ဒ်အမ့ၢ်တီၤဘျီကၠိဖိတဂၤလၢ အပှဲၤဒီးဂံၢ်သဟီၣ်အသိးန့ၣ်‚ ယဖိခွါစၤဘံယၤ ပဒ့ၣ် ဟးဆှဲး၀ဲ မုၢ်ဃ့ၢ်လီၤတၢ်အိၣ်ဖှိၣ်အကတီၢ်န့ၣ်လီၤႉ တၢ်အိၣ်ဘှီၣ်န့ၣ် ဒုးအိၣ်ထီၣ် တၢ်မံတစိၢ်ဖိလၢ အ၀ဲလိၣ်ဘၣ်အါမးန့ၣ်လီၤႉ ဘၣ်ဆၣ် အ၀ဲတအဲၣ်ဒိးမံ၀ဲဘၣ်ႉ အဃိ‚ အ၀ဲ၀ံာ်ပကံး၀ံာ်ပကးအသးလၢ အလီၢ်ဆ့ၣ်နီၤအလိၤ‚ ထိၣ်သဖှူးလီၤအသးလၢ ခးကပုာ်‚ ဃ့ၢ်ဟးထီၣ်ခ@သဒံးလၢ သ့ၣ်ဘၣ်ခိၣ်လိၤဒီး ထွၣ်တလ့ၣ်အသးဒၣ်လဲာ်ဆူ ဒၢးအဘးခီတကပၤ‚ ဒ်သိးအကပဒ့ၣ်ပူၤဖျဲးလၢ တၢ်အိၣ်ဘှံးအိၣ်သါအဂီၢ်လီၤႉ ဒီး စံး၀ဲ ‘‘မိဧၢ‚ ယသၣ်၀ံၤ‚ႉႉႉ ယအဲၣ်ဒိးအီထံႉႉႉ တၢ်မိၣ်လဲၤဟးတၢ်လီၢ်ခံႉႉ ဖိးဟုယၤ’’ န့ၣ်လီၤႉ
ယသ့ၣ်ညါတၢ်အိၣ်ဘှီၣ်အဘျုးတဖၣ်အဃိ‚ ယမၤဂၢၢ်အီၤ ခီဖျိ ယကိးဃီၤ အီၤဒီး ဖိးဟုဃာ်အီၤန့ၣ်လီၤႉ အ၀ဲသန့ၤလီၤဆူယအိၣ်ဒီးမံဘၣ်သးန့ၣ်လီၤႉ
ယတၢ်အိၣ်မူ ဘၣ်ဃးဒီးသူၣ်ဂ့ၢ်သးကျိၤလၢအဆိအခါန့ၣ် လီၤဂာ်ဒီး ယဖိခွါ အတၢ်ဆၢဟူးဂဲၤထီဘိန့ၣ်လီၤႉ ယတၢ်မၤမ့ၢ်အါဒီး‚ ယသးကလၢၢ်ဘၣ် ဒ်ယဘၣ် တၢ်တူၢ်လိာ်ယၤ‚ ယမ့ၢ်ပှၤအကါဒိၣ်ဒီးပၢၤတၢ်န့ၢ်တဂၤဒီး တၢ်သီၣ်တၢ်သဲ ထုးယံၤ ယသးလၢ တၢ်သူၣ်ကိၢ်သးဂီၤဘၣ်ဃး ယတၢ်ဂံၢ်စၢ်ဘါစၢ်တဖၣ် ဒီးတၢ်မၤကွၢ်တဖၣ် န့ၣ်လီၤႉ တၢ်ဟ့ၣ်ဆၢဟ့ၣ်ကတီၢ်လၢတၢ်အိၣ်ဘှံးအဂီၢ်န့ၣ် ကဲထီၣ်ဒၣ် တၢ်မၤဂၢၢ် မၤကျၢၤ ယတၢ်ဂံၢ်စၢ်ဘါစၢ် ဒ်ပှၤကညီတဂၤအသိးန့ၣ်လီၤႉ အဃိ ယပဒ့ၣ်ဟးဆှဲး တၢ်အိၣ်ဘှီၣ်ကလာ်‚ ဒီးယဆိကမိၣ်ဒ့ဒီလၢ ယမ့ၢ်တမၤစၢၤဘၣ်န့ၣ်‚ ယွၤမၤတၢ်တသ့ ဘၣ်န့ၣ်လီၤႉ
ဘၣ်ဆၣ် တၢ်ကီတၢ်ခဲဒီး တၢ်တဂၢၢ်တကျၢၤတဖၣ် အိၣ်၀းတရၠာစးံးပှၤ ထဲလဲၣ် ဂ့ၤထဲလဲၣ်ဂ့ၤ‚ ယွၤမ့ၢ်ပတၢ်အိၣ်တဒၢအလီၢ်လီၤႉ ကျဲလၢပမဲာ်ညါကဖျါယံၤ‚ လီၤပျံၤ‚ မ့တမ့ၢ် ကဆူၣ်နးမးလီၤႉ ဘၣ်ဆၣ် ယွၤအတၢ်အဲၣ်ဘိၣ်ဘံဃာ် ပှၤလီၤႉ အ၀ဲနၢ်ဟူပှၤ‚ စံးဆၢပှၤအိၣ်ဒီးပှၤ‚ ခဲအံၤဒီးဆူညါအစိၤစိၤအဃၣ်ဃၣ်ဆူ တၢ်မူအထူအယိာ်န့ၣ်လီၤ (စံး ၉၁) ႉ
ပတူၢ်လိာ်မုာ် တၢ်အိၣ်ဘရၣ်အိၣ်ဘှီၣ်ဒီး သန့ၤပသးလၢ ယွၤအတၢ်အဲၣ်လၢ အတလီၤတိၢ်ဘၣ် ဒီးအတၢ်အိၣ်ဒီးပှၤထီဘိတဘိယူၢ်ဃီအလိၤသ့၀ဲလီၤႉ ပအိၣ် ဃိကလာ်ဒီးအိၣ်ဘှံးလၢ ယွၤအပူၤသ့၀ဲ‚ အဂ့ၢ်ဒ်အံၤ ပအိၣ်ပူၤဖျဲးဘံၣ်ဘၢလၢ ယွၤ အတၢ်တီဒီးပှၤအဂၢၢ်အကျၢၤအတၢ်ဒီသဒၢအဖီလာ်အဃိန့ၣ်လီၤ (း၄) ႉ