ဖဲယ၀ၤဒီးယၤ ပကတဲာ်ကတီၤသးလၢ ပကလဲၤဆူ ထံဂုၤကီၢ်ဂၤအဂီၢ်‚ ယအဲၣ်ဒိး မၤလီၤတံၢ်တၢ်လၢ ပပၢၤဃာ် တၢ်ဆဲးကျိးဒီး ပဖိတဖၣ်လၢအဒိၣ်ထီၣ်လံတဖၣ် န့ၣ်လီၤႉ ယထံၣ်န့ၢ်တၢ်ဟ့ၣ်လီၤဆီတခါလၢ အမ့ၢ် တၢ်ဒီတံၤဒီသကိးအမ့ၣ်အူဒၢတဖၣ် လၢဆဲးကျိးတၢ်လၢအ့ၣ်ထၢၣ်နဲးလၢ တၢ်အိးထီၣ်အီၤသ့စ့ၢ်ကီးလၢ တၢ်လီၢ်လၢ တၢ်ဒ့ၣ်စၢၤဖးယံၤန့ၣ်လီၤႉ ဖဲယဟ့ၣ် မ့ၣ်အူဒၢဖိ ဆူယဖိတဖၣ်အအိၣ်‚ ယဆှဲဖျါန့ၢ် အ၀ဲသ့ၣ် လၢအ၀ဲသ့ၣ်အမ့ၣ်အူကကပီၤထီၣ် ဖဲယအိးထီၣ်ယမ့ၣ်အူဒၢလၢကမၤကပီၤထီၣ်ဒီး တၢ်အံၤမ့ၢ် တၢ်ကဒုးသ့ၣ်နီၣ်ထီၣ်အ၀ဲသ့ၣ်လၢ ယတၢ်အဲၣ်တၢ်ကွံ ဒီးတၢ်ထုကဖၣ်န့ၢ် တၢ်လၢ အ၀ဲသ့ၣ်အဂီၢ်ထီဘိန့ၣ်လီၤႉ တၢ်ဒ့ၣ်စၢၤ မ့ၢ်ယံၤထဲလဲၣ် အတွးတအိၣ်‚ အ၀ဲသ့ၣ် အမ့ၣ်အူဒၢဖိတဖၣ် ကကပီၤထီၣ် လၢပဟံၣ်အပူၤန့ၣ်လီၤႉ ဖဲလၢပမ့ၢ်သ့ၣ်ညါလၢ ကမၤပှဲၤပတၢ်အိၣ်ဆိးသကိးအတၢ်ဘၣ်ထွဲ မ့ၢ်တအိၣ်နီတမံၤ ဘၣ်ဆၣ်‚ ပဘၣ်တၢ်ဟ့ၣ်ဂံၢ်ဟ့ၣ်ဘါပှၤ ခီဖျိတၢ်သ့ၣ်ညါလၢ ပဘၣ်တၢ်အဲၣ်ပှၤဒီး တၢ်ဃ့ထုကဖၣ်လၢ ပဂီၢ် ဖဲပမ့ၣ်အူဒၢကပီၤထီၣ်န့ၣ်လီၤႉ
ကစၢ်ယွၤအဖိကိးဂၤ အိၣ်ဒီးခွဲးယာ်လၢကကဲထီၣ် ပှၤလၢနီၤဟ့ၣ်တၢ်ကပီၤ ခီဖျိသးစီဆှံအစိကမီၤန့ၣ်လီၤႉ ပဘၣ်တၢ်တ့ပှၤ ဒ်တၢ်ကပီၤအယံၤတဖၣ်လၢ ယွၤ အတၢ်မုၢ်လၢ်အထူအယိာ် ဒီးတၢ်အဲၣ်တခီတၢၤန့ၣ်လီၤႉ ဖဲပနီၤဟ့ၣ် တၢ်သးခုကစီၣ်ဒီး မၤတၢ်လၢ ပှၤဂၤအဂီၢ် လၢယ့ၣ့်ှှူးအမံၤ‚ ပကဲထီၣ် တၢ်ကပီၤဖိတဖၣ်လၢ အကပြူၢ် ကပြီၤ ဒီးတၢ်အုၣ်သးလၢအမူတဖၣ်န့ၣ်လီၤႉ တၢ်မၤဂ့ၤကိးမံၤ‚ တၢ်အဲၣ်အတၢ်နံၤကမှံ‚ တၢ်ဟ့ၣ်ဂံၢ်ဟ့ၣ်ဘါ တၢ်ကတိၤအကပုာ် ဒီးတၢ်ထုကဖၣ်လၢသးဒီဖျၢၣ် ဒုးအိၣ်ထီၣ် မုၢ်တၢ်ကပီၤအယဲၤတဘိလၢ အဒုးသ့ၣ်နီၣ်ထီၣ် ကစၢ်ယွၤအတၢ်သးတီ ဒီးတၢ်အဲၣ် တခီတၢၤ ဒီးတၢ်အဲၣ်တၢ်ကွံလၢ အဆီတလဲ ပတၢ်အိၣ်မူ (မးသဲ ၅း၁၄-၁၆) န့ၣ်လီၤႉ
တၢ်လီၢ်တတီၤဂ့ၤတတီၤဂ့ၤ ဖဲကစၢ်ယွၤဆှၢပှၤ ဒီးဒုးမၤပှၤအတၢ်မၤဒ်လဲၣ်‚ ပဘၣ်တၢ်စူးကါပှၤသ့လၢအီၤ ဒ်သိးပတၢ်ကမၤစၢၤပှၤဂုၤပှၤဂၤ လၢတၢ်ဒုးကပီၤထီၣ် အ၀ဲ အတၢ်ကပီၤန့ၣ်လီၤႉ ဒ်ကစၢ်ယွၤ ဆှၢပှၤလၢအသးစီဆှံ‚ အ၀ဲမၤပှဲၤပှၤဒီး တၢ်ကပီၤ နီၢ်နီၢ်အသိး‚ မ်ပကပီၤထီၣ်ဆၢက့ၤတၢ်ကပီၤ ဒီးတၢ်အဲၣ်တၢ်ကွံလၢအမဲာ်ညါတက့ၢ်ႉ