ကတုၤရၠာစးၤ မ့ၢ်ဒဲကးြပဲးသ၀ီတတီၤလၢ ကီၢ်ပၣ်ရၠာစးကွဲ‚ ကီၢ်မိၢ်ပှၢ်အမဲရၠာစးကၤကလံၤထံး အပူၤန့ၣ်လီၤႉ ဖှီၣ်သံယာ်ဂီၤဒိၣ်မးလီၤႉ သ၀ီဖိတဖၣ် လဲၤဃု၀ဲလၢ တၢ်တပှိာ်တပှာ်လၢ ပှၤစူးကွံာ်တ့ၢ်တဖၣ်အကျါဒီး လဲၤတၢ်လၢတၢ်ဘှီက့ၤသူက့ၤသ့တဖၣ် ဒီးဆါက့ၤတၢ် တဖၣ်န့ၣ်ဒီး အိၣ်မူလၢတိၢ်စ့အန့ၢ်ဘၣ်၀ဲတဖၣ်န့ၣ်လီၤႉ ဘၣ်ဆၣ်ဒီး လၢတၢ်မုၢ်လၢ် ကဘီၣ်ထီၣ်ညီထီၣ်အကျဲတအိၣ်ဘၣ်အပူၤန့ၣ် တၢ်အဃံလၤတမံၤ ဟဲပၢၢ်ထီၣ်၀ဲဒၣ် လီၤႉ အ၀ဲန့ၣ် မ့ၢ်ဒၣ်တၢ်ဒ့တၢ်အူသံကျံက့ှူၢ်တဖုအတၢ်ဟဲပၢၢ်ထီၣ် န့ၣ်လီၤႉ
ဖဲသီတူၢ်တဖျၢၣ် အပရၤဒိၣ်န့ၢ်ဒံး ဟံၣ်လၢကတူရၠာစးၤအပူၤ တၢ်ဒ့တၢ်အူသံကျံ က့ှူၢ်တဖုအံၤ ဘၣ်မ့ၢ်ပှၤသ့ကူၣ်သ့မၤဒီးတ့ထီၣ်အတၢ်ပိးတၢ်လီဒၣ်၀ဲတဖၣ်လၢအဂီၢ် ဒၣ်၀ဲလီၤႉ သီတူၢ်န့ၣ် တၢ်မၤထီၣ်န့ၢ်အီၤ လၢ‘သိထး၀ါဆံးဒၢႉပံတကွဲၢ်တခီ’ မၤ၀ဲလၢ ထံပီၤ ဒီးပလီအခိၣ်ဖျီၣ်တဖၣ် ဒ်နီၢ်စံၢ်တဖၣ်အသိးလီၤႉ ခၠဲလိၣ်တခီ မၤ၀ဲလၢ ထး၀ါဒၢဖးဒိၣ် ဃုာ်ဒီး နီၢ်စဲ၀ံာ်ပကံးတဖၣ်န့ၣ်လီၤႉ လၢတၢ်ဒ့တၢ်အူသံကျံပိးလီတဖၣ်အံၤ တၢ်ဒ့ထီၣ် ‘မိၣ်စၠး’ အတၢ်သး၀ံၣ်ဒီး တၢ်သး၀ံၣ်အမုာ်ဃံလၤသီၣ်ထီၣ်စ့ၢ်ကီးလီၤႉ တၢ်ဒ့အူသံကျံ က့ှူၢ်တဖုအံၤ လဲၤတၢ်ဆူထံကီၢ်တဘျုးဘ့ၣ်ဒီး မၤထီၣ်မၤထီအပှၤက့ှူၢ်သးစၢ်ဖိ တဖၣ် အတၢ်ထံၣ်န့ၣ်လီၤႉ
သီတူၢ်တဖၣ်လၢ အကဲထီၣ်လၢတၢ်ကဘိၣ်လၢဟီၣ်ခိၣ်လာ်‚ တၢ်သူၣ်၀ံၣ်သးဆၢ လၢဒဲးကးြပဲးသ၀ီဖိတဖၣ်ထုးထီၣ်မၤဖျါ အတၢ်ဃံတၢ်လၤလၢ တၢ်အိၣ်ဒီး အ၀ဲသ့ၣ်လီၤႉ တၢ်န့ၣ်မ့ၢ်တၢ်ပနီၣ်ဒိတဲာ်လၢကစၢ်ယွၤအတၢ်မၤအပူၤလီၤႉ အဂ့ၢ်ဒ်အံၤ‚ ဖဲ၀ံယရၠာစးှါယၤ ထံၣ်စိထံၣ်ဆိပာ် ယွၤအတၢ်ဘၣ်တ့အသီ‚ လီၤဂာ်တၢ်ဂီၤတဘ့ၣ်ဃီ ဒ်တၢ်ဃံတၢ်လၤ အိၣ်၀ဲလၢ တၢ်ဖှီၣ်တၢ်ယာ်အပူၤန့ၣ် ဟဲဖျါထီၣ်၀ဲဒၣ် ဒ်ပှၢ်မုၢ်ကနၢဒီးဃဲခိၣ်ဃဲလာ်န့ၣ် ကသးခုဒီးမံၤခိၣ်သိၣ်လာ်ကသူၣ်ဖှံသးညီ ဒီးကဖီထီၣ် ဒ်ဖီ၀ံဒံၣ်အသိး (ယရၠာစးှါ ၃၅း၁) ‚ ထံဖျိးထီၣ်လၢ ပှၤမုၢ်ကနၢဒီးထံကျိတဖၣ်လၢ မံၤခိၣ်သိၣ်လာ်ႉႉႉ ဒီးဟီၣ်ခိၣ်ဃ့န့ၣ် ထံထီၣ် ပၢၢ် (ယရၠာစးှါ ၃၅း၆-၇) ‚ တၢ်ပိာ်က့ၤတၢ်ဒုးသုးအနးလၢ ထဲၣ်အကနၣ်ဒီး အဘီလၢဒီ ပဲာ်ဃိတၢ် (လၢတၤသၣ်လီၢ်အဂီၢ်-ယရၠာစးှါယၤ ၂း၄) ဒီးပှၤဖှီၣ်သံ ယာ်ဂီၤဂဲၤတန့ၢ် မၤတသ့တဖၣ်လၢထီၣ်ပှဲၤထီၣ် လၢတၢ်သးခုအတၢ်သး၀ံၣ်တဖၣ်န့ၣ်လီၤ (ယရၠာစးှါ ၃၅း၅-၆‚၁၀) ႉ
ပှၤနဲၣ် ကတူရၠာစးၤတၢ်ဒ့တၢ်အူသံကျံက့ှူၢ်အခိၣ်စံး၀ဲ‚ ဟီၣ်ခိၣ်ဆှၢလီၤန့ၢ်ပှၤ တၢ်တဃီၣ်တပှိာ် ဘၣ်ဆၣ်ပဟ့ၣ်ဆၢက့ၤတၢ်သူၣ်၀ံၣ်သးဆၢတၢ်သံကျံန့ၣ်လီၤႉ ဒီးဒ် အ၀ဲသ့ၣ်မၤအသိး အ၀ဲသ့ၣ်ဟ့ၣ်ထီၣ်ဟီၣ်ခိၣ်လၢခါဆူညါအတၢ်ထံၣ်‚ ဖဲယွၤထွါကွံာ် မဲာ်ထံလၢမဲာ်ချံတဖၣ် ဒီးတၢ်ဖှီၣ်တၢ်ယာ်န့ၣ်တအိၣ်လၢၤဘၣ်ႉ