‘‘ပၢ်ဧၢ‚ ဘၣ်မနုၤလၢ နဘၣ်လဲၤဆူတၢ်မၤန့ၣ်လဲၣ်ႉ’’ တၢ်သံကွၢ်လၢ ယဖိမုၣ်ဆံးဖိအံၤ မ့ၢ်လၢ အ၀ဲမိၣ်န့ၢ်သးလီလၢ ယကလိာ်ကွဲဒီးအီၤန့ၣ်လီၤႉ ယသးအိၣ်လၢယကဟံးန့ၢ်ခွဲး ဒီးဟံးန့ၢ်တၢ်ဆၢကတီၢ်ဒီးအီၤလီၤႉ ဘၣ်ဆၣ် တၢ်အိၣ်အါမံၤလၢယကဘၣ်မၤ၀ဲအဃိ န့ၣ်လီၤႉ ဘၣ်ဆၣ်ဒီး တၢ်သံကွၢ်အံၤ မ့ၢ်တၢ်လၢအ့ကၢးသံကွၢ်အီၤ န့ၣ်လီၤႉ ဘၣ်မနုၤ ပဘၣ်ဖံးတၢ်မၤတၢ်န့ၣ်လဲၣ်ႉ တၢ်အံၤ မ့ၢ်လၢပကမၤပှဲၤ ပနီၢ်ကစၢ်အတၢ်လိၣ် ဒီး ပှၤလၢပအဲၣ်ဘၣ်အီၤ တဖၣ်အဂီၢ်န့ၣ်လီၤႉ မ့မ့ၢ်ဒ်န့ၣ်ဒီး‚ ဘၣ်မနုၤအဃိ ပမၤ တၢ်ဖံးတၢ်မၤလၢ တဒိးန့ၢ်ဘူးလဲတဖၣ်န့ၣ်လဲၣ်ႉ
၁ မိၤဒီး အဆၢဒိၣ် ၂ စံးဘၣ်ပှၤလၢ ကစၢ်ယွၤပာ်လီၤပှၤကညီအဆိကတၢၢ်လၢ တၤသၣ်လီၢ်အပူၤ ဒ်သိး ‘ကမၤအီၤဒီးပၢၤအီၤ’ (း၁၅) န့ၣ်လီၤႉ ယမံၤပှၢ်ပိာ်ခွါန့ၣ် မ့ၢ်ပှၤထူစံာ်ဖိတဂၤဒီး တလီၢ်လီၢ် အ၀ဲတဲဘၣ်ယၤလၢ အ၀ဲထူစံၣ်လၢတၢ်အဲၣ်ဘၣ်မိၢ်ပၢ်ဖံဖု အတၢ်လီၢ်တၢ်ကျဲ ဒီးတၢ်လုၢ်အီၣ်သးသမူအဂီၢ်န့ၣ်လီၤႉ တၢ်အံၤန့ၣ် မ့ၢ်တၢ်လၢ အဃံအလၤ‚ ဘၣ်ဆၣ် တၢ်အံၤဒုးအိၣ်ထီၣ်တၢ်သံကွၢ်အါမးလၢ အဘၣ်ထွဲဒီး ပှၤလၢအတအဲၣ်ဘၣ် တၢ်မၤလၢအမၤ၀ဲန့ၣ်လီၤႉ ဘၣ်မနုၤလၢ ကစၢ်ယွၤ ပာ်လီၤပှၤ လၢတၢ်လီၢ်လီၤလီၤဆီဆီတတီၤလၢ တၢ်မၤလီၤလီၤဆီဆီန့ၣ်လဲၣ်ႉ
၁ မိၤဒီးအဆၢဒိၣ် ၁ ဟ့ၣ်ပှၤတၢ်စံးဆၢန့ၣ်လီၤႉ ပဘၣ်တၢ်တ့ပှၤလၢ ကစၢ်ယွၤ အက့ၢ်အဂီၤ ဒ်သိးပကကဲထီၣ် ပှၤလၢအပၢၤတၢ်လီၤတံၢ်လီၤဆဲးလၢ ဟီၣ်ခိၣ်လၢ အတ့လီၤ၀ဲ (း၂၆) န့ၣ်လီၤႉ ပှၤတခီဘီမုၢ်ဖိအပူတဖၣ် လၢဟီၣ်ခိၣ်ကဲထီၣ်အံၤ‚ ပာ်ဖျါထီၣ်
‘ကစၢ်တဖၣ်’ တ့လီၤပှၤကညီတဖၣ်လၢ ကဒုးကဲကုၢ်၀ဲန့ၣ်လီၤႉ ၁ မိၤဒီး ပာ်ဖျါထီၣ်
လၢ ယွၤအမ့ၢ်အတီတဂၤ တ့လီၤ ပှၤကူပှၤကညီတဖၣ် ဒ်သိးကကဲထီၣ်အခၢၣ်စး လၢ ကပၢၤတၢ်လၢ အတ့လီၤ၀ဲတဖၣ်လၢ အ၀ဲအလီၢ် (ခၢၣ်စး) န့ၣ်လီၤႉ မ်ပကလီၣ်ဖျါထီၣ်
ကစၢ်ယွၤတၢ်ကူၣ်သ့ဒီး တၢ်အဲၣ်တၢ်ကွံအကလုၢ် ဆူဟီၣ်ခိၣ်အံၤန့ၣ်တက့ၢ်ႉ တၢ်ဖံး တၢ်မၤန့ၣ် မ့ၢ်တၢ်ကိးတခါလၢ ကသူၣ်လီၤဖျးလီၤ ယွၤအဟီၣ်ခိၣ်လၢ အတ့လီၤ၀ဲလၢ
ကစၢ်အလၤကပီၤအဂီၢ်န့ၣ်လီၤႉ