ဖဲဘံးကံၣ်အသိလ့ၣ် လီၤလံၤဟးဂီၤကွံာ်ဒီး ကျဲတအိၣ်နီတဘိလၢတၢ်ကဘှီဂ့ၤက့ၤအဂီၢ်န့ၣ်‚ အ၀ဲစးထီၣ် ပာ်ဖှိၣ်စ့တဆံးတက့ၢ် ဒ်သိးကပရၤသိလ့ၣ်အသီတဆိန့ၣ်လီၤႉ ခရၠာစးံးစ် လၢ အမ့ၢ် ပှၤဟဲပရၤအီၣ်တၢ်တလီၢ်လီၢ်လၢ တၢ်အီၣ်ကျးလၢ ဘံးကံၣ်ဆါတၢ်အလီၢ်‚ ဘၣ်တနံၤ နၢ်ဟူလၢ ဘံးကံၣ်ယၢၤထီၣ်လၢ အလိၣ်ဘၣ်သိလ့ၣ်တဆိန့ၣ်လီၤႉ ခရၠာစးံးစ်တဲဖျါထီၣ်လၢ‚ ‘ဖဲ ယနၢ်ဟူ တၢ်အံၤ၀ံၤ‚ ယဆိကတီၢ် တၢ်ဆိကမိၣ်တၢ်အံၤတန့ၢ်၀ဲလၢၤဘၣ်‚ ယကဘၣ် မၤတၢ်တမံၤမံၤလီၤ’ႉ လၢတၢ်အံၤအဃိ‚ အ၀ဲပရၤက့ၤအဖိခွါအသိလ့ၣ် လၢအစူးကါ တ့ၢ်လံ၀ဲ (အဖိခွါ ပာ်လီၤအသးလၢကဆါကွံာ် တၢ်အံၤ) ‚ မၤဂ့ၤထီၣ်က့ၤ ကသံၣ်ဖီၣ်အလွဲၢ်ဒီး ဟ့ၣ် သိလ့ၣ်အနီၣ်၀ံာ်ခံအံၤ ဆူဘံးကံၣ်န့ၣ်လီၤႉ ဘံးကံၣ် ဖုးသံပျီၢ်သံဘၣ်အသးလီၤႉ လၢတၢ် ကမၢကမၣ်ဒီး တၢ်စံးဘျုးအပူၤ‚ အ၀ဲစံးထီၣ်လၢ ‘မ့ၢ်မတၤ မၤတၢ်အံၤန့ၣ်လဲၣ်’လီၤႉ
လံာ်စီဆှံအဆၢတဖၣ်ကိးပှၤ ဒ်သိးပကမူဒီးစု လၢအသလၣ်ထီၣ်အသးလၢ ကဟ့ၣ်တၢ်လၢ တၢ်သဘ@ တသ့ဖဲအသ့ မၤပှဲၤတၢ်လိၣ်အဒိၣ်ကတၢၢ်လၢ ပှၤလၢအလိၣ် တၢ်မၤစၢၤနီၢ်နီၢ်န့ၣ်လီၤႉ ဒ်စီၤပီလူး စံးဘၣ် စီၤတံၤမသ့း ဒ်သိးတၢ်ကမၤပှၤလၢ အထူးတီၤ တဖၣ်လၢ တၢ်ကမၤဂ့ၤတၢ်ဒီး ထူးထီၣ်တီၤထီၣ်လၢတၢ်မၤဂ့ၤတၢ်တဖၣ်’ (၁တံၤ ၆း၁၈) န့ၣ်လီၤႉ တမ့ၢ်ထဲလၢ ပကဘၣ်သးအိၣ်ဟ့ၣ်ညီတၢ်ဖဲအံၤ မ့တမ့ၢ် ဖဲန့ၣ်ဧိၤ‚ မ့မ့ၢ်အါန့ၢ် တၢ်အံၤ‚ ပကဘၣ်မူတၢ်အိၣ်မူလၢ သးလၢအဖှံလၢတၢ်ကဟ့ၣ်မၤစၢၤတၢ်အဂီၢ်န့ၣ်လီၤႉတၢ်အိၣ်ဒီး သးလၢအဟ့ၣ်ညီတၢ်ဒိၣ်ဒိၣ်အံၤ မ့ၢ်ပသးသမူ အကျဲပတီၢ်မုၢ်န့ၣ်လီၤႉ ပဘၣ် တၢ်စံးဘၣ်ပှၤလၢ‚ ပကဘၣ်‘ဟ့ၣ်တၢ်ညီဒီး ဟ့ၣ်မၤစၢၤတၢ်လၢပှၤဂၤ’ (း၁၈) န့ၣ်လီၤႉ
ဒ်ပအိၣ်မူဒီး တၢ်အိၣ်မူလၢ သးလၢအအိးထီၣ်သးလၢ တၢ်ဟ့ၣ်ညီတၢ်အသိး‚ တလိၣ်လၢ ပကပျဲဘၣ်တၢ်လၢ ပတၢ်ကဆံးလီၤစှၤလီၤ ဒီးလိၣ်ဘၣ် တၢ်မနုၤလၢလဲၣ်န့ၣ် ဘၣ်ႉ အါန့ၢ်အန့ၣ်‚ လံာ်စီဆှံတဲဘၣ်ပှၤလၢ ပတၢ်သူၣ်ဆူၣ်သးဆူၣ်လၢ တၢ်ကဟ့ၣ်ညီတၢ် အံၤ မ့ၢ်တၢ်ဂုာ်ဟံးန့ၢ်တၢ်မူအထူအယိာ်’ န့ၣ်လီၤ (း၁၉) ႉ ဃုာ်ဒီးကစၢ်ယွၤ‚ တၢ်အိၣ်မူနီၢ်နီၢ် မ့ၢ်တၢ်ပျဲကွံာ်တၢ်ဖီၣ်ဃာ်စှီၤဃာ်တၢ် လၢအအိၣ်ဒီးပှၤ ဒီးဟ့ၣ်တၢ်ဆူ ပှၤဂုၤပှၤဂၤလၢ တၢ်သဘ@အပူၤန့ၣ်လီၤႉ