ဖရၠာစးဲးဘိမဲန် ပၢဆှၢမူဒီအတၢ်မၤအဆိကတၢၢ်လၢ အလဲၤတရၠာစးံးလါန့ၣ်လီၤႉ အ၀ဲတအိၣ်ဒီး တၢ်ပာ်ဒိၣ်တၢ်အံၤ ဒိၣ်ဒိၣ်မုၢ်မုၢ်ဘၣ်ႉ တၢ်လဲၤတၢ်က့ၤအံၤ ယံာ်ခံသီန့ၣ်လီၤႉ ဖရၠာစးဲးတူၢ်ဘၣ် ခိၣ်မူၤဒီး ဘှိးဘၣ်အသးလီၤႉ အ၀ဲစံးလၢ‚ တၢ်အိၣ်ဒီးတယၢၢ်လၢ အဖှံအံၤ ခုၣ်လီၤကဘးလီၤလၢ စဲးကီးသၢဆံန့ၣ်လီၤႉ ၀ံၤ‚ အ၀ဲညီနုၢ်က့ၤဒီးတၢ်အံၤန့ၣ်လီၤႉ ဘူးထီၣ်ဒီးလါန့ၣ်‚ အ၀ဲထံၣ်ဘၣ်လါတဘ့ၣ်လၢ အတၢ်ကပီၤတအိၣ်‚ တလီၤသးစဲ‚ ဒီး ဘၣ်တၢ်က၀ီၤဃာ်အီၤ ဒ်ခွးဖျၢၣ်သလၢၣ်န့ၣ်လီၤႉ
ဖရၠာစးဲး လဲၤတုၤ၀ဲ ဖဲပှၤလဲၤတတုၤဒံးနီတဂၤအခါန့ၣ်လီၤႉ တၢ်အံၤ တလၢပှဲၤ ဒံးဘၣ်ႉ ဖဲအ၀ဲမ့ၢ်လီၤဘှံးသတူၢ်ကလာ်လၢ တၢ်လဲၤခီဖျိလၢ ဟီၣ်ခိၣ်အံၤ အချၢအဃိ‚ ကမ့ၢ်သ့ၣ်သ့ၣ် တၢ်လၢကကဲထီၣ်တၢ်လၢ ပမုၢ်လၢ်စှၤလီၤလၢ မ့ၢ်တၢ်မနုၤကအိၣ်လၢ တၢ်အံၤန့ၣ်လဲၣ်လီၤႉ ပှၤကွဲးလံာ်စံၣ်တဲၤတဲလီၤ ကွၢ်ထံဆိကမိၣ်တၢ်လၢ တၢ်လဲၤခီဖျိ လၢဟီၣ်ခိၣ်‚ ကဟ့ၣ်ထီၣ် တၢ်အခီၣ်ထံးခီၣ်ဘိလၢ တၢ်ကသးခုနီတမံၤဘၣ်ႉ ‘ပှၤမဲာ် ကွၢ်တၢ် ဘၣ်ဆၣ်ဒီး‚ တဘျဲးကွၢ်ဘၣ်‚ ဒီးပှၤအနၢ်တဘျဲး နၢ်ဟူဘၣ် တၢ်ဘၣ်’’ (၁း၈) ႉ လၢတၢ်အကတီၢ်တဖၣ်‚ ပကကလၢၢ်ဘၣ်လၢ တၢ်လုၣ်ဘၢပှၤဒီးတၢ်သးခု ဘၣ်ဆၣ်‚ တၢ်အံၤ တယံာ်ဘၣ်ဒီး ပကဃုကဒီး တၢ်သူၣ်ဟူးသးဂဲၤ လၢခံတမံၤန့ၣ်လီၤႉ
ဖရၠာစးဲး အိၣ်ဒီးတၢ်သူၣ်ဟူးသးဂဲၤတကတီၢ် ဖဲအထံၣ်ဘၣ် ဟီၣ်ခိၣ်ဟဲဖျါထီၣ် လၢတၢ်ခံးသူ ဖဲအအိၣ်သဒၢဒီးလါအလီၢ်ခံန့ၣ်လီၤႉ ဒ်လၢၢ်လၢအလါဟ့ ဒီး၀ါအသိး‚ ပဟီၣ်ခိၣ်အံၤ ကပီၤထီၣ် ခီဖျိမုၢ်အတၢ်ကပီၤန့ၣ်လီၤႉ ဒ်န့ၣ်အသိး‚ ပတၢ်သးခုအမ့ၢ် အတီ ဟဲလၢဖိခွါအတၢ်ကပီၤလၢ အကပီၤထီၣ်လၢပပူၤန့ၣ်လီၤႉ ယ့ၣ့်ှှူးမ့ၢ်ပတၢ်မူ‚ တၢ်အခီၣ်ထံးအဂံၢ်ထံးထဲတမံၤလၢ အအိၣ်ဒီးတၢ်အခီပညီ‚ တၢ်အဲၣ်တၢ်ကွံ ဒီး တၢ်ဃံတၢ်လၤ န့ၣ်လီၤႉ ပတၢ်သးမံအဒိၣ်အယိာ်ကတၢၢ်‚ ဟဲလၢ ဟီၣ်ခိၣ်လၢပအိၣ်အံၤအချၢန့ၣ်လီၤႉ မ့မ့ၢ် ပတၢ်ဂ့ၢ်ကီတခီ ပလဲၤနုာ်လီၤသကိးဆူလါအပူၤသ့‚ ဘၣ်ဆၣ် လဲၤယံၤယံၤနာ်သက့‚ တလၢ၀ဲပှဲၤ၀ဲနီတစုဘၣ်ႉ