ဖဲကသံၣ်သရၠာစးၣ်တဖၣ် နဲၣ်ဖျါထီၣ် တၢ်ဆါကလုာ်လီၤတံၢ်လီၤဆဲးလၢ အ၀ဲသ့ၣ် အဖိခွါ၀ဲၢ်ကိ ဃုာ်ဒီး အီၣ်တံၣ်စၢၣ် (သးတၢ်အိၣ်သးတမံၤ လၢပှၤတဂၤဘၣ်ထွဲ ဒီးပှၤဂုၤပှၤဂၤ (မ့) ရၠာစး့လိာ်သးဒီးပှၤဂုၤပှၤဂၤတသ့) န့ၣ် ဒၣ်ယါနံၣ် ဒီးခိၣ်ခ့ (မ) ဒီးအ၀ၤကွၢ်ဆၢၣ်မဲာ်ဘၣ် တၢ်သးအုး လၢသးသမူတစိၤလၢ ကဘၣ်ကဟုကယာ်အဖိခွါဖိလၢ တဆူၣ်တခ@တဂၤအံၤန့ၣ်လီၤႉ လၢအ၀ဲအလံာ်လၢ‘‘တၢ်စူၢ်တၢ်နာ်လၢ အလီၤကလဲကွံာ်တသ့’’‚ အ၀ဲအၢၣ်လီၤ၀ဲ လၢအဘၣ်ဂုာ်ကျဲးစၢးဟူးဂဲၤ ဃုာ်ဒီးတၢ်မၤဘၣ်လိာ်က့ၤ အ၀ဲသ့ၣ်အတၢ်မံမီၢ် ဒီးတၢ်မုၢ်လၢ်တဖၣ် လၢဖိခွါဖိလၢအအဲၣ်ဘၣ်၀ဲအခါဆူညါ န့ၣ်လီၤႉ ဘၣ်ဆၣ်‚ တၢ်လဲၤခီဖျိလၢတၢ်တူၢ်ဘၣ်တၢ်အံၤ အတၢ်လဲၤသးတဆီဘၣ်တဆီ‚ မၤလိန့ၢ်တၢ်လၢ‚ ကစၢ်ယွၤဟံးဃာ်ပၢၤဃာ် အ၀ဲသ့ၣ်အတၢ်သးထီၣ်‚ တၢ်သးဒ့ဒီ ဒီးတၢ်ပျံၤတၢ်ဖုးတဖၣ် သ့၀ဲန့ၣ်လီၤႉ အခဲအံၤ‚ ဃုာ်ဒီး အ၀ဲသ့ၣ်အဖိခွါလၢအဒိၣ်တုာ်‚ ဒၣ်ယါနံၣ် စူးကါတၢ်လဲၤခီဖျိတဖၣ် ဒ်သိး ကဟ့ၣ်ဂံၢ်ဟ့ၣ်ဘါမိၢ်ပၢ်လၢ အအိၣ်ဒီးဖိလၢအလိၣ်ဘၣ် တၢ်လီၤလီၤဆီဆီတဖၣ် န့ၣ်လီၤႉ အ၀ဲတဲဘၣ် ပှၤဂုၤပှၤဂၤတဖၣ်လၢ ကစၢ်ယွၤအတၢ်အၢၣ်လီၤလၢ အတဟးဂီၤနီတဘျီ တဖၣ်‚ အစိကမီၤလၢ တၢ်ပတုာ်အီၤတသ့ ဒီးတၢ်သးတီလၢ အလီၤအဲၣ်လီၤကွံတဖၣ်လီၤႉ အ၀ဲဒုးသ့ၣ်ညါလီၤတံၢ် ပှၤဂုၤပှၤဂၤတဖၣ်လၢ ယွၤဟ့ၣ်ပှၤတၢ်ပျဲ ဒ်သိးပကသးအုး ဖဲပလဲၤ ခီဖျိဘၣ်တၢ်မံမီၢ်လၢ အမၤကတၢၢ်ကွံာ်‚ တၢ်မုၢ်လၢ်တမံၤ‚ ကျဲတဘိမ့တမ့ၢ် တၢ်အကတီၢ် လၢသးသမူအပူၤန့ၣ်လီၤႉ
ဖဲ၀ံယ့ှှါယၤ ၂၆ အပူၤ‚ ၀ံယ့ှှါယၤပာ်ဖျါထီၣ်လၢ ယွၤအပှၤဂီၢ်မုၢ်တဖၣ် နာ်န့ၢ် ယွၤသ့၀ဲလီၤစိၤလီၤထီ‚ ‘‘အဂ့ၢ်ဒ်အံၤ‚ လၢကစၢ်ယွၤအပူၤန့ၣ် လၢၢ်အထူအယိာ် အိၣ်၀ဲ တဖျၢၣ်လီၤ’’ (း၄) ႉ အ၀ဲဟ့ၣ်ပှၤ တၢ်ဃူတၢ်ဖိး လၢအလဲၤတလၢကွံာ် နှဆၢၣ်လၢ တၢ်အိၣ် သးကိးမံၤ အဖီခိၣ် (း၁၂) သ့လီၤႉ တၢ်ပညိၣ်တၢ်ဆူ အ၀ဲအသကဲာ်ပ၀းလၢ အတဆီတလဲ
ဒီးတၢ်ကိးထီၣ်တၢ်ဆူအအိၣ် ဖဲတၢ်ကီတၢ်ခဲအကတီၢ်တဖၣ်‚ မ့ၢ်လၢအမၤဆူၣ်ထီၣ် ပတၢ်မုၢ်လၢ် (း၁၅) န့ၣ်လီၤႉ
ဖဲပကွၢ်ဆၢၣ်မဲာ်ဘၣ် တၢ်လီၤမၢ်‚ တၢ်သးဟးဂီၤ မ့တမ့ၢ် တၢ်အိၣ်သးကီခဲ တမံၤမံၤန့ၣ် ယွၤကွဲမုာ်ပှၤလၢ ပကအိၣ်ဒီးတၢ်သးတီဒီးအီၤန့ၣ်လီၤႉ အ၀ဲပၢၤဃာ်ဟံးဃာ် ပသးအတၢ်ဟူးတၢ်ဂဲၤလၢ အဆီတလဲထီဘိဒီး ပတၢ်သံကွၢ်တဖၣ်န့ၣ်လီၤႉ အ၀ဲအိၣ်ဆိး ဒီးပှၤ ဒီးမၤပှဲၤက့ၤ ပသးအဂံၢ်အဘါ ဃုာ်ဒီး တၢ်မုၢ်လၢ်ထီဘီန့ၣ်လီၤႉ တုၤဒၣ်လဲာ်လၢ ပမ့ၢ် ကွၢ်ဆၢၣ်မဲာ်ဘၣ်တၢ်‚ ဒ်ပတၢ်အိၣ်မူ ဟးဂူာ်ဟးဂီၤကွံာ်န့ၣ် ကစၢ်ယွၤမၤက့ၤ ပတၢ်စူၢ်တၢ်နာ်လၢ အလီၤကလဲကွံာ်တသ့န့ၣ်သ့၀ဲလီၤႉ