ဖဲယအိၣ်ခိးတၢ်လၢ တၢ်အီၣ်တၢ်အီလၢအဘၣ်တၢ်ပာ်လီၤလၢစီၢ်နီၤခိၣ်လၢပှၤ ဟံးန့ၢ် အီၣ်လၢပှၤအကစၢ်ဒၣ်၀ဲသ့လၢ ခရၠာစးံာ်ဖိခီဖရၠာစးဲး၀ဲၤလီၢ်တခါကတီၢ်‚ ပိာ်မုၣ်တဖု ဟဲနုာ် လီၤဆူ တၢ်အီၣ်မ့ၤအလီၢ်န့ၣ်လီၤႉ ယနံၤကမှံထီၣ်ဒီး စံးဘၣ်ပိာ်မုၣ်တဂၤလၢ ‘ဟဲလိၣ်’ ဖဲအဆၢထၢၣ်လၢယလီၢ်ခံန့ၣ်လီၤႉ လၢတၢ်မၤဆၢက့ၤ ယတၢ်ဆၢဂ့ၤဆၢ၀ါ‚ အ၀ဲစံးဘၣ် ယၤလၢ‚ ‘ယသ့ၣ်ညါနၤလီၤ’ႉ ပတၢၤနုာ်ဆီဒံၣ်တဖၣ်လၢပလီခီပူၤဒီး ဂုာ်ကျဲးစၢး ဆိကမိၣ် လၢမ့ၢ်ပထံၣ်သ့ၣ်ညါလိာ်ပသးလၢ တၢ်လီၢ်မတၤန့ၣ်လဲၣ်လီၤႉ ဘၣ်ဆၣ်‚ ဖျါလၢ အလီၤတံၢ်ဘၣ်ယၤလၢ အ၀ဲကမၣ်ယၤ ဒီးပှၤတဂၤဂၤန့ၣ်လီၤႉ
ဖဲပဟဲက့ၤကဒါက့ၤ လၢမုၢ်ဆါတၢ်အီၣ်ကတီၢ်‚ ပိာ်မုၣ်အံၤ ဟဲသုးဘူးသးဆူ ယအိၣ်ဒီး သံကွၢ်ယၤလၢ ‘‘န၀ီသိလ့ၣ်အ၀ါတဆိဧါ’’/ ယသံးထီၣ်ယဖံနါခိၣ်ဒီးစံးဆၢက့ၤအီၤလၢ‚ ‘‘မ့ၢ်လီၤ လၢပူၤကွံာ်အနံၣ်တဖၣ် န့ၣ်လီၤ’’
အ၀ဲနံၤထီၣ်၀ဲလီၤႉ အ၀ဲစံးဘၣ်ယၤလၢ‚ ‘‘ပဆိကတီၢ် ပသိလ့ၣ် ဖဲတၢ်လီၢ်လၢ သိလ့ၣ် ဘၣ်အိၣ်ပတုာ်လၢတီၤဖုၣ်ကၠိအမဲာ်ညါကိးဂၤ ဃၣ်ဃၣ်လီၤႉ ထီဘိ‚ နယူာ်ထီၣ် နစုဒီး သး၀ံၣ်တၢ်လၢတၢ်သးခုအပူၤန့ၣ်လီၤႉ ယဆိကမိၣ်လၢ နဘူၣ်ထီၣ်ဘါထီၣ် ကစၢ်ယွၤလီၤႉ တၢ်အ၀ဲန့ၣ် ဒုးကဲထီၣ်ယၤလၢ ယကမၤဘၣ်တၢ်ဒ်သိးနၤအသိး‚ တုၤဒၣ်လဲာ် လၢ နံၤသီကီခဲတဖၣ်န့ၣ်လီၤ’’ႉ ပစံးထီၣ်ပ့တၢၤယွၤ‚ ဃ့ထုကဖၣ်သကိး‚ ဖိးဟုလိာ်သး ဒီးအီၣ်သကိးမုၢ်ဆါအတၢ်အီၣ်လၢတၢ်သးခုအပူၤလီၤႉ
ယတံၤသကိးအသီသံၣ်ဘှဲမၤဂၢၢ်မၤကျၢၤတၢ်လၢ ပှၤကညီတဖၣ် ပာ်သူၣ်ပာ်သးဘၣ်လၢ ပှၤလၢအပိာ်ကစၢ်ယ့ၣ့်ှှူးအခံတဖၣ် မၤတၢ်ဒ်လဲၣ်‚ ဖဲလၢပမ့ၢ်ဆိကမိၣ်လၢ ပှၤတအိၣ်နီတဂၤ‚ လၢအကွၢ်ပှၤဒၣ်လဲာ်န့ၣ်လီၤႉ ဒ်ပဖိးဃာ်တၢ်အိၣ်မူမၤတၢ်တမံၤလၢ တၢ်ဘူၣ်ထီၣ်ဘါထီၣ် ယွၤလၢ တၢ်သးခု တကတီၢ်ဂ့ၤ တကတီၢ်ဂ့ၤ ပဟဲဆူ ပတၢ်ဘၣ်တ့ ကစၢ်အမဲာ်ညါသ့ ဒီးလၢတၢ်လီၢ်တတီၤဂ့ၤ တတီၤဂ့ၤန့ၣ်လီၤႉ လၢတၢ်ပာ်ပနီၣ်သ့ၣ်ညါတၢ်လၢအ၀ဲအတၢ်အဲၣ်အထူအယိာ်ဒီး အကလုၢ်တီ‚ ပကသးခုလၢ တၢ်ရၠာစး့လိာ်ဘၣ် ပသးဃုာ်ဒီးအီၤ ဒီးစံးဘျုးအီၤလၢ ကအံးထွဲကွၢ်ထွဲကဒီးပှၤဆူညါ (စံး ၁၀၀) န့ၣ်လီၤႉဖဲလၢပမ့ၢ်သး၀ံၣ် စံးထီၣ်ပ့တၢၤအီၤလၢ ပသိၣ်လ့ၣ်အပူၤမ့ၢ်ဂ့ၤ‚ လၢကမျၢၢ်ဖးဒိၣ် တၢ်ဃ့ ထုကဖၣ် မ့တမ့ၢ် နီၤဟ့ၣ်ယွၤ အတၢ်အဲၣ်ခီဖျိ တၢ်အဲၣ်တၢ်ကွံအတၢ်မၤတဖၣ်မ့ၢ်ဂ့ၤ‚ တၢ်အံၤမ့ၢ်တၢ်မိၤန့ၢ်ထုးန့ၢ် ပှၤဂုၤပှၤဂၤအသး လၢက‘‘စံးထီၣ်ပ့တၢၤအမံၤ’’ (း၄) န့ၣ်လီၤႉ တၢ်ဘူၣ်ထီၣ်ဘါထီၣ်ယွၤ မ့ၢ်တၢ်လၢတၢ်မၤအီၤသ့လၢ အအါန့ၢ်ဒိၣ်န့ၢ်ဒံး မုၢ်အိၣ်ဘှံးနံၤ အမုၢ်ဂီၤတဂီၤန့ၣ်လီၤႉ