ယတံၤသကိး အဲလဲန် ဒွးတၢ်ကဟ့ၣ်တၢ်ဘူးတၢ်လဲလၢ စ့စရၠာစးီတခါအပူၤန့ၣ်လီၤႉ တၢ်အံၤဖျါလီၤဂာ်မး ဒ်တၢ်လၢအလဲၤသးဘ@ဘ@ဆှီဆှီ‚ ဘၣ်ဆၣ်လၢ ကတီၢ်အါကတီၢ် အပူၤ‚ ပှၤမၤတၢ်ဖိတဖၣ် ဆှၢထီၣ်အတၢ်ဂ့ၢ်တၢ်ကျိၤလၢ အစဲၤခံန့ၢ်ဒံး အတၢ်ဃ့တၢ် တဖၣ်န့ၣ်လီၤႉ တလီၢ်လီၢ်‚ အဲလဲန် ဘၣ်မၤတၢ်အံၤလၢ တၢ်ဆၢကတီၢ်ဖးယံာ်‚ ဒ်သိးပှၤမၤတၢ်ဖိတဖၣ် ကဒိးန့ၢ်အဘူးအလဲလၢ တၢ်တအိၣ်ဒီးတၢ်စဲၤခံန့ၣ်လီၤႉ အ၀ဲ မၤတၢ်အံၤလၢ တၢ်ဆိကမိၣ်ဖးဒိၣ်လၢ ပှၤမၤတၢ်ဖိအဟံၣ်ဖိဃီဖိတဖၣ်လၢ အသန့ၤထီၣ်အသး လၢ အ၀ဲသ့ၣ်အဘူးလဲလၢ ကပရၤတၢ်အီၣ်တၢ်အီ‚ ကသံၣ်ကသီ ဒီးကဟ့ၣ်က့ၤ ဟံၣ်အပရၤအဂီၢ်န့ၣ်လီၤႉ
အဲလဲန်အတၢ်သးအိၣ်တၢ်လၢ အတၢ်ဖံးတၢ်မၤအံၤ နဲၣ်ယၤဆူကစၢ်ယ့ၣ့်ှှူး အအိၣ်လီၤႉ ဖဲအအိၣ်လၢဟီၣ်ခိၣ်အံၤအကတီၢ်‚ တဘျီဘျီ အ၀ဲမၤတၢ်လၢ ပှၤဂီၢ်မုၢ် ဖဲတၢ်အကတီၢ်လၢ အတညီလၢအဂီၢ်န့ၣ်လီၤႉ အဒိ‚ ကစၢ်ခရၠာစးံာ်လိၣ်ဘၣ်၀ဲ တၢ်ဆၢကတီၢ်လၢ ကအိၣ်ထဲတဂၤဧိၤ ဖဲအနၢ်ဟူလၢ ဘျၢတၢ်စီၤယိၤဟၣ် ဘၣ်တၢ်မၤသံကွံာ် အဃိလီၤႉ အ၀ဲဒိးထီၣ်ချံတဘ့ၣ်‚ ဒ်သိးကဃုထံၣ်န့ၢ်တၢ်လီၢ်လၢ ကအိၣ်ထဲတဂၤဧိၤ လီၤ (မးသဲ ၁၄း၁၃) ႉ ကမ့ၢ်သ့ၣ်သ့ၣ်‚ အ၀ဲလိၣ်ဘၣ် ဒ်သိးကသူၣ်အုးသးအုးလၢ အဘူးအတံၢ်အဂီၢ် ဒီးဃ့ထုကဖၣ် ဖဲအသူၣ်အုးသးအုးန့ၣ်လီၤႉ
တၢ်ဂ့ၢ်ကီအိၣ်၀ဲတမံၤလီၤႉ ပှၤဂီၢ်မုၢ်တဖၣ် ပိာ်ထီၣ် အ၀ဲအခံလီၤႉ ပှၤတဖုအံၤ အိၣ်ဒီးတၢ်လိၣ်ဘၣ် အကလုာ်ကလုာ်လၢ နီၢ်ခိလီၤႉ တၢ်အံၤ‚ ညီဒိၣ်မးလၢ ကဒုးက့ၤ ကဒါက့ၤ ပှၤဂီၢ်မုၢ်န့ၣ်လီၤႉ ဘၣ်ဆၣ်‚ ဖဲအ‘ထံၣ်ပှၤဂီၢ်မုၢ်ဖးဒိၣ်န့ၣ်ဒီး အသးအိၣ်အီၤ (အ၀ဲသ့ၣ်) ဒီးမၤဘျါက့ၤ အပှၤဘၣ်ဆူးဘၣ်ဆါတဖၣ်လီၤ’ (း၁၄) ႉ
ဖဲလၢတၢ်အံၤ မ့မ့ၢ်တၢ်အပတီၢ်လၢ ကစၢ်ယ့ၣ့်ှှူးကိးတၢ် ဒ်သိးကသိၣ်လိ ပှၤဂီၢ်မုၢ်ဒီး ယါဘျါအ၀ဲသ့ၣ် အတၢ်ဆူးတၢ်ဆါ ဒ်အတၢ်ဖံးတၢ်မၤ ဖဲလၢအအိၣ်လၢ ဟီၣ်ခိၣ်ဘၣ်ဆၣ်‚ အ၀ဲဟံးထီၣ် တၢ်အိၣ်မူအိၣ်ဒါတဖၣ်အံၤ‚ လၢတၢ်သူၣ်အိၣ်သး အိၣ်ဘၣ် တၢ်န့ၣ်လီၤႉ မ်ယွၤကမၤစၢၤပှၤလၢ ကသ့ၣ်ညါနီၣ် အ၀ဲအတၢ်သူၣ်အိၣ်သး အိၣ်တၢ်လၢ ပတၢ်အိၣ်မူအပူၤဒီး ဟ့ၣ်လၢ်ပှၤတၢ်ဂံၢ်တၢ်ဘါလၢ ပကနီၤဟ့ၣ်တၢ်အံၤ ဆူ ပှၤဂုၤပှၤဂၤန့ၣ်တက့ၢ်ႉ