တမ့ၢ်တၢ်လၢ အလီၤကမၢကမၣ်လၢ မါသၢၣ်တရၠာစးံစၣ် ဒိးန့ၢ်ဘၣ် နိဘၢၣ်ခိၣ်ဖးအံၤဘၣ်ႉ အ၀ဲ ဒိးန့ၢ်ဘၣ်ခိၣ်ဖးအံၤ မ့ၢ်လၢ ‘‘အ၀ဲမၤဘၣ်တၢ်ဆူ ပှၤလၢအသၣ်၀ံၤသၣ်စ့ၤ‚ ပှၤအိၣ် ဘၣ်ဆ့လၢ ပှၤလၢအဟံၣ်ဃီတအိၣ်‚ လၢပှၤမဲာ်ဘျီၣ်‚ လၢပှၤလိၤဟးဂီၤ‚ လၢပှၤလၢအကလၢၢ်ဘၣ်လၢတၢ်တအဲၣ်ဒိးအ၀ဲသ့ၣ်‚ လၢအတဘၣ်တၢ်အဲၣ်အီၤကွံအီၤ‚ လၢ အတဘၣ်တၢ်ကဟုကယာ်လၢ ကမျၢၢ်တဖၣ် ဒီတကတီၢ်’’န့ၣ်လီၤႉ ပှၤဒ်သိးအံၤတဖၣ်န့ၣ် မ့ၢ်ပှၤလၢ အ၀ဲအံးထွဲကွာ်ထွဲ ဒီး ကဟုကယာ်၀ဲလၢ အသးသမူဒီတစိၤန့ၣ်လီၤႉ
ကစၢ်ယ့ၣ့်ှှူး ဟ့ၣ်ထီၣ် တၢ်ဒိဂ့ၤတဲာ်ဘၣ်လၢ ကဘၣ်ကဟုကယာ် ဒီးဘၣ်အဲၣ် ပှၤလၢအဘၣ်တၢ်ကွၢ်ကပာ်ကွံာ်လၢ တၢ်အိၣ်သးခဲလၢာ်အဖီခိၣ်န့ၣ်လီၤႉ လၢအတလီၤဂာ်ဒီး ဘူၣ်ဘျီၣ်ခိၣ်နၢ်လၢ အပးကဲ မုၢ်အိၣ်ဘှံးနံၤ တၢ်သိၣ်တၢ်သီအါန့ၢ်ဒံး ပှၤဆူးပှၤဆါ (လူၤကၣ် ၁၃း၁၄) ‚ ဒီး သးကညီၤ၀ဲ ဖဲလၢအထံၣ်ဘၣ် ပိာ်မုၣ်လၢ အဆူးဆါလၢ တၢ်လုၢ်ဟံၣ်န့ၣ်လီၤႉ ‘‘အ၀ဲသုးလီၤအသးလၢ တၢ်သးကညီၤအပူၤ န့ၣ်လီၤႉ ကစၢ်ခရၠာစးံာ်ကွၢ်၀ဲလၢ အလဲၤတလၢကွံာ် တၢ်လၢ နီၢ်ခိအတၢ်ဆါဒီး‚ ထံၣ်၀ဲလၢ ကစၢ်ယွၤအတၢ်ဘၣ်တ့လၢ အအိၣ်လၢတၢ်စၢဃာ်အပူၤန့ၣ်လီၤႉ အ၀ဲကိးပိာ်မုၣ်အံၤ ဆူအအိၣ်ဒီး တဲဘၣ်အီၤလၢ အဘၣ်တၢ်ယါဘျါလံအီၤလံန့ၣ်လီၤႉ ၀ံၤအ၀ဲပာ်ထီၣ်အစု လၢအလိၤဒီး စူၣ်ဘျၢထီၣ်အသးတကီၢ်ခါဒီး (ပိာ်မုၣ်အံၤ) စံးထီၣ်ပ့တၢၤယွၤလီၤ’’ (း၁၃) ႉ ခီဖျိတၢ်ထိးဘၣ် ပိာ်မုၣ်အံၤန့ၣ် ဘူၣ်ဘျီၣ်ခိၣ်နၢ်တဖၣ် သးဟးဂီၤ၀ဲ မ့ၢ်လၢ မုၢ်နံၤအံၤ မ့ၢ်မုၢ်အိၣ်ဘှံးနံၤအဃိန့ၣ်လီၤႉ ကစၢ်ယ့ၣ့်ှှူးလၢ အမ့ၢ် မုၢ်အိၣ်ဘှံးနံၤ အကစၢ် (လူၤကၣ် ၆း၅) ‚ လၢတၢ်သးကညီၤအပူၤ‚ ဃုထၢထီၣ် လၢကယါဘျါ ပိာ်မုၣ်အံၤလၢအမ့ၢ်ပှၤလၢအကွၢ်ဆၢၣ်မဲာ်ဘၣ် တၢ်တဘၣ်လီၢ်ဘၣ်စးဒီး ဘၣ်မဲာ်ဆှးလၢ အနံၣ် ၂၀ ဃၣ်ဃၣ်န့ၣ်လီၤႉ
ယကမၢကမၣ်ဘၣ်လၢ တဘျီဘျီ ပထံၣ်ပှၤတဂၤဂၤ ဒ်ပှၤလၢအတ့ကၢးဒီး ပတၢ်သးကညီၤအသိးန့ၣ်လီၤႉ မ့တမ့ၢ်‚ ကမ့ၢ်သ့ၣ်သ့ၣ် ပလဲၤခီဖျိဘၣ် တၢ်ညိကွံာ်ပှၤ မ့ၢ်လၢပတတုၤအိၣ်ဘၣ်တၢ်ဆူ ပှၤတနီၤနီၤအနီၣ်ထိၣ်အဃိန့ၣ်လီၤႉ မ်ပသုတလီၤဂာ် ဒီး တၢ်ဘူၣ်တၢ်ဘါအခိၣ်နၢ်လၢအပးကဲတၢ်သိၣ်တၢ်သီအါန့ၢ်ဒံး ပှၤကူပှၤကညီ ကဒဲကဒဲ ဒ်သိးပှၤန့ၣ်တဂ့ၤႉ လၢတၢ်အံၤအလီၢ်‚ မ်ပကပိာ်ကစၢ်ယ့ၣ့်ှှူး အတၢ်ဒိဂ့ၤတဲာ်ဘၣ် ဒီးမၤဘၣ်ပှၤဂုၤပှၤဂၤ လၢတၢ်သးကညီၤ‚ တၢ်အဲၣ်တၢ်ကွံ ဒီးလၢတၢ်ယူးယီၣ်ပးကဲအပူၤ န့ၣ်တက့ၢ်ႉ