပှၤဂၤ ပတၢ်နာ်လီၤတံၢ် လီၤဆဲးလီၤႉ