ဖဲအလံာ် Fနၠမ်ကူူပ ၠညိ တသညိနမ်ကူူပ ့ၠိန‚ လၢအကွဲးသကိးတၢ်ဒီး ာ့်ငူငစ ှၠညခနပ အပူၤန့ၣ် ီမႉ ာ်ၠကူ Bမၠညိ ထံၣ်န့ၢ်၀ဲလၢ‚ ‘‘ထိၣ်ကနဲဖိတဘ့ၣ်အသးန့ၣ် အတယၢၢ်အိၣ်ဒၣ် တအီၣ်စးအပူၤဖိလီၤႉ ဒီးအသးအံၤစံၣ်၀ဲတမံးနံးန့ၣ်အဘျီ ၈၀၀‚ ညၣ်လူၤခိၣ်လါအဲး တဘ့ၣ်န့ၣ် အတယၢၢ်အိၣ်တၣ်တ၀ာ်‚ ဒီးအသးအံၤစံၣ်၀ဲ တမံးနံးန့ၣ် ထဲ အဘျီ ၁၀ ဧိၤ ဒီးပနၢ်ဟူန့ၢ်အီၤသ့လၢတၢ်အယံၤ ၂ မံးလာ်န့ၣ်လီၤႉ ပမ့ၢ်လဲၤထိၣ်သBတီၤဒီးတၢ်ခံခါအံၤ တခါဂ့ၤတခါဂ့ၤန့ၣ်‚ ပှၤကူပှၤကညီအသးန့ၣ် ဖျါလၢတမၤတၢ်ကဲၣ်ဆိးဘၣ်‚ ဘၣ်ဆၣ် မၤအတၢ်မၤဒၣ်၀ဲ‚ သးအံၤစံၣ်၀ဲတမံးနံးန့ၣ် ၆၅-၇၀ ဘျီ‚ တနံၤန့ၣ် ၁၀၀‚၀၀၀ ဘျီ‚ တအိၣ်ကတီၢ်အိၣ်ဘှံးနီတဘျီဘၣ်န့ၣ် လၢပကမူပသးအနံၣ် ၇၀ ဒီးအါန့ၢ်အန့ၣ်အဂီၢ်လီၤႉ
သးလၢအလီၤကမၢကမၣ်အံၤ‚ မၤတၢ် အိၣ်ဒီးအစိအကမီၤလၢလၢပှဲၤပှဲၤလၢ ပတၢ်အိၣ်မူပူၤသတး‚ ကဲထီၣ် တၢ်ကတိၤအဒိတမံၤလၢပညါပူၤ အတၢ်အိၣ်မုာ်အိၣ်ပၢၤ လၢ တၢ်ကိးမံၤကိးကပၤလီၤႉ ဘၣ်ဆၣ်‚ ပသးခံမံၤလိာ်‚ ပသးအနီၢ်ကီၢ်ဂ့ၤ‚ သးဒ်ဘၣ်တၢ်ပာ်ဖျါ ဒ်တၢ်ကတိၤဒိဂ့ၤ‚ ခံမံၤလိာ်အံၤ ကလီၤပှီၢ်အဂီၢ်ညီ၀ဲလီၤႉ ပမၤမနုၤကသ့လဲၣ်ႉ
ပှၤကွဲးထါစံးထီၣ်ပ့တၢၤ စီၤအၤစာ်‚ ပှၤအံၣ်စရၠာစး့လးဖိတဖၣ် အတၢ်ဘူၣ်တၢ် ဘါခိၣ်နၢ်‚ သ့ၣ်ညါဘၣ်၀ဲ ဖဲထါစံးထီၣ်ပ့တၢၤ ၇၃ အပူၤန့ၣ် လၢတၢ်ဂံၢ်တၢ်ဘါ အမ့ၢ်အတီန့ၣ် အိၣ်ဟဲလၢ တၢ်လီၢ်တပူၤပူၤ‚ လၢပှၤတဂၤဂၤအအိၣ်လီၤႉ ကွဲး၀ဲလၢ ‘‘ယညၣ်ဒီးယသးလၢာ်၀ဲလီၤႉ ယွၤမ့ၢ်ယသးအလၢၢ်‚ ဒီးယဂီၢ်န့ၣ်လီၤထူလီၤယိာ်လီၤ’’ (း၂၆) ႉ စီၤအၤစာ်စံးတၢ်န့ၣ်ဘၣ်၀ဲလီၤႉ ကစၢ်ယွၤလၢအမူ၀ဲအံၤ မ့ၢ်ပဂံၢ်ပဘါ အဆူၣ်က တၢၢ် ဒီးပဂံၢ်ပဘါလီၤစိၤလီၤႉ ဒ်အ၀ဲမ့ၢ်ပှၤလၢအတ့လီၤမူခိၣ်ဒီးဟီၣ်ခိၣ်တဂၤအသိးန့ၣ်‚ အ၀ဲအတၢ်စိတၢ်ကမီၤလၢအလၢ၀ဲပှဲၤ၀ဲန့ၣ် တၢ်တထီၣ်ဘးတအိၣ်နီတမံၤဘၣ်လီၤႉ
လၢပတၢ်ဆၢကတီၢ်အိၣ်ပှဲၤမးဒီး တၢ်ကီတၢ်ခဲဒီးတၢ်တၤတဖၣ်အပူၤ‚ မ်ပကထံၣ်န့ၢ် တၢ်လၢစီၤအၤစာ် မၤလိန့ၢ်တၢ်လၢအတၢ်ဂဲၤလိာ်ဒၣ်၀ဲအပူၤအသိး ယွၤမ့ၢ် တၢ်ဂံၢ်တၢ်ဘါ အမ့ၢ်အတီလၢ ပသးအဂီၢ်လီၤႉ ပအိၣ်ဘှံးလၢ တၢ်ဂံၢ်တၢ်ဘါန့ၣ် အပူၤ ကိးနံၤသ့၀ဲလီၤႉ