ခဲးနဲးဖိ လၢအသးအိၣ် ခံနံၣ်တဂၤ ဟါမၢ်ကွံာ်လီၤႉ ဘၣ်ဆၣ် ထဲဒၣ်သၢမံးနံးအတီၢ်ပူၤ လၢအမိၢ်ကိးထီၣ် နီၣ်ဂံၢ် ၉-၁-၁ ဒီး ဂ့ၢ်ဂီၤအူ (နာနမါနညခပ) ပှၤမၤတၢ်ဖိတဖၣ် ထံၣ်က့ၤအီၤလၢ တၢ်မၤသူၣ်ဖှံသးညီအလီၢ် ဖဲကျဲလၢအစီၤစုၤဒီးအဟံၣ် ခံဘိန့ၣ်လီၤႉအနံၤအံၤန့ၣ် အမိၢ်အၢၣ်လီၤအီၤလၢ လဲၤဟးတၢ်လီၤအံၤသ့ လၢအဖုန့ၣ်လီၤႉ ဘၣ်ဆၣ်‚ အ၀ဲနီထီၣ် ‘‘အတၢ်လိာ်ကွဲသိလ့ၣ်ဖိဆူ တၢ်လီၢ်အံၤ‚ လၢအမ့ၢ်တၢ်လိာ်ကွဲလၢ အ၀ဲ ဘၣ်သူၣ်ဘၣ်သး၀ဲန့ၣ်လီၤႉ ဖဲဖိသၣ်ဖိအံၤ ဟဲက့ၤတုၤဆူဟံၣ်န့ၣ် လၢတၢ်ကူၣ်သ့အပူၤ‚ အပၢ်ထုးထီၣ်ကွံာ်တၢ်အဂံၢ် (ဘဲးထရၠာစးံၣ်) လၢတၢ်လိာ်ကွဲဖိအံၤအပူၤန့ၣ်လီၤႉ
နီၢ်နီၢ်တခီ‚ ခဲးနဲး မ့ၢ်ဖိသၣ်ဖိလၢအဖၠဲး ဒ်သိးကလဲၤတၢ်လီၢ်တတီၤတီၤ‚ ဖဲအသးအိၣ်လဲၤ၀ဲန့ၣ်လီၤႉ ဘၣ်ဆၣ်‚ ဖိသၣ်ဖိလၢအသးအနံၣ်အလါ အိၣ်ထဲခံနံၣ်ဧိၤအံၤ‚ လဲၤပူၤကွံာ်ဘၣ်တၢ်အကံၢ်အစီလၢ အကါဒိၣ်လၢ အမ့ၢ်တၢ်သူၣ်ဆးသးဆးန့ၣ်လီၤႉ ဒ်န့ၣ်အသိး‚ ပ၀ဲလၢအဒိၣ်တုာ်ခိၣ်ပှဲၤတဖၣ်စ့ၢ်ကီး‚ တဘျီဘျီ ပတအိၣ်ဒီး တၢ်ကူၣ်သ့ စ့ၢ်ကီးန့ၣ်လီၤႉ စီၤ့ှှလိၤမိၤလၢ ဘၣ်တၢ်ပာ်ထီၣ်အီၤလၢ စီၤပၤအလီၢ်‚ လၢအပၢ်စီၤဒၤ၀ံး န့ၣ် (၁ စီၤပၤ ၂) ‚ အၢၣ်လီၤသးလၢ အကလၢၢ်ဘၣ်၀ဲ ဒ်အမ့ၢ်ဖိသၣ်တဂၤအသိးန့ၣ်လီၤႉကစၢ်ယွၤ လီၣ်ဖျါထီၣ်အသးလၢ တၢ်မံမီၢ်အပူၤဒီး စံးဘၣ်အီၤလၢ ‘‘ယကဟ့ၣ်လီၤနၤလၢ မနုၤမနုၤလဲၣ်န့ၣ်ဃ့တက့ၢ်’’ န့ၣ်လီၤ (၃း၅) ႉ အ၀ဲစံးဆၢက့ၤလၢ ‘‘ယမ့ၢ်ဖိသၣ်အဆံး‚ ဒီး ယလဲၤထီၣ်ဟဲနုာ်န့ၣ် ယတသ့ၣ်ညါဘၣ်ႉ ဒီးနခ့နပှၤအိၣ်၀ဲလၢ နပှၤဂီၢ်မုၢ်လၢနဃုထၢအီၤအသးကံၢ်ပူၤ‚ ပှၤဂီၢ်မုၢ်ဖးဒိၣ်လၢ ပှၤဂံၢ်အီၤဒွးအီၤတသ့ဘၣ်ႉ လၢအအိၣ်အါကဲၣ်ဆိးအဃိန့ၣ်လီၤႉ မၤသးဒ်န့ၣ်ဒီး ဟ့ၣ်လီၤနခ့နပှၤ အသူၣ်ဆးအသးဆး ဒ်သိးအကစံၣ်ညီၣ် နပှၤဂီၢ်မုၢ်‚ ဒ်သိးအကနီၤဖးတၢ်ဂ့ၤဒီးတၢ်အၢအဆၢန့ၢ်တက့ၢ်’’ န့ၣ်လီၤ (း၇-၉) ႉ ကစၢ်ယွၤဟ့ၣ်လီၤ စီၤ့ှှလိၤမိၤလၢ ‘‘အသူၣ်ဆးအသးဆးဒိၣ်ဒိၣ်ကလဲာ် ဒီးအသးဖးလဲၢ်‚ ဒ်မဲးဧိၤဟီၣ်ဧိၤလၢ ပီၣ်လဲၣ်နံၤအသိးန့ၣ်လီၤ’’ (၄း၂၉) ႉ
တၢ်သူၣ်ဆးသးဆးလၢပလိၣ်ဘၣ်အံၤ မ့ၢ်ပမၤန့ၢ်အီၤကသ့ ဖဲလဲၣ်ႉ စီၤပၤ့ှှလိၤမိၤ စံးဘၣ်ပှၤလၢ ‘တၢ်ပျံၤယွၤ’ န့ၣ် မ့ၢ်တၢ်ကူၣ်သ့အခီၣ်ထံးန့ၣ်လီၤ (ကတိၤ ၉း၁၀) ႉ လၢတၢ်အံၤအဃိ‚ ပစးထီၣ်ဃ့ကစၢ်ယွၤ ဒ်သိးကသိၣ်လိပှၤလၢ တၢ်လၢအဘၣ်ထွဲဒီး အ၀ဲအနီၢ်ကစၢ်လၢ ကဟ့ၣ်လီၤပှၤ တၢ်သူၣ်ဆးသးဆးလၢ အလဲၤတလၢကွံာ် ပကစၢ်ဒၣ်၀ဲ အတၢ်သ့နၢ်ပၢၢ်တၢ်န့ၣ်လီၤႉ