ၣ်လနမ အ့န ှ ူ့ငညန မ့ၢ်ပှၤပတီၢ်မုၢ်တၢ်သံကျံအက့ှူၢ်ဖိတက့ှူၢ်‚ လၢအဟံးန့ၢ် အမံၤ လၢပှၤမၤတၢ်ဖိလၢစဲးဖီကဟၣ်တဖၣ် အိၣ်အလီၢ်က၀ီၤ လၢ၀့ၢ်စ့ၤစ့ၤနၢ်တံၣ်‚ ကီၢ်စဲၣ် အိၣ်ဟါအိၤ န့ၣ်လီၤ အ၀ဲသ့ၣ်သး၀ံၣ်ဘၣ်ဃးဒီး တၢ်ဆီတလဲလၢအအိၣ်ထီၣ်တနံၣ် ဘၣ်တနံၣ်လၢ ၀့ၢ်အံၤအပူၤန့ၣ်လီၤႉ ပှၤဒုးအိၣ်ထီၣ်သဃဲၤ ူငည်သမိ ီနအတနငူနမ တဲဖျါ၀ဲဒၣ် ‘‘တဘျီလၢ်လၢ်ဖဲပဒိးန့ၢ်ဘၣ် နံၣ်တနံၣ်အမူခိၣ်ဖီနီၢ်နီၢ် အဆိကတၢၢ်အခါန့ၣ်‚ တၢ်သးကလၢၢ်ဘၣ် ဒ်တၢ်အစီအဆှံတမံၤမၤအသးန့ၣ်လီၤႉ လီၤဂာ် ဒ်တၢ်စးထီၣ်အသီ ဖိန့ၣ်လီၤႉ ၀့ၢ်အတၢ်ဟူးတၢ်ဂဲၤတဖၣ် စှၤလီၤ၀ဲဒီး တၢ်ဘရၣ်ထီၣ်ဘှီၣ်ထီၣ်၀ဲလီၤ’’ႉ
နမ့ၢ်လဲၤခီဖျိတ့ၢ်ဘၣ်မူခိၣ်ဖီလီၤအါအါဂီၢ်ဂီၢ်န့ၣ်‚ နကနၢ်ပၢၢ်နဲ အ၀ဲထိၣ်ဂဲၤထီၣ် တၢ်သး၀ံၣ်တယုၢ်သ့၀ဲဒ်လဲၣ်န့ၣ်လီၤႉ တၢ်ဘရၣ်တၢ်ဘှီၣ်လၢ အလီၤထုးသးန့ၣ် အိၣ်ဘျးသဒၢဃာ်ဟီၣ်ခိၣ်‚ ဖဲမူခိၣ်ဖီမၤဘၢဃာ်တၢ်အဃံၣ်အဃူး ဒီးတၢ်၀ါဃးတဖၣ် အခါန့ၣ်လီၤႉ တစိၢ်တလီၢ်အပူၤ‚ တၢ်ခုၣ်အကတီၢ်အတၢ်လ့ၤပျီ ကပီၤထီၣ်၀ဲ‚ ဒီးကွဲမုာ်ပှၤလၢ ပကဆိကမိၣ်တၢ် ဒီးသူၣ်ဖှံသးညီအဂီၢ်လီၤႉ
စီၤအလံဟူၤလၢအမ့ၢ် စီၤယိၤဘးအတံၤသကိးတဂၤ‚ လၢအကအိၣ်သ့ၣ်သ့ၣ် ဒီးတၢ်ထံၣ်လၢအဂ့ၤဘၣ်ဃးဒီးယွၤ‚ တဲဖျါယွၤအတၢ်ဘၣ်တ့ထုးန့ၢ်ပသး ဒ်လဲၣ်အဂ့ၢ် န့ၣ်လီၤႉ အ၀ဲစံး၀ဲဒၣ် ‘‘ဖဲကစၢ်ယွၤဟ့ၣ်လီၤအကလုၢ်န့ၣ် တၢ်လီၤလးသ့ၣ်တဖၣ် မၤအသး’’ (ယိၤဘး ၃၇း၅) န့ၣ်လီၤႉ ‘‘ကစၢ်ယွၤမၤလိာ်မူခိၣ်ဖီလၢ ကလီၤ၀ဲဆူ ဟီၣ်ခိၣ် လိၤ‚ ဒီးဒုးဟဲစူၤလီၤတၢ်ဆူၣ်ဆူၣ်ကလဲာ်လီၤ’’ တၢ်လီၤဘီလီၤမုၢ်ဒ်သိးအံၤ နုာ်လီၤဆူ ပတၢ်အိၣ်မူအပူၤ ဒီးဒုးအိၣ်ထီၣ်တၢ်ဆိကတီၢ်တစိၢ်ဖိလၢ အစီအဆှံန့ၣ်လီၤႉ စီၤအလံၤဟူ စံး၀ဲဒၣ်‚ ‘‘အ၀ဲဒုးဆိကတီၢ်ကွံာ် ပှၤကညီအတၢ်မၤဒီး ဒုးနဲၣ်အ၀ဲသ့ၣ် တၢ်လၢအမၤ၀ဲသ့န့ၣ်လီၤ’’ (း၆-၇) ႉ
တဘျီတခီၣ် န့ဆၢၣ်ဖီၣ်စှီၤ ပတၢ်သးအိၣ်သးစဲလၢ ကျဲလၢအတဘၣ်ပသး န့ၣ်လီၤႉ တၢ်မၤသးဒီးပှၤ မနုၤဂ့ၤမနုၤဂ့ၤ မ့တမ့ၢ် တၢ်မၤအသးလၢ ပခိၣ်ပဃၢၤ မနုၤဂ့ၤ မနုၤဂ့ၤ‚ ကိးဆၢကတီၢ်ဒဲး‚ ကမ့ၢ်ဒၣ်၀ဲလၢ အလီၤဘီလီၤမုၢ်‚ လီၤပျံၤလီၤဖုုး‚ မ့တမ့ၢ် တလီၤသူၣ်ပိၢ်သး၀းန့ၣ် ထိၣ်ဂဲၤထီၣ် ပတၢ်ဘူၣ်ထီၣ်ဘါထီၣ်ယွၤသ့၀ဲလီၤႉ ပှၤကွဲးထါ အသးပူၤန့ၣ် သးသူ၀ဲတၢ်အိၣ်ဘှီၣ်လၢ အစီဆှံန့ၣ်လီၤႉ