လၢနံၣ်လၢအပူၤကွံာ်တဖၣ်‚ ယဘၣ်တၢ်ကွဲမုာ်ယၤ ဒ်သိးကကတိၤတၢ်လၢ ကၠိပိာ်ခွါဖိတၢ်ရၠာစး့လိာ်ကရၠာစးၢတဖုလၢဖၠၣ်စိမိၤန့ၣ်လီၤႉ အ၀ဲသ့ၣ်အိၣ်ဒီး တၢ်မံၤဟူထီသါလီၤလၢ သီၣ်သဲဆူၣ်အဃိ‚ ယလဲၤကိးဃုာ် ယတံၤသကိးတဂၤလၢ ကဆီၣ်ထွဲမၤစၢၤယၤအဂီၢ်လီၤႉ အ၀ဲသ့ၣ်အိၣ်ဒီးသးအတၢ်ကလၢၢ်ဘၣ်လၢ အစံးထီၣ်ပ့တၢၤမၤလၤကပီၤတၢ်တခါလၢ အဒိးန့ၢ်တၢ်မၤနၢၤလၢ တၢ်ထူဖျၢၣ်စဲၣ်နီၤန့ၣ်လီၤႉ ဖဲတၢ်အီၣ်ဟါတၢ်အီၣ် အကတီၢ်‚ တၢ်သဘံၣ်ဘုၣ် ဒိၣ်ဘၢတၢ်လီၤႉ ပိာ်ထွဲထီၣ်အခံဒီးတၢ်အံၤ‚ ခိၣ်နၢ်လၢဟံၣ်အံၤ ဘိးဘၣ်သ့ၣ်ညါ လၢ‚ ‘‘ပှၤအိၣ်၀ဲခံဂၤ အအိၣ်ဖဲအံၤလၢ သးအိၣ်တဲဖျါထီၣ် တၢ်ဂ့ၢ်လၢအဘၣ်ထွဲဒီး ကစၢ်ယွၤ’’ န့ၣ်လီၤႉ
ယဂဲၤဆၢထၢၣ်လၢခီၣ်လ့ၢ်ခိၣ်လၢအဂံၢ်စၢ်ဘါစၢ်တဖၣ်ဒီး စးထီၣ်တဲ အ၀ဲသ့ၣ် လၢ ယွၤအတၢ်အဲၣ် ဒီးအကတီၢ်ဖဲန့ၣ်‚ ဒၢးတဖျၢၣ်အံၤတၢ်ဘရၣ်ယုၢ်ကလာ်လီၤႉ တၢ်ဟဲ အိၣ်ထီၣ်လၢ‚ အ၀ဲသ့ၣ်အသးစဲ တၢ်ဂ့ၢ်အံၤန့ၣ်လီၤႉ ဖဲအံၤ‚ တၢ်သံကွၢ်ဒီး တၢ်စံးဆၢတဖၣ် ပိာ်ထွဲထီၣ်သးလီၤႉ ပစးထီၣ် တၢ်မၤလိလံာ်စီဆှံဖဲန့ၣ်ဒီး ဖဲတၢ်မၤသးအံၤ၀ံၤအလီၢ်ခံ နံၣ်တဖၣ်န့ၣ် ပှၤအါဒံအါဂၤတူၢ်လိာ် ကစၢ်ယ့ၣ့်ှှူးအတၢ်အုၣ်က့ၤခီၣ်က့ၤန့ၣ်လီၤႉ
ယဆိကမိၣ်ထီၣ်က့ၤ နံၤသီ ဒ်သိးအံၤတဖၣ်‚ ‘‘ဒ်လီ၀ၢ်ဒံးအသိးန့ၣ်‚ ယထံၣ် မုၣ်ကီၤလံၢ်လီၤတဲာ် လၢမူခိၣ်လီၤ’’ (လူၤ၁၀း၁၈) ႉ ဘၣ်ဆၣ်‚ နံၤသီဂုၤဂၤတဖၣ်တခီ‚ ဖဲတၢ်အကတီၢ်လၢ ပှၤလၢအလီၤဃံၤ ဒီးကျးလီၤမဲာ်ဆူဟီၣ်ခိၣ်အံၤ‚ မ့ၢ်ဒၣ်ယၤန့ၣ်လီၤႉ
လံာ်လူၤကၣ် ၁၀ ပာ်ဖျါထီၣ်ကစၢ်ယ့ၣ့်ှှူးအတၢ်မၢဖိတဖၣ် ဟဲက့ၤကဒါလၢ မံး့ှှၢၣ်တၢ်မၤတခါ ဒ်သိးကပာ်ဖျါထီၣ်တၢ်လၢတၢ်မၤနၢၤတၢ်ဒိၣ်ဒိၣ်မုၢ်မုၢ်န့ၣ်လီၤႉ ပှၤအါဒံအါဂၤ ဘၣ်တၢ်ဆှၢနုာ်အီၤဆူ ယွၤအဘီအမုၢ်‚ တၢ်နါဘၣ်တၢ်ဟီထီၣ်ကွံာ် ဒီးပှၤဂီၢ်မုၢ် ဒိးဘၣ်တၢ်ယါဘျါန့ၣ်လီၤႉ ပှၤတၢ်မၢဖိတဖၣ် အိၣ်ဒီးတၢ်သူၣ်ခုသးခုန့ၣ်လီၤႉ ကစၢ်ယ့ၣ့်ှှူး စံးဆၢက့ၤအ၀ဲသ့ၣ်လၢ ‘‘ဒ်လီ၀ၢ်ဒံးအသိးန့ၣ်‚ ယထံၣ်မုၣ်ကီၤလံၢ်လီၤ တဲာ်လၢမူခိၣ်လီၤ’’ႉ ၀ံၤအ၀ဲဟ့ၣ်တၢ်ပလီၢ်တမံၤလၢ‚‘‘မ့ၢ်သးတဖၣ် အိၣ်လၢသုဖီလာ်အဃိဒီး‚ သုတသးခုတဂ့ၤႉ မ့ၢ်သုမံၤဆဲးလီၤအသးလၢမူခိၣ်အဃိဒီးသးခုတက့ၢ်’’ (း၂၀) ႉ
ပသးခုလၢ ပမၤနၢၤတၢ်အဃိန့ၣ်လီၤႉ ဘၣ်ဆၣ်‚ ပကသးဟးဂီၤဖဲပဖျါလၢ ပလီၤတူာ်လီၤကာ်၀ဲအကတီၢ်န့ၣ်လီၤႉ ပၢၤဃာ်ကဒီးတၢ်လၢကစၢ်ယွၤကိးနၤလၢ နကမၤ အတၢ်ဒီးပာ်တ့ၢ်တၢ်အစၢတဖၣ်ဆူအ၀ဲအစုပူၤတက့ၢ်ႉ အ၀ဲအိၣ်ဒီးနမံၤ‚ လၢအ၀ဲအလံာ်မူအပူၤန့ၣ်လီၤႉ