ဖဲပပရၤပဟံၣ်ကတီၢ်‚ ပန့ၢ်ဘၣ်သါ စပံးတလီၢ်လၢ အဘၣ်တၢ်သူၣ်တ့ၢ်ဃာ်၀ဲန့ၣ်လီၤႉ ဒ်အခဲအံၤ ပှၤလၢအအိၣ်ဒီး တၢ်သ့တၢ်ဘၣ်လၢ တၢ်သူၣ်တၢ်ဖျးလၢအဆံးစှၤ အသိး‚ ယဟံၣ်ဖိဃီဖိတဖၣ်‚ အိၣ်ဒီးတၢ်ဆိကမိၣ်ယိာ်ယိာ် ဆူတၢ်ကကျီကွံာ် စပံးမုၢ်အဒ့‚လူထံ ဒီးကဟုကယာ်တၢ်အံၤဒ်လဲၣ်အဂီၢ်န့ၣ်လီၤႉ ဖဲပဒ့ဘၣ်က့ၤတၢ်အသၣ်အဆိကတၢၢ် တဘျီအကတီၢ်‚ ယစှီၤထီၣ် စပံးသၣ်လၢယစုပူၤဒီး တ့ၢ်နုာ်ဆူယကိာ်ပူၤဒီး ယသး ဟးဂီၤဘၣ်လၢ စပံးသၣ်အံၤဆံၣ်၀ဲန့ၣ်လီၤႉ
တၢ်သဘံၣ်ဘုၣ်လၢ ယကလၢၢ်ဘၣ် တၢ်လၢတၢ်ကွၢ်ထွဲစပံးလီၢ်တခါလၢ တၢ်ဘၣ်တူၢ်တၢ်အံၤမ့ၢ်‚ တၢ်ကူးဘၣ်က့ၤ ထဲတၢ်သးခၣ်အံၤဧိၤ‚ သီၣ်ဆၢကဒါက့ၤ တၢ်လၢ ယ့ှှါယၤ အဆၢဒိၣ် ၅ န့ၣ်လီၤႉ ဖဲအံၤ‚ ပကဖးဘၣ်တၢ်ဂ့ၢ်တခါလၢ ကစၢ်ယွၤ အတၢ်ဘၣ်ထွဲတၢ်ဆူ ပှၤအံၣ်စရၠာစး့လးဖိတဖၣ်န့ၣ်လီၤႉ ကစၢ်ယွၤ‚ ဘၣ်တၢ်ပာ်ဖျါထီၣ်ဒ်ပှၤပၢၤစပံးလီၢ်တဂၤလၢ အသူၣ်လီၤစပံးလီၢ်တခါလၢ ကစၢၢ်ကပၤ‚ သူၣ်လီၤစပံးမုၢ် လၢအဂ့ၤ‚ သူၣ်ထီၣ်တၢ်သူၣ်ထီၣ်တဖျၢၣ်လၢ တၢ်ကကွၢ်ထွဲစပံးလီၢ် ဒီးမုၢ်လၢ်တၢ်အစၢ လၢ တၢ်ကသးခုဘၣ်တၢ် ဖဲတၢ်ဒဲးစပံးသၣ်အကတီၢ် (ယ့ှှါ ၅း၁-၂) န့ၣ်လီၤႉ လၢသးအုးလၢပှၤပၢၤစပံးလီၢ်‚ စပံးလီၢ်လၢအမ့ၢ်ပှၤအံၣ်စရၠာစး့လးဖိတဖၣ် သၣ်ထီၣ်တၤသၣ်လၢအဆံၣ်လၢ အမ့ၢ်တၢ်အဲၣ်လီၤသး‚ တၢ်တတီတ့ကၢ် ဒီးတၢ်ဆီၣ်ဘံၣ် ဆီၣ် ဘၢတၢ် (း၇) န့ၣ်လီၤႉ ဖဲတၢ်မၤသးအံၤ၀ံၤ‚ တၢ်လၢအကပိာ်ထွဲထီၣ်အခံမ့ၢ်‚ ကစၢ်ယွၤကမၤဟးဂီၤကွံာ် စပံးလီၢ်‚ ဖဲအကတီၤက့ၤ စပံးမုၢ်အဂုၤအဂၤလၢအအိၣ်တ့ၢ်ဒံးလၢမုၢ်တနံၤ‚ ကသၣ်ထီၣ် တၢ်ကူးဘၣ်က့ၤတၢ်လၢအမုာ်န့ၣ်လီၤႉ
လၢလံာ်တၢ်သးခုကစီၣ်လၢ အမ့ၢ်လံာ်ယိၤဟၣ်အပူၤ‚ ကစၢ်ယ့ၣ့်ှှူး ပာ်ဖျါထီၣ်ကဒီးက့ၤ တၢ်အက့ၢ်အဂီၤလၢအမ့ၢ် စပံးလီၢ်‚ လၢအတၢ်ကတိၤလၢအမ့ၢ်‚ ယဲဒၣ်အံၤ ယမ့ၢ်စပံးအမုၢ်‚ သု၀ဲသ့ၣ်အံၤ သုမ့ၢ်အဒ့အဖီလီၤႉ ပှၤလၢအအိၣ်လၢယပူၤဒီး ယအိၣ်လၢအပူၤန့ၣ်‚ သၣ်ထီၣ်၀ဲဒၣ်အါဖျၢၣ်လီၤ’ (ယိၤ ၁၅း၅) ႉ လၢတၢ်လၢ အလီၤဂာ်ဒီး တၢ်အံၤ‚ ကစၢ်ယ့ၣ့်ှှူးပာ်ဖျါထီၣ် တၢ်အက့ၢ်အဂီၤလၢ ပှၤစူၢ်က့ၤနာ်က့ၤတၢ်တဖၣ် ဒ်စပံးမုၢ်အဒ့တဖၣ်လၢ အဘၣ်ထွဲလိာ်သးဒီးအီၤလၢအမ့ၢ် စပံးမုၢ်န့ၣ်လီၤႉ အခဲအံၤ‚ ဒ်ပအိၣ်ဆိးဘၣ်ထွဲဒီးကစၢ်ယ့ၣ့်ှှူး‚ ခီဖျိတၢ်ထုကဖၣ် လၢအလိၣ်ဘၣ် တၢ်လၢ အ၀ဲအသးစီဆှံ‚ ကနုာ်လီၤဘၣ်လိၤလိၤဆူ နီၢ်သးလၢအပှဲၤဂံၢ်ပှဲၤဘါလၢ တၢ်ကသၣ် ထီၣ်တၤသၣ်လၢ အဆၢကတၢၢ်လၢ အမ့ၢ်တၢ်အဲၣ်တၢ်ကွံန့ၣ်လီၤႉ