မဲးကံၢ်ဖၢၣ်ကဲးစၢၣ် ကွဲးတၢ်ဂ့ၢ်အံၤ လၢ ‘အံၣ်ခီနမံး မဲးကစံ’ ဖဲ ၁၈၄၃ ဒ် ‘‘တၢ်လီၤဖုး သံပျီၢ်သံ လၢအဒိၣ်န့ၢ်ဒံး တၢ်တအိၣ်ဒီးဟံၣ်လၢတၢ်ကအိၣ်ဆိး‚ တၢ်သၣ်၀ံၤလီၤဒိ မ့တမ့ၢ် တၢ်ဆူးတၢ်ဆါအံၤ ကမ့ၢ် တၢ်တူၢ်ဘၣ်တၢ်တမုာ်တလၤ’’ န့ၣ်လီၤႉ အ၀ဲအတၢ်ဂ့ၢ်လၢအကါဒိၣ်တခီ မ့ၢ်တၢ်မနုၤန့ၣ်လဲၣ်ႉ မ့ၢ်ဒၣ် တၢ်ဘၣ်အိၣ်သယုၢ်သညိ ထဲတဂၤဧိၤန့ၣ်လီၤႉ ဖၢၣ်ကဲးစၢၣ် ကွဲးနီၣ် နီၣ်ဂံၢ်လၢအဟဲအါထီၣ်လၢ တၢ်အိၣ်သယုၢ် သညိထဲတဂၤ တၢ်တရၠာစး့လိာ်ဘၣ်ထွဲဒီး ပှၤတဖုဖု မ့တမ့ၢ် ကျိၣ်စ့တၢ်အိၣ်သး‚ စူးကါ တၢ်အဒိတဖၣ်လၢ အမၤစၢ်လီၤသးလၢ မ့ၢ်တၢ်ကလၢၢ်ဘၣ်တၢ်မနုၤလၢ အဖျါလီၤဂာ် ဒီး တၢ်သယုၢ်သညိန့ၣ်လဲၣ်လီၤႉ
တၢ်ကလၢၢ်ဘၣ်တၢ်အိၣ်ဘၣ်ထဲတဂၤဧိၤအံၤ တမ့ၢ်တၢ်အသီလၢ ပစိၤပဆၢ ကတီၢ်န့ၣ်ဘၣ်ႉ နီၢ်နီၢ်‚ တၢ်တူၢ်ဘၣ် တၢ်အိၣ်ထဲတဂၤဧိၤ သီၣ်ဆၢကဒါက့ၤ လံာ်ကဘျံး လၢလံာ်စီဆှံအလီၢ်လံၤလၢ အမ့ၢ်လံာ်စံၣ်တဲၤတဲလီၤတၢ်န့ၣ်လီၤႉ တလီၢ်လီၢ်‚ တၢ်ပာ်ဖျါထီၣ် သူးသ့ၣ်ကံၢ်စီဒ်စီၤပၤ့ှှလိၤမိၤ‚ လံာ်အံၤ ဖီၣ်န့ၢ်တၢ်သးအုးဆူ ပှၤလၢ အဖျါလၢ တၢ်အခီပညီတအိၣ်နီတမံၤလၢ တၢ်ရၠာစး့လိာ်မုာ်လိာ်သး (၄း၇-၈) န့ၣ်လီၤႉ ပှၤကတိၤ တၢ်သူၣ်အုးသးအုးလၢတၢ်ထူးထီၣ်တီၤထီၣ်ဒၣ်ကယၢာ်‚ တၢ်ကလဲၤခီဖျိဘၣ်လၢ တၢ်အံၤ အိၣ်ဒီးအလုၢ်အပရၤ‚ မ့ၢ်လၢပှၤတအိၣ်နီတဂၤလၢ ကနီၤဟ့ၣ်ဘၣ်တၢ်အံၤ န့ၣ်လီၤႉ
ဘၣ်ဆၣ်‚ ဖဲအံၤ ပှၤကတိၤတၢ်ပာ်ပနီၣ်တၢ်ဃံတၢ်လၤလၢ တၢ်ရၠာစး့တံၤ ရၠာစး့သကိး‚ ကွဲးဖျါထီၣ်၀ဲလၢ တံၤသကိးတဖၣ် အတၢ်မၤစၢၤနၤ ဒုးကဲထီၣ်လိၣ်ထီၣ်တၢ် အါန့ၢ်ဒံး နမၤန့ၢ်တၢ်လၢနကစၢ်ဒၣ်နဲ (း၉) ‚ တံၤသကိးဟ့ၣ်ထီၣ် တၢ်မၤစၢၤ ဖဲနလိၣ်ဘၣ် တၢ်အကတီၢ် (း၁၀) ‚ ပှၤခံဂၤဟ့ၣ်ထီၣ်တၢ်မၤမုာ်ထီၣ်တၢ် (း၁၁) ‚ ဒီးတံၤသကိး မၤပှဲၤ တၢ်ဒီတဒၢတၢ်လၢ တၢ်အိၣ်သးကီခဲတဖၣ် (း၁၂) လီၤႉ
တၢ်အိၣ်သယုၢ်သညိထဲတဂၤ မ့ၢ်တၢ်တမံၤလၢတၢ်ဘၣ်ဂုာ်ကျဲးစၢးဟူးဂဲၤ နီၢ်နီၢ်န့ၣ်လီၤႉ ကစၢ်ယွၤ တ့လီၤပာ်လီၤပှၤဆူ တၢ်ကဟ့ၣ်ထီၣ်ဒီး ဒိးန့ၢ် တၢ်ဘျုးလၢ တၢ်ရၠာစး့တံၤရၠာစး့သကိးဒီး ပှၤလၢအအိၣ်လၢလီၢ်တ၀ီၤဃီန့ၣ်လီၤႉ နမ့ၢ်ကလၢၢ်ဘၣ်လၢ နအိၣ်သယုၢ်သညိထဲတဂၤ‚ ဃ့ထုကဖၣ်လၢ ကစၢ်ယွၤကမၤစၢၤနၤလၢ တၢ်ကဆဲးကျိး ဘၣ်ထွဲဒီးပှၤဂၤ‚ လၢအပှဲၤဒီးတၢ်အခီပညီအကံၢ်အစီအိၣ်၀ဲန့ၣ်တက့ၢ်ႉ ဖဲအကတီၢ်အ၀ဲ န့ၣ်‚ ဃုထံၣ်တၢ်ဟ့ၣ်ဂံၢ်ဟ့ၣ်ဘါလၢ တၢ်မ့ၢ်တၢ်တီနီၢ်နီၢ်လၢ ပှၤစူၢ်က့ၤနာ်က့ၤတၢ်အံၤ‚ တမ့ၢ်ပှၤအိၣ်ဘၣ်ထဲတဂၤနီတစု မ့ၢ်လၢကစၢ်ယ့ၣ့်ှှူးအသးစီဆှံအံၤ အိၣ်ဒီး ပှၤထီဘိန့ၣ်တက့ၢ် (မးသဲ ၂၈း၂၀) ႉ