မ့ၢ်နသ့ၣ်ညါဆီကဆီတဖုအံၤ တၢ်ကိးအီၤဒ်လဲၣ်န့ၣ်ဧါႉ တၢ်အံၤဘၣ်တၢ်ကိးအီၤလၢ တဒိဘိတဘိန့ၣ်လီၤႉ ဘၣ်မနုၤလၢယဘၣ်ကွဲးတၢ်ဂ့ၢ် လၢအဘၣ်ထွဲဒီးဆီကဆီန့ၣ်လဲၣ်ႉ မ့ၢ်လၢနွံကတၢၢ်တနွံ ယက့ၤကဒါက့ၤဆူ ကစၢၢ်ခီၣ်ထံး ဟံၣ်ဆံးဆံးဖိအဃိန့ၣ်လီၤႉတနံၤစုာ်စုာ်‚ ယကမၢကမၣ်ဘၣ်လၢ ဆီကဆီတဖုဟဲဟးထီၣ်လၢပဟံၣ်မဲာ်ညါန့ၣ် လီၤႉ
ယတကွၢ်ထံကွၢ်ဆးဆီကဆီ လၢခါလၢအပူၤကွံာ်နီတစုဘၣ်ႉ အ၀ဲသ့ၣ် ၀ာ်တၢ် ဆူၣ်ဆူၣ်ဒီး အခီၣ်မ့ၣ်တဖၣ်န့ၣ်လီၤႉ ၀ံၤအ၀ဲသ့ၣ်ကွၢ်ဃုတၢ်ဒီး ဖျးလီၤဟီၣ်ခိၣ် လၢအနိးန့ၣ်လီၤႉ ယတယာ်လၢကမ့ၢ်အီၣ် တၢ်တမံၤမံၤန့ၣ်လီၤ (မ့ၢ်လၢတၢ်အံၤမ့ၢ် ယတၢ်သမံသမိးအဆိကတၢၢ်လၢ အဘၣ်ထွဲဒီးဆီကဆီအဃိ‚ တမ့ၢ်တၢ်လၢအဘၣ် မျးကယၤ ၁၀၀ န့ၣ်ဘၣ်) ႉ တၢ်ဒံးဒူးတၢ်လၢအတလီၤသးစဲလၢ တၢ်လီၢ်အ၀ဲန့ၣ်‚ တဖျါလီၤဂာ်လၢ အ၀ဲသ့ၣ်အဟၢဖၢကပှဲၤဒီးတၢ်တမံၤမံၤန့ၣ်ဘၣ်ႉ ဘၣ်ဆၣ်‚ ဆီကဆီ လၢအအိၣ်လၢ အဘ့ၣ်အဆံဘျဲၣ်က၀ီၤတၢ်လီၢ်အံၤဒီးဖျါသးခုန့ၣ်လီၤႉ
ဖဲယကွၢ်ဆီကဆီတဖၣ်လၢ အီၣ်တၢ်အဟၢဖၢပှဲၤကတီၢ်‚ တၢ်အံၤ ဟဲစိာ်န့ၢ် ယၤလၢ တၢ်ဆိကမိၣ်ထီၣ် ကစၢ်ယ့ၣ့်ှှူးအတၢ်ကတိၤတဖၣ် ဖဲလံာ်မးသဲ ၆း၂၆ အပူၤ‚ ‘‘ကွၢ်ထိၣ်ဖိလံၣ်ဖိလၢတၢ်ဖးဖီန့ၣ်တက့ၢ်ႉ အဂ့ၢ်ဒ်အံၤတဖှံတၢ်ဘၣ်ႉ တကူးဘၣ်တၢ်ဘၣ်ႉ တဂၢ်ဖှိၣ်တၢ်လၢ သိၣ်ပူၤဖီပူၤဘၣ်ႉ ဒီးသုပၢ်အိၣ်လၢမူခိၣ် န့ၣ်လုၢ်အိၣ်လုၢ်အီလီၤႉ သု၀ဲဒၣ်အံၤ သုဂ့ၤန့ၢ်အီၤဒိၣ်ဒၣ်တၢ်တက့ၢ် တမ့ၢ်ဘၣ်ဧါ’’ႉ ကစၢ်ယ့ၣ့်ှှူး စူးကါကစၢ်ယွၤအတၢ်ဆီၣ်ထွဲမၤပှဲၤတၢ်လၢ‚ တၢ်လၢအဖျါ လၢအလုၢ်ပရၤတအိၣ် ဒ်ထိၣ်ဖိတဖၣ်လၢ ကဒုးသ့ၣ်နီၣ်ထီၣ်ပှၤလၢ အ၀ဲကဟုကယာ်ပှၤအဂီၢ်န့ၣ်လီၤႉ ဖဲထိၣ်ဖိတဘ့ၣ်အသးသမူ မ့ၢ်အကါဒိၣ်အဃိ‚ ပ၀ဲတခီ‚ အကါတဒိၣ်န့ၢ်တၢ်အံၤဘၣ်ဧါႉ ၀ံၤကစၢ်ယ့ၣ့်ှှူး ပာ်ဖျါထီၣ် ပတၢ်သူၣ်ကိၢ်သးဂီၤလၢ ကိးနံၤအတၢ်လိၣ်တဖၣ် (း၂၇-၃၁) န့ၣ်လီၤႉ ဃုာ်ဒီး တၢ်မူလၢ အ‘ဃုဆိယွၤအဘီမုၢ် ဒီးတၢ်တီတၢ်လိၤ’ (း၃၃) ‚ ပနာ်န့ၢ်ယွၤသ့၀ဲလၢ ကမၤပှဲၤ ဆီၣ်ထွဲတၢ်ထူးထူးတီၤတီၤ‚ လၢပတၢ်လိၣ်ဘၣ်တဖၣ် အဂီၢ်န့ၣ်လီၤႉ ဖဲကစၢ်ယွၤမ့ၢ် ကဟုကယာ်ဆီကဆီအမံၤ တဖၣ်အံၤအဃိ‚ သပှၢ်တၢၢ်အ၀ဲကွၢ်ထွဲ နၤဒီးယၤ သ့၀ဲန့ၣ်လီၤႉ