ကၠူလံၣ်ယိၣ် ဒိးထီၣ်လ့ၣ်ယီၣ်ခီၣ်လၢ ကၠီး၀ၣ်ဒီးၣ်တၣ်တိၤလၢ ပှၤလဲၤပှၤက့ၤတၢ်အါ‚အိၣ်ဒီးကျဲလၢအလဲၤတဘိ‚ အက့ၤတဘိလၢ အဆဲးကျိး နယူယီး၀့ၢ် ဒီး နယူကၠၣ်စံၣ် န့ၣ်လီၤႉ ဖဲအခီဂာ်တိၤအကတီၢ်န့ၣ် အ၀ဲထံၣ်ဘၣ် တၢ်အိၣ်သးလၢ အဘၣ်ထွဲဒီး တၢ်မူ မ့တမ့ၢ် တၢ်သံ န့ၣ်လီၤႉ အ၀ဲထံၣ်ဘၣ် ပှၤတဂၤဆၢထၢၣ်လၢ တိၤတၢ်ဒူၣ်အကပၤလၢ ထံကျိဟၢးစၢၣ်လၢ အကတဲာ်ကတီၤသး ဒ်သိးကစံၣ်လီၤဆူထံကျိန့ၣ်လီၤႉ ဖဲအ၀ဲ သ့ၣ်ညါလၢ တၢ်အံၤတမ့ၢ်ပၢၤကီၢ်ကဟဲတုၤဘၣ်ဆၢဘၣ်ကတီၢ်အဃိ ကၠူလံၣ်ယိၣ် မၤတၢ်လၢ အခ@လီၤႉ အ၀ဲစံၣ်လီၤလၢ လ့ၣ်ယီၣ်ခီၣ်အလိၤ ဒီးသလၣ်ထီၣ်အစုခံခီ ဒီးတဲထီၣ်တၢ် ဒ်သိးအံၤလၢ ‘‘မၤတၢ်ဒ်သိးအံၤတဂ့ၤႉ ပအဲၣ်ဘၣ်နၤလီၤ’’ႉ ၀ံၤ‚ ဒ်ပှၤကွၢ်သိ စူးကါ အနီၣ်ထိးဘိအသိး‚ အ၀ဲ၀ာ်က့ၤ ပှၤလၢအသူၣ်ကိၢ်သးကိၢ်အံၤ ဃုာ်ဒီးပှၤလၢအဟးထီၣ်ဟးလီၤ ဖဲတၢ်ကပၤအဂုၤအဂၤအတၢ်မၤစၢၤ‚ ဒီးအ၀ဲသ့ၣ် ထုးက့ၤပှၤအံၤဆူ တၢ်ဘံၣ်တၢ်ဘၢအလီၢ်န့ၣ်လီၤႉ ဒ်ပှၤပာ်ဖျါထီၣ်တၢ်ကစီၣ် ပာ်ဖျါ၀ဲအသိး‚ ကၠူလံၣ်ယိၣ် တပျဲပှၤအံၤ လၢကစံၣ်လီၤသံအသး‚ တုၤဒၣ်လဲာ်လၢ ဖဲအခိးန့ၢ် တၢ်ဘံၣ်တၢ်ဘၢ၀ံၤ အလီၢ်ခံဘၣ်န့ၣ်လီၤႉ
လၢအပူၤကွံာ်နံၣ်ခံကထိဘျဲၣ်‚ တၢ်အိၣ်သးလၢတၢ်မူမ့တမ့ၢ် တၢ်သံတခါအပူၤ‚ ကစၢ်ယ့ၣ့်ှှူးလၢအမ့ၢ်ပှၤကွၢ်သိလၢအဂ့ၤတဂၤ‚ စံးဘၣ်တ့ၢ် တၢ်ကတိၤ လၢအ၀ဲ ပာ်လီၤအသးသမူ ဒ်သိးကအုၣ်က့ၤခီၣ်က့ၤဒီး တပျဲပှၤလၢ အစူၢ်က့ၤနာ်က့ၤအီၤ ဒ်သိးကဟးဂီၤကွံာ်န့ၣ်ဘၣ်လီၤႉ အ၀ဲတဲဖျါထီၣ်လၢ ကဆိၣ်ဂ့ၤအသိတဖၣ် ဒ်လဲၣ်ႉ သိတဖၣ် ကသ့ၣ်ညါအီၤလၢ အနီၢ်ခိနီၢ်ခီဒီး ကဒိးန့ၢ်တၢ်မူအထူယိာ်လၢ အတဟးဂီၤ ဒီးကဒိးန့ၢ်တၢ်ဘံၣ်တၢ်ဘၢလၢ အ၀ဲအတၢ်ကဟုကယာ်အပူၤန့ၣ်လီၤႉ တၢ်ဘံၣ်တၢ်ဘၢ ဒ်သိးအံၤ တမ့ၢ်တၢ်လၢအသန့ၤထီၣ်သးလၢသိလၢအဂံၢ်စၢ် ဘါစၢ်‚ မ့မ့ၢ်တၢ်အံၤဟဲလၢ ပှၤကွၢ်သိ အတၢ်အံးထွဲကွၢ် ထွဲတၢ်လၢလၢပှဲၤပှဲၤအဖီခိၣ်‚ လၢအတပျဲအသိတဖၣ် ကဘၣ်တၢ်ဂုာ်ဆူၣ်ပျိဆူၣ်လၢ အ၀ဲအစုန့ၣ်ဘၣ်လီၤ’’ (ယိၤ ၁၀း၂၈-၂၉) ႉ
ဖဲပအိၣ်ဒီးတၢ်သူၣ်ကိၢ်သးဂီၤဒီး ကလၢၢ်ဘၣ်လၢတၢ်မုၢ်လၢ်တအိၣ်န့ၣ် ကစၢ်ယ့ၣ့်ှှူးမၤပူၤဖျဲးပှၤ‚ အခဲအံၤ ပကလၢၢ်ဘၣ်လၢ ပအိၣ်ဒီးတၢ်ဘံၣ်တၢ်ဘၢဒီးဘၣ် တၢ်မၤပူၤဖျဲးလၢ ပတၢ်ရၠာစး့လိာ်ပသးဒီးအီၤန့ၣ်လီၤႉ အ၀ဲအဲၣ်ပှၤ‚ မိၤန့ၢ်ပှၤ‚ ဃုထံၣ်န့ၢ်ပှၤ ဒီးအုၣ်က့ၤခီၣ်က့ၤပှၤလီၤႉ