‘‘တၢ်ခံကွၢ်စီၤကွၢ်တၢ်’’ န့ၣ် မ့ၢ်တၢ်ကတိၤလၢ အဘၣ်တၢ်စူးကါအီၤလၢ တၢ်လိာ်ကွဲလၢနီၢ်ခိက့ၢ်ဂီၤတၢ်အိၣ်ဆူၣ်အိၣ်ခ@လၢ အဟ့ၣ်တၢ်ပျဲလၢ ပှၤတဂၤဂ့ၤတဂၤဂ့ၤ နုာ်လီၤလိာ်ကွဲသ့န့ၣ်လီၤႉ အဒိ – ဖဲတၢ်လိာ်ကွဲဟူးဂဲၤ မ့မ့ၢ်တၢ်လီၤတံၢ်လီၤဆဲးလၢ တၢ်ဘၣ် လိာ်ကွဲအီၤအဘျီ ၁၀‚ ယမၤယဲန့ၢ်ထဲ ၄ ဘျီလီၤႉ ပှၤနဲၣ်လိတၢ် ဟ့ၣ်ဂံၢ်ဟ့ၣ်ဘါယၤလၢ ယကခံကွၢ်စီၤကွၢ်တၢ် ဒ်ယနီၢ်ခိက့ၢ်ဂီၤအပတီၢ် ဟူးဂဲၤ၀ဲန့ၢ်ထဲလဲၣ်လၢ အကတီၢ်အံၤ န့ၣ်လီၤႉ ပ၀ဲတဂၤဒီးတဂၤ‚ ပတအိၣ်ဒီး တၢ်အပတီၢ်လၢ အလီၤပလိာ်သးန့ၣ်ဘၣ်ႉ ဘၣ်ဆၣ် ပဟူးဂဲၤပ၀ဲလၢ တၢ်နဲၣ်ကျဲတမံၤဃီတခီသ့၀ဲလီၤႉ လၢကျဲအဂၤတဘိ အ၀ဲစံးဘၣ်ယၤ‚ ‘ဟူးဂဲၤဆိ ၄ ဘျီလၢ တၢ်ဂံၢ်တၢ်ဘါလၢ အအိၣ်ဒီးနၤတက့ၢ်ႉတဘၣ်ထိၣ် သBတီၤနသးဒီး ပှၤနီတဂၤတဂ့ၤႉ ခံကွၢ်စီၤကွၢ်လီၤနသးလၢ အကတီၢ်ခဲအံၤတက့ၢ်ႉ ပၢၤဃာ်တၢ်လၢ နမၤအီၤသ့မၤအီၤန့ၢ်‚ ဒီးနကကမၢကမၣ်ဘၣ်လၢ အကတီၢ် မ့ၢ်ဘၣ် နဟူးဂဲၤကန့ၢ်၀ဲ ၇ ဘျီဒီးတုၤဒၣ်လဲာ်လၢအဘျီ ၁၀ လၢတနံၤအဂီၢ်ပူၤန့ၣ်လီၤႉ
ဖဲတၢ်မ့ၢ်ဘၣ်ထွဲဆူ တၢ်ဟ့ၣ်မၤဘူၣ်တၢ်န့ၣ် ပှၤတၢ်မၢဖိစီၤပီလူး ပာ်ဖျါထီၣ်၀ဲ ဆံှဆှံလၢ‚ ‘‘ယွၤဘၣ်အသးလၢပှၤလၢအဟ့ၣ်ညီတၢ်လီၤ’’ (၁ ကရၠာစးံၣ်သူး ၉း၈) ႉ ဘၣ်ဆၣ်‚ အတၢ်ဟ့ၣ်ဂံၢ်ဟ့ၣ်ဘါဆူ ပှၤစူၢ်က့ၤနာ်က့ၤတဖၣ်လၢ ကရၠာစးံၣ်သူးဒီး ဆူပ၀ဲကိးဂၤအံၤ မ့ၢ်တၢ်ကခံကွၢ်စီၤကွၢ်တၢ် အကလုာ်ကလုာ်တမံၤန့ၣ်လီၤႉ ‘‘ပှၤတဂၤဒီးတဂၤ‚ ဒ်အ တိာ်၀ဲလၢ အသးကံၢ်ပူၤအသိးန့ၣ်ႉႉႉ မ်အဟ့ၣ်တၢ်ကိးဂၤဒဲးတက့ၢ်’’ (း၇) ႉ ပ၀ဲတဂၤစုာ်စုာ် ပထံၣ်လီၤက့ၤပသးလၢ ပအိၣ်ဒီးတၢ်ဟ့ၣ်တၢ်လၢ အပတီၢ်လၢအလီၤဆီလိာ်သးဒီးတဘျီဘျီ‚ တၢ်အပတီၢ်တဖၣ်အံၤ ဆီတလဲသးလၢ တၢ်အကတီၢ် တတီၤဘၣ်တတီၤ န့ၣ်လီၤႉ တၢ်ထိၣ်သBတီၤတၢ်လၢ ပှၤဂုၤပှၤဂၤ ဟ့ၣ်တၢ်ထဲလဲၣ်တမ့ၢ် တၢ်လၢအဘျုးအိၣ် မ့မ့ၢ်တၢ်လၢအကါဒိၣ်တခီ မ့ၢ်ပတၢ်ပာ်သူၣ်ပာ်သး‚ ပတိာ်တ့ၢ်တၢ်လၢပသးပူၤန့ၣ်လီၤႉ သန့ၤထီၣ်သးလၢနအိၣ်လၢတၢ်အပတီၢ်မတၤ‚ ပကဘၣ်ဟ့ၣ်တၢ်လၢ တၢ်သူၣ်အိၣ်သးအိၣ်’’ လီၤ (း၆) ႉ ပကစၢ်ယွၤ အိၣ်ဒီးတၢ်အၢၣ်လီၤလၢ တၢ်သိၣ်ဃံးလၢ တၢ်ဟ့ၣ်မၤဘူၣ် တၢ်လၢ တၢ်သးကညီၤ ကဟဲစိာ်ကဒါက့ၤ တၢ်ထူးထီၣ်တီၤထီၣ်လၢ ကျဲကိးဘိဃုာ်ဒီး တၢ်ဘၣ်ဆိၣ်ဂ့ၤလၢ သးသမူလၢအမ့ၢ်တၢ်အစၢလၢအဟဲအိၣ်ထီၣ်လၢ ‘‘တၢ်စံးထီၣ် ပ့တၢၤယွၤ’’ (း၁၁) န့ၣ်လီၤႉ