ဖဲတံၣ်အါ (Tနန ၢညည) ဒိးန့ၢ်နီၢ်ခိဂံၢ်Bတီဆၢတၢ်ဆါ‚ တၢ်ဆါလၢ အမၤဂံၢ်စၢ် ပထူၣ်ပပျၢ် ခဲလၢာ် ဒီးဘူးတ့ၢ်မးလၢအကသံန့ၣ်‚ အ၀ဲသ့ၣ်ညါနီၣ်၀ဲလၢ ပသါကလံၤကန့ၢ်အဂီၢ်န့ၣ် မ့ၢ်ဒၣ်တၢ်ဟ့ၣ်လီၤႉ အါန့ၢ်တနွံအတီၢ်ပူၤ‚ စဲးဖီကဟၣ်ဘၣ်ဆီၣ်နုာ်ကလံၤဆူ အသအိပူၤကိးစဲးကီးဒဲး‚ လၢအမ့ၢ်တၢ်ယါဘျါလၢ အတမုာ်ဒိၣ်မးလီၤႉ
တံၣ်အါ အိၣ်မုာ်ထီၣ်က့ၤလီၤလိၢ်လီၤလး‚ ဒီးတနံၤအံၤ အ၀ဲဟ့ၣ်ပလီၢ်က့ၤ အသးလၢ မ်အသုတကဒူးကဒ့ၣ်တၢ်လၢ သးသမူအတၢ်တၤတဖၣ် အဖီခိၣ်တဂ့ၤလီၤႉ အ၀ဲတဲလီၤက့ၤအသးလၢ ‘ယကသါတၢ်သါလၢအယိာ်ဒီး စံးဘျုးယွၤလၢ ယသါန့ၢ် အဃိ’လီၤႉ
ပကအိၣ်ဒီးတၢ်သးစၢၢ်ဆၢလၢတၢ်လၢပလိၣ်‚ မ့တမ့ၢ် တၢ်လၢပအဲၣ်ဒိးဒီး သးပ့ၤနီၣ်လၢ တဘျီတခီၣ် တၢ်အဆံးကတၢၢ်လၢ ပတၢ်အိၣ်မူပူၤတဖၣ် ကဲထီၣ် တၢ်လီၤလးအဒိၣ်ကတၢၢ်သ့၀ဲန့ၣ် ညီထဲလဲၣ်ႉ လၢ၀ံယဃ့းစက့လး အတၢ်ထံၣ်လၢညါပူၤ (ယဃ့း ၃၇း၁-၁၄) ‚ ကစၢ်ယွၤဒုးနဲၣ်၀ံန့ၣ် လၢထဲဒၣ် အ၀ဲဧိၤမ့ၢ်ပှၤလၢ အဟ့ၣ် တၢ်မူ ဆူဃံလၢအဃ့ထီတဖၣ်သ့၀ဲလီၤႉ ဖဲထူၣ်ပျၢ်တဖၣ်‚ တၢ်ညၣ်ဒီးဖံးတဖၣ် ဟဲဖျါထီၣ်၀ဲဒၣ်လဲာ်‚ ‘‘တၢ်အသါတအိၣ်ဘၣ်လၢအပူၤဘၣ်’’ (း၈) ႉ ဖဲလၢကစၢ်ယွၤ ဟ့ၣ်အ၀ဲသ့ၣ်လၢ တၢ်သါန့ၣ်မး‚ အ၀ဲသ့ၣ်မူကဒီးသ့၀ဲန့ၣ်လီၤ (း၁၀) ႉ
တၢ်ထံၣ်လၢညါအံၤ ပာ်ဖျါထီၣ်ယွၤအတၢ်အၢၣ်လီၤလၢ ကဘှီဘၣ်မၤဂ့ၤ ထီၣ်က့ၤ အံၣ်စရၠာစး့လးလၢတၢ်ဟးဂူာ်ဟးဂီၤအပူၤလီၤႉ တၢ်န့ၣ်ဟ့ၣ်ပလီၢ်စ့ၢ်ကီးယၤလၢ ကယဲၢ်တၢ်လၢအအိၣ်ဒီးယၤဒိၣ်ဂ့ၤဆံးဂ့ၤန့ၣ် မ့တမ့ၢ် လၢယွၤဟ့ၣ်ယၤ တၢ်သါဘၣ် အဃိဒီး မ့ၢ်တၢ်တဂိာ်တသီၣ်တဖၣ်လီၤႉ
တၢ်စံးဘျုးကစၢ်ယွၤလၢ တၢ်ဆိၣ်ဂ့ၤယိယိကတၢၢ်လၢ ပတၢ်အိၣ်မူ တနံၤအံၤအဂီၢ် နကပာ်နသးဒ်လဲၣ်ႉ လၢကိးနံၤပတၢ်ဂုာ်ကျဲးစၢးအပူၤ‚ မ်ပကအိၣ် ကတီၢ် တဘျီတဘျီ‚ လၢပကဟံးန့ၢ်တၢ်သါအယိာ်တဘီ‚ ဒီးစံး ‘‘မ်ကယဲၢ်တၢ်အသး စံးထီၣ်ပ့တၢၤယွၤတက့ၢ်’’ (စံး ၁၅၀း၆) ႉႉႉ န့ၣ်တက့ၢ်ႉ