ပှၤကွဲးလံာ် မးခ်ထွ့ ဟ့ၣ်ကူၣ်၀ဲလၢ‚ တဘျီလၢ်လၢ် ဖဲလၢ ပမ့ၢ်ကွၢ်တၢ်လၢသးသမူ အဖီခိၣ်‚ ဒီးမ့ၢ်တၢ်အံၤဒ်လဲၣ်န့ၣ် ကဲထီၣ်တၢ်လၢအလုၣ်ဘၢလၢ ပခီၣ်ကါလၢခံတဖၣ်ဒီး တုၤဒၣ်လဲာ်လၢ ပဘူၣ်ပတီၢ်န့ၣ်လီၤႉ အ၀ဲစံး၀ဲလၢ ‘‘တၢ်ပညိၣ်မ့ၢ်ဒံ၀့ၤဒံ၀ီၤအဃိ‚ နသန့ၤထီၣ်နသးလၢ နမဲာ်ချံအတၢ်ထံၣ်တသ့ဘၣ်’’
စီၤပ့းတ့ှူးစ့ၢ်ကီး ကတိၤတၢ်လၢအဘၣ်ထွဲဒီးတၢ်ထံၣ် ဖဲအဟ့ၣ်တၢ်စံးဆၢ ဆူ ပှၤလၢအခီၣ်ဟးဂီၤလၢ အဃ့အီၣ်တၢ်တဂၤ‚ ပှၤတဂၤလၢ အ၀ဲဒီးစီၤယိၤဟၣ် ထံၣ်ဘၣ်အီၤ ဖဲတၢ်လီၢ်လၢပှၤဟဲနုာ်ဆူ တၢ်လုၢ်ဟံၣ်အပူၤ ပဲBတီဃံလၤ (မၤတၢ် ၃း၂) န့ၣ်လီၤႉ ဖဲပှၤအံၤ ဃ့ကျိၣ်ဖိစ့ဖိဆူ အ၀ဲသ့ၣ်‚ စီၤပ့းတ့ှူးဒီး စီၤယိၤဟၣ် ကွၢ်တၢ်လိၤလိၤ ဆူ ပှၤအံၤအအိၣ်လီၤႉ ၀ံၤစီၤပ့းတ့ှူး စံးဘၣ်ပှၤအံၤလၢ‚ ‘‘ကွၢ်ထီၣ်ပှၤတက့ၢ်’’ (း၄) ႉ
ဘၣ်မနုၤလၢအ၀ဲဘၣ်တဲတၢ် ဒ်သိးအံၤန့ၣ်လဲၣ်ႉ ဒ်ကစၢ်ခရၠာစးံာ်အခၢၣ်စးအသိး‚ စီၤပ့းတ့ှူး သးအိၣ်လၢ ပှၤဃ့အီၣ်တၢ်ဖိအံၤ‚ ကဆိကတီၢ် တၢ်ကွၢ်လီၤက့ၤအသးလၢ အအိၣ်ဒီး နီၢ်ခိအတၢ်တလၢတပှဲၤတဖၣ်‚ တုၤဒၣ်လဲာ်လၢ တၢ်ကဆိကတီၢ်‚ တၢ်ကွၢ်လီၤ က့ၤအသးလၢ အလိၣ်ဘၣ်ကျိၣ်စ့န့ၣ်လီၤႉ ဖဲအကွၢ်ထီၣ် ပှၤတၢ်မၢဖိတဖၣ်‚ အ၀ဲကထံၣ်တၢ်မ့ၢ်တၢ်တီလၢ တၢ်အိၣ်ဒီးတၢ်နာ်လၢ ကစၢ်ယွၤအပူၤန့ၣ်လီၤႉ
စီၤပ့းတ့ှူးစံးဘၣ်ပှၤအံၤ လၢ ‘‘ကျိၣ်ဧိၤစ့ဧိၤ ဒီးထူဧိၤလွဲဧိၤ တအိၣ်ဘၣ်ဒီးယၤ ဘၣ်ႉ မ့မ့ၢ် တၢ်လၢအအိၣ်ဒီးယၤန့ၣ် ယဟ့ၣ်နၤလီၤႉ လၢပှၤနစၤရၠာစး့းဖိယ့ၣ့်ှှူးအမံၤန့ၣ် ဂဲၤဆၢထၢၣ်ဒီး ဟးတက့ၢ်’’ န့ၣ်လီၤ (း၆) ႉ ၀ံၤဒီး စီၤပ့းတ့ှူး ‘ဟံးဃာ်အစုထွဲ‚ ဒီး ၀ံၣ်ဆၢထၢၣ်အီၤလီၤႉ ဒီးအခီၣ်လၣ်ဒီးအခီၣ်ဒ့အဂံၢ်အဘါဆူၣ်ထီၣ်က့ၤ တကီၢ်ခါလီၤႉ ဒီးစံၣ်ထီၣ်‚ ဒီးဆၢထၢၣ် ဒီးဟး၀ဲႉႉႉ ဒီးသး၀ံၣ်ထီၣ်ယွၤလီၤ’’ (း၇-၈) ႉ
မ့ၢ်တၢ်မနုၤဟဲအိၣ်ထီၣ်အသးန့ၣ်လဲၣ်ႉ ပှၤအံၤ အိၣ်ဒီးတၢ်နာ်လၢ ကစၢ်ယွၤ အပူၤ (း၁၆) န့ၣ်လီၤႉ ဒ်ပှၤစိာ်တၢ်သးခုကစီၣ် ခၠါလ်စပၢကၠၢၣ် ဟ့ၣ်ဂံၢ်ဟ့ၣ်ဘါတၢ်လၢ ‘ကွၢ်ထီၣ်တၢ်ဆူယွၤအအိၣ်တက့ၢ်’ႉ ဖဲပမၤတၢ်အံၤအကတီၢ်‚ ပတထံၣ်တၢ်ကီတၢ်ခဲ တဖၣ်လၢၤဘၣ်ႉ ပထံၣ်ကစၢ်ယွၤ‚ ပှၤလၢအမၤဆှဲပျီထီၣ်ပကျဲန့ၣ်လီၤႉ