ဖဲယမၤပျီကွံာ်ယဖီကရၠာစးၢၢ် ဒ်သိးယကကတဲာ်ကတီၤတၢ်လၢ ကသူၣ်တၢ် ဖဲတၢ်ကိၢ် ထီၣ်သီ အကတီၢ်အဂီၢ်အခါ‚ ယထဲးထုးထီၣ် တၢ်ခုၣ်ကတီၢ်တပှိာ် ဖးဒိၣ်တက့ှူၢ်ႉႉႉ ဒီးယစံၣ်ဖုးထီၣ်ဆူကလံၤကျါန့ၣ်လီၤႉ ဂုၢ်အၢတဘိအိၣ်တဒၢအသးလၢ တပှိာ်အကျါ ဖဲဒၣ်ယစုအဖီလာ်‚ ၁ စုမုၢ်ဒိၣ် ဒီးယကစှီၤဘၣ်အီၤသ့တ့ၢ်၀ဲလၢ တၢ်တပာ်သူၣ် ပာ်သးအပူၤလီၤႉ တုၤမ့ၢ်ယစိာ်ထီၣ်တပှိာ်တက့ှူၢ်တဘျီဃီ ယထံၣ်ဂုၢ်အံၤ အလွဲၢ် အပနီၣ်တဖၣ်‚ ဒီး အနီၢ်ကစၢ်အိၣ်ကွီၤအသးလၢ နီၣ်တဖၣ်အကျါလၢ ယခီၣ်ခံခီ အဘၢၣ်စၢၤန့ၣ်လီၤႉ
ဖဲယခီၣ်တုၤက့ၤကဒီးဆူဟီၣ်ခိၣ်အလိၤ ကအိၣ်စှၤပ့ၣ်အယံၤန့ၣ်‚ ယစံးဘျုး ယွၤလၢ ဂုၢ်တဖျးယၤဘၣ်အဃိန့ၣ်လီၤႉ ဒီးယဆိကမိၣ်ထီၣ်ယဲ မ့ၢ်ယွၤဒီသဒၢတ့ၢ်ယၤ
လၢတၢ်သံခ့သံပှၤလၢ ယတသ့ၣ်ညါလၢအအိၣ်၀ဲတဖၣ်န့ၣ် ပှဲၤဘျီလံလဲၣ်ႉ
ယွၤအံးကွၢ်အပှၤဂီၢ်မုၢ်တဖၣ်လီၤႉ စီၤမိၤဒီး စံးဘၣ်ပှၤအံၣ်စရၠာစးလ့းဖိတဖၣ် တချုးအ၀ဲသ့ၣ်လဲၤနုာ်ဆူ ကီၢ်တၢ်စံးပာ် ဒ်အံၤ‚ ‘‘ဒီးယွၤမ့ၢ်ပှၤလၢ အလဲၤတၢ်လၢ နမဲာ် ညါလီၤႉ အ၀ဲဒၣ်ကအိၣ်ဒီးနၤလီၤႉ တညိကွံာ်ဘၣ်နၤဘၣ်‚ ဒီးတလဲၤသဒၣ်ဘၣ်နၤဘၣ်ႉ ပျံၤတၢ်တဂ့ၤ‚ ဒီးဘၣ်ယိၣ်တၢ်တဂ့ၤ’’ (၅ မိၤ ၃၁း၈) ႉ အ၀ဲသ့ၣ် ထံၣ်ယွၤတသ့ဘၣ်‚ မ့ၢ်နာ်သက့ ဒ်န့ၣ်ဒီး‚ ယွၤအိၣ်ဒီးအ၀ဲသ့ၣ်လီၤႉ
တဘျီတခီၣ် တၢ်အကီအခဲလၢ ပနၢ်တပၢၢ်ဘၣ်တဖၣ် မၤအသးလီၤ‚ ဘၣ်ဆၣ် ပဆိကမိၣ်ထံက့ၤသ့စ့ၢ်ကီး တၢ်အကတီၢ်တဖၣ်ဖဲယွၤအံးကွၢ်ပၢၤဃာ်တ့ၢ်ပှၤ
လၢ ပတသ့ၣ်ညါပာ်သူၣ်ပာ်သးဘၣ်အပူၤန့ၣ် ကအိၣ်အဘျီတဖၣ်အဘျီန့ၣ်လီၤႉ
ယွၤအကလုၢ်ကထါ ဒုးသ့ၣ်နီၣ်ထီၣ်က့ၤပှၤလၢ အတၢ်ကတဲာ်ကတီၤ ကဟု ကယာ်အလၢအပှဲၤန့ၣ် အိၣ်၀ဲလၢ အပှၤဂီၢ်မုၢ်တဖၣ်အလိၤကိးနံၤဒဲးလီၤႉ အ၀ဲန့ၣ် အိၣ်ဒီးပှၤ ထီဘိလီၤ (မး ၂၈း၂၀) ႉ
ဖး လံာ် ၅ မိၤဒီး ၃၁း၁-၈ လံာ်စီဆှံလၢ တနံၣ်အဂီၢ် ၄ မိၤဒီး ၂၈-၃၀ ဒီး မၢ်ကူး ၈း၂၂-၃၈
ယွၤမ့ၢ်ပှၤလၢအလဲၤတၢ်လၢ နမဲာ်ညါလီၤႉ (၅ မိၤ ၃၁း၈)
လံာ်စီဆှံအတၢ်မ့ၢ်တၢ်တီလၢ အမ့ၢ်ယွၤအံးကွၢ်အပှၤဂီၢ်မုၢ်တဖၣ်လီၤန့ၣ် မၤမုာ်နၤဒ်လဲၣ်ႉ
တနံၤအံၤ နတဲဘၣ်အတၢ်တီဒီးနၤအဂ့ၢ်ဆူ မတၤအအိၣ်ကသ့လဲၣ်ႉ
ပၢ်ယွၤလၢအတီတဂၤဧၢ‚ စံးဘျုးဘၣ်နၤလၢ နအံးကွၢ်ယၤကိးနံၤဒဲးအဃိလီၤႉ ၀ံသးစူၤဟ့ၣ်လၢ်ယၤ
တၢ်ဘျုးတၢ်ဖှိၣ်လၢယကလဲၤတၢ်ဒီးနၤဘူးဘူးတံၢ်တံၢ် လၢကယဲၢ်တၢ်လၢယမၤအပူၤတနံၤအံၤတက့ၢ်ႉ
Our Daily Bread Topics:
odb