ပှၤကူၣ်သ့လၢတၢ်မုၢ်တၢ်ဘိ ဒီးဆၣ်ဖိကီၢ်ဖိတဂၤ‚ ပီၢ်ထံလၢ ခူးစ်ကီးအကပၤ လၢ ပစံးဖ့းပီၣ်လဲၣ်မိၢ်ပှၢ်အကလံၤထံး‚ ဖဲပီၣ်လဲၣ်အညၣ်တီသွ့လၢအအိၣ် အပီၣ် ၅၀‚၀၀၀ ဟဲဖျါထီၣ်သတူၢ်ကလာ်ဒီး ဆီၣ်အီၤဆူအဒံးဖီလာ်န့ၣ်လီၤႉ ပိာ်မုၣ်အံၤ ဆိကမိၣ်လၢ အတၢ်အိၣ်မူကတၢၢ်လံန့ၣ်လီၤႉ ဘၣ်ဆၣ်‚ ဖဲအပီၢ်တရၠာစးံးထံ ကယီကယီ၀ံၤ‚ ညၣ်တီသွ့အံၤ ပျဲပူၤကွံာ်အီၤန့ၣ်လီၤႉ ဖဲတၢ်အကတီၢ်အံၤ၀ံၤ‚ ပှၤကူၣ်သ့လၢ တၢ်မုၢ်တၢ်ဘိဒီးဆၣ်ဖိကီၢ်ဖိအံၤ‚ ထံၣ်ဘၣ်၀ဲ ညၣ်ကမီတဘ့ၣ် ဟးထီၣ်လၢ ဘၢၣ်က၀ီၤအ၀ဲန့ၣ်လီၤႉ ပိာ်မုၣ်အံၤ နာ်၀ဲလၢအ၀ဲဘၣ်တၢ်ဒီတဒၢအီၤလၢ ညၣ်တီသွ့ပၢၤဃာ်အီၤလၢ တၢ်လီၤဘၣ်ယိၣ် န့ၣ်လီၤႉ
လၢဟီၣ်ခိၣ်တဘ့ၣ်လၢ အပှဲၤဒီးတၢ်ဘၣ်ယိၣ်ဘၣ်ဘီန့ၣ် ပဘၣ်တၢ်ကိးပှၤလၢ ပကကွၢ်ထွဲစ့ၢ်ကီး တၢ်လၢပှၤဂုၤပှၤဂၤအဂီၢ်လီၤႉ ဘၣ်ဆၣ်‚ နကသံကွၢ်လီၤက့ၤဘၣ် နသးလၢ‚ ‘‘မ့ၢ်ယဘၣ်တၢ်မုၢ်လၢ်ယၤနီၢ်နီၢ်လၢ ကဟံးန့ၢ်မူဒါလၢ ပှၤတဂၤဂၤအဂီၢ်ဧါ’’ န့ၣ်လီၤႉ မ့တမ့ၢ် ဒ်စီၤကၤယံၣ်အတၢ်ကတိၤအသိး‚ ‘‘ယမ့ၢ်ပှၤကွၢ်ယပုၢ်ယဲဧါ’ (၁ မိၤဒီး ၄း၉) န့ၣ်လီၤႉ လံာ်စီဆှံအလီၢ်လံၤအဆၢဖိလၢ အအိၣ်တ့ၢ်တဖၣ်‚ သီၣ်ထီၣ်ကဒီး တၢ်စံးဆၢက့ၤ တၢ်လၢ‚ ‘‘မ့ၢ်လီၤ’’ႉ ဒ်စီၤအၤဒၣ် ဘၣ်ကဟုကယာ်တၤသၣ်လီၢ်အသိး‚ စီၤကၤယံၣ် ကဘၣ်ကွၢ်အပုၢ် စီၤဟ့းဘ့းလးလီၤႉ ပှၤအံၣ်စရၠာစး့လးတဖၣ် ကဘၣ်ကွၢ်ထွဲ ပှၤလၢအဘၣ်ဒိဘၣ်ထံးညီတဖၣ်ဒီး ကဘၣ်ကဟုကယာ်စ့ၢ်ကီးပှၤလၢအလိၣ် တၢ်မၤစၢၤ န့ၣ်လီၤႉ ဘၣ်ဆၣ်‚ လၢတၢ်ကဘၣ်မၤဒ်သိးအံၤအလီၢ်‚ အ၀ဲသ့ၣ် မၤတၢ်လၢ အထီဒါဒီး ဟံးန့ၢ်ဆူၣ်တၢ်အဘျုးလၢ ပှၤဂုၤပှၤဂၤ‚ ဆီၣ်သနံး ပှၤဖှီၣ်ဖိယာ်ဖိ ဒီး ဃၣ်ကွံာ်အသးလၢတၢ်ကိး‚ ဒ်သိးကဘၣ်အဲၣ်ပှၤလၢအဃၢၤ ဒ်အအဲၣ်လီၤအသးအသိး (ယ့ှှါ ၃း၁၄-၁၅) န့ၣ်လီၤႉ
ဖဲလၢစီၤကၤယံၣ် ဒီးစီၤဟ့းဘ့းလး အတၢ်ဂ့ၢ်မ့ၢ်အိၣ်ဒ်သိးအံၤ ဘၣ်ဆၣ်‚ ကစၢ်ယွၤ အံးကွၢ်ကဒီး စီၤကၤယံၣ်‚ ဖဲလၢအ၀ဲဘၣ်တၢ်ဟီထီၣ်ကွံာ်အီၤဆူ တၢ်လီၢ် အယံၤ (၁မိၤ ၄း၁၅-၁၆) န့ၣ်လီၤႉ တၢ်လၢကစၢ်ယွၤ မၤဘၣ်၀ဲဆူ စီၤကၤယံၣ်‚ မ့ၢ်တၢ်လၢ စီၤကၤယံၣ် ကဘၣ်မၤတၢ်လၢ စီၤဟ့းဘ့းလးအဂီၢ်န့ၣ်လီၤႉ တၢ်အံၤမ့ၢ်တၢ်အကဒု ဃံလၤလၢ‚ ကစၢ်ယ့ၣ့်ှှူးလၢ အမ့ၢ်ယွၤကဟဲဒီး မၤတၢ်လၢပဂီၢ်န့ၣ်လီၤႉ ကစၢ်ယ့ၣ့်ှှူးပၢၤဃာ်ပှၤလၢ အတၢ်ကဟုကယာ်ပှၤအပူၤဒီး အ၀ဲဟ့ၣ်ဆူၣ်ထီၣ်ပှၤ ဒ်သိးပကလဲၤဒီး မၤဒ်န့ၣ်အသိးလၢ ပှၤဂုၤပှၤဂၤအဂီၢ်န့ၣ်လီၤႉ