ဖဲအသးအိၣ် ၁၇ နံၣ်‚ ဒီ၀့ ဟးထီၣ်လၢအဟံၣ်အပူၤလၢ မံနဲၣ်ဘၢးတၢ်လီၢ်တတီၤလၢ ခ့းထီ‚ အၤြဖံၤကၤကလံၤထံး‚ မ့ၢ်လၢအ၀ဲဟုၣ်တၢ်ဒီး စူူးကါပံၤ၀ါကသံၣ်မူၤဘှိးအဃိ န့ၣ်လီၤႉ အ၀ဲတဟးထီၣ်ယံၤယံၤဘၣ်ႉ အ၀ဲသူၣ်ထီၣ် ဒဲဆံးဆံးဂ့ၤဂ့ၤဖိတဖျၢၣ်လၢ အဒုး၀ဲအခိၣ်လၢဟီၣ်လာ်ပနံၣ်ကိၢ်လိၣ် လၢအမိၢ်အဟံၣ်ကရၠာစးၢၢ်ပူၤ‚ ဒီးတယံာ်ကဲထီၣ်တၢ်လၢ အဘၣ်တၢ်သ့ၣ်ညါ ဒ်ကၣ်စံၣ်နိၣ်‚ တၢ်လီၢ်တခါလၢ ကစူးကါ ကသံၣ်မူၤဘှိးတဖၣ် န့ၣ်လီၤႉ ဘၣ်ဆၣ်‚ ဖဲအသးပှဲၤထီၣ် ၁၉ နံၣ် ဒီ၀့ စူၢ်က့ၤနာ်က့ၤ ကစၢ်ယ့ၣ့်ှှူး ဒ်အတၢ်အုၣ်က့ၤခီၣ်က့ၤကစၢ် အသိးန့ၣ်လီၤႉ အ၀ဲ အတၢ်လဲၤကျဲလၢ တၢ်ကမၤကတၢၢ် ကသံၣ်မူၤဘှိးတဖၣ် မ့ၢ်တၢ်လၢအယံာ်အထၢဒီး တၢ်လီၤဘှံးလီၤတီၤ‚ ဘၣ်ဆၣ် အ၀ဲဒိးန့ၢ်တၢ်မၤကဆှီထီၣ်အီၤလၢ ယွၤအတၢ်မၤစၢၤ ဃုာ်ဒီး တံၤသကိးလၢ အမ့ၢ်ပှၤစူၢ်က့ၤ နာ်က့ၤကစၢ်ယ့ၣ့်ှှူးတဖၣ် အတၢ်ဆီၣ်ထွဲမၤစၢၤန့ၣ်လီၤႉ ဒီးဖဲ ဒီ၀့ တ့ထီၣ် ကၣ်စံၣ်နိၣ်၀ံၤပူၤကွံာ်အနံၣ် ၁၀‚ အ၀ဲဒီး ပှၤဂုၤပှၤဂၤတဖၣ် ဆီတလဲကွံာ်ဒဲအံၤ ဆူဟံၣ်လၢ တၢ်ဘူၣ်ထီၣ်ဘါထီၣ်ကစၢ်ယွၤအလီၢ်န့ၣ်လီၤႉ တဘျီ‚ တၢ်လီၢ်လၢအမ့ၢ် တၢ်ခံးတၢ်နၤ တခါ ဒီးဘၣ်တၢ်Bတီဃာ်န့ၣ် အခဲအံၤကဲထီၣ်တၢ်လီၢ်တတီၤလၢ တၢ်ဘူၣ်ထီၣ်ဘါထီၣ် ကစၢ်ယွၤ ဒီးတၢ်ထုကဖၣ်အဟံၣ်န့ၣ်လီၤႉ
ခိၣ်နၢ်လၢတၢ်ဘါသရၠာစးိာ်အံၤတဖၣ်‚ ကွၢ်တၢ်ဆူ ၀ံယံးရၠာစးမံယၤ ၃၃ လၢ အဘၣ်ထွဲဒီး ကစၢ်ယွၤဟဲစိာ်တၢ်ယါဘျါဒီး တၢ်သူၣ်ထီၣ်က့ၤတၢ်‚ ဆူပှၤဂီၢ်မုၢ် ဒီးတၢ်လီၢ် တၢ်ကျဲတဖၣ်‚ မၤဘၣ်၀ဲလၢ ဒီ၀့ ဃုာ်ဒီး တဘျီကၣ်စံၣ်နိၣ်အသိးန့ၣ်လီၤႉ ၀ံယံးရၠာစးမံယၤ ကတိၤလီၤတၢ်ဆူ ယွၤအပှၤဂီၢ်မုၢ်လၢအဘၣ်တၢ်ဖီၣ်န့ၢ်အီၤတဖၣ်‚ စံးဘၣ်၀ဲလၢ‚ ဖဲလၢ၀့ၢ်အံၤမ့ၢ်တဘၣ်တၢ်ပျဲပူၤကွံာ်ဘၣ်ဆၣ်‚ ကစၢ်ယွၤကယါဘျါက့ၤ အပှၤဂီၢ်မုၢ်ဒီး ‘‘ကသူၣ်ထီၣ်က့ၤအ၀ဲသ့ၣ်’’‚ မၤကဆှီထီၣ်က့ၤအ၀ဲသ့ၣ်လၢ အတၢ်ဒဲးဘး (ယံး ၃၃း ၇-၈) န့ၣ်လီၤႉ ၀ံၤအလီၢ်ခံ‚ ၀့ၢ်အံၤကဟဲစိာ်တၢ်သူၣ်ဖှံသးညီ‚ တၢ်စံးထီၣ်ပ့တၢၤ ဒီးတၢ်လၤကပီၤဆူ အ၀ဲအအိၣ်န့ၣ်လီၤ (း၉) ႉ
ဖဲပဘၣ်တၢ်လ့ပစီလၢ ပကသးဟးဂီၤလၢ တၢ်ဒဲးဘးလၢ အဟဲစိာ် တၢ်သူၣ် သဘှံးသးသဘှံး‚ မ်ပဃ့ထုကဖၣ်ကဒီးဆူညါလၢ ကစၢ်ယွၤကဟဲစိာ် တၢ်ယါဘျါ ဒီး တၢ်မုၢ်လၢ်‚ ဒ်အ၀ဲမၤတ့ၢ်၀ဲလၢမဲနဲၣ်ဘၢးဟံၣ်ကရၠာစးၢၢ်အလီၢ်ခံအသိးဒၣ်လဲာ်န့ၣ်တက့ၢ်ႉ